11-Jul-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ନୟାଗଡ଼ ବନାଞ୍ଚଳ ଅଧୀନ ଖେଡପଡା ସେକ୍ସନ ବନପାଳଙ୍କ ଆବାସିକ କାର୍ଯ୍ୟାଳୟ ଉଦ୍ଘାଟିତ ହୋଇଯାଇଛି | ଏହି ଉତ୍ସବ ରେ ନୟାଗଡ଼ ବନଖଣ୍ଡ ଅଧିକାରୀ ଧନରାଜ ଏଚଡି ଉଦ୍ଘାଟକ ଭାବେ ଯୋଗ ଦେଇଥିବା ବେଳେ ମୁଖ୍ୟ ଅତିଥି ଭାବେ ଅତିରିକ୍ତ ବନଖଣ୍ଡ ଅଧିକାରୀ ଅରବିନ୍ଦ ମହାନ୍ତି ଏବଂ ଶ୍ଵେତାଲୀନା ସାହୁ ଏବଂ ସମ୍ମାନିତ ଅତିଥି ଭାବେ ନୟାଗଡ଼ ବନାଞ୍ଚଳ ଅଧିକାରୀ ସୁଶାନ୍ତ ସ୍ୱାଇଁ ପ୍ରମୁଖ ଯୋଗ ଦେଇଥିଲେ |  କରୋନା କଟକଣା ହେତୁ ଉକ୍ତ କାର୍ଯ୍ୟକ୍ରମକୁ ସାଧାରଣ ଭାବେ ସମ୍ପାଦନ କରାଯାଇଛି | ବନପାଳ ସୁମିତ୍ରା ମିଶ୍ର ବନଖଣ୍ଡ ଅଧିକାରୀଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧନା ଦେବା ସହିତ ସମସ୍ତ ଅତିଥି ମାନଂକୁ ମଧ୍ୟ ପୁଷ୍ପ ଗୁଚ୍ଛ ପ୍ରଦାନ କରି ନିଜ ଆବାସିକ କାର୍ଯ୍ୟାଳୟ କୁ ପାଛୋଟି ନେଇଥିଲେ | ଧନରାଜ ମହୋଦୟ ଙ୍କ କରକମଳ ରେ ରିବନ କଟା କାର୍ଯ୍ୟ ସମ୍ପର୍ଣ୍ଣ ହେବାପରେ ଅତିରିକ୍ତ ବନଖଣ୍ଡ ଅଧିକାରିଣୀ  ଶ୍ଵେତାଲୀନା ସାହୁ କାର୍ଯ୍ୟାଳୟ ପ୍ରବେଶ ଦ୍ୱାର

ସ୍ଥିତ ଜଗନ୍ନାଥ ଙ୍କ ପାଖରେ ଦୀପ ପ୍ରଜ୍ବଳନ କରି ଧୂପ ପ୍ରଦାନ କରିଥିଲେ | ସମସ୍ତ ପୂଜାବିଧି ସମ୍ପର୍ଣ୍ଣ ହେବାପରେ କରୋନା କଟକଣା ଅନୁଯାୟୀ ଶ୍ରୀମତୀ ମିଶ୍ର ଉପସ୍ଥିତ ସମସ୍ତ ଅତିଥି ତଥା କର୍ମଚାରୀ ମାନଙ୍କୁ ଖାଦ୍ୟ ପ୍ୟାକେଟ ପ୍ରଦାନ କରିଥିଲେ