21-Apr-2021

ବଲାଙ୍ଗୀର(ପ୍ରେରଣା ଖବର)  ଆଜି ପବିତ୍ର ରାମ ନବମୀ ତିଥିରେ ସ୍ଥାନୀୟ ସାମ୍ବାଦିକ ଭବନ ଠାରେ କୋଭିଡ କଟକଣାକୁ ପାଳନ ପୂର୍ବକ ସାପ୍ତାହିକ ‘ପ୍ରେରଣା’ର ଷଷ୍ଠଦଶତମ ସ୍ୱନକ୍ଷତ୍ର ଦିବସ ପାଳିତ ହୋଇଯାଇଛି । ପ୍ରଥମ ଅଧିବେଶନରେ ଏକ ନିର୍ବାଚିତ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା । କବି ମଧୁସୂଦନ ନାୟକ, ରତ୍ନମୟ ତ୍ରିପାଠୀ, ବିପ୍ରଚରଣ ସାହୁ, ମୃଗେଶ ବୈଷ୍ଣବ ପାଣିଗ୍ରାହୀ, ଉମାଶଙ୍କର ଶତପଥୀ ପ୍ରମୁଖ ସ୍ୱରଚିତ କବିତା ପାଠ କରିଥିଲେ । କବି ନବ କିଶୋର ବେହେରାଙ୍କ ସଂଯୋଜନାରେ ଅନୁଷ୍ଠିତ ଏହି କବିତା ପାଠୋତ୍ସବରେ   କବି ସନ୍ଦୀପ କୁମାର କୁଅଁର ସମୀକ୍ଷକ ଭାବରେ ଯୋଗ ଦେଇ ପଠିତ କବିତା ଗୁଡିକର ସମୀକ୍ଷା କରିଥିଲେ । ଦ୍ୱିତୀୟ ଅଧିବେଶନରେ ଅନୁଷ୍ଠିତ ସଭାରେ ମୁଖ୍ୟ ଅତିଥି

ଭାବରେ ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ମୁଖ୍ୟ ଅତିଥି ଭାବରେ ଯୋଗ ଦେଇ  ଶ୍ରୀ ରାମଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ସଭାର ଶୁଭାରମ୍ଭ କରିଥିଲେ । ନିଜ ଅଭିଭାଷଣରେ ଶ୍ରୀ ମହାଲିଙ୍ଗ ଖବରର ବିଭିନ୍ନ ଦିଗକୁ ଯାଇ ସାମ୍ବାଦିକ ମାନେ ଖବର ପରିବେଷଣ କରିବା ଉଚିତ ବୋଲି କହିବା ସହ ଆଜିର ଇଣ୍ଟରନେଟ ଦୁନିଆରେ ଗୁଗୁଲକୁ ଲୋକ ମାନେ ଗୁରୁ କରି ଦେଇସାରିଛନ୍ତି ବୋଲି କହିଥିଲେ ।  ତେବେ ଖବର କାଗଜ ଖବରର ଅନୁଶୀଳନ, ବିଶ୍ଲେ୍ଲଷଣ କରି ଖବର ପ୍ରସ୍ତୁତ କରିବା ଉଚିତ ବୋଲି ବିଧାୟକ ଶ୍ରୀ ମହାଲିଙ୍ଗ ମତ ଦେଇଥିଲେ ।   ସମ୍ମାନିତ ଅତିଥି ଭାବରେ ବଲାଙ୍ଗୀର କୋଭିଡ଼ ସେଣ୍ଟର ଇନଚାର୍ଜ ଡା ଗିରିଜା ଶଙ୍କର ଉଦ୍‌ଗାତା ଯୋଗ ଦେଇ କରୋନାର ଦ୍ୱିତୀୟ ଲହରର ଭୟାବହତା ଏବଂ ଏଥିରୁ ରକ୍ଷା ପାଇବା ପାଇଁ ବିଭିନ୍ନ ପ୍ରତିଷେଧକ ବ୍ୟବସ୍ଥା ସଂପର୍କରେ ଲୋକଙ୍କୁ ସଚେତନ କରିଥିଲେ । ମୁଖ୍ୟବକ୍ତା ଭାବରେ ‘ପ୍ରମେୟ’ର କେବିକେ ସଂସ୍କରଣ ମୁଖ୍ୟ ଅଖିଳ ଚନ୍ଦ୍ର ହୋତା ଯୋଗ ଦେଇ ସାମ୍ବାଦିକତା ବୃତ୍ତି ର ବିଭିନ୍ନ ଦିଗ ଉପରେ ଆଲୋଚନା କରିଥିଲେ । ଯେଉଁ ଖବର ଦ୍ୱାରା ସମାଜର ବେଶୀ ଲୋକ ଉପକୃତ ହେବେ ସେପରି ଖବର ପରିବେଷଣ ହେବା ଉଚିତ ବୋଲି ଶ୍ରୀ ହୋତା ମତ ଦେଇଥିଲେ । ଶିକ୍ଷାବିତ୍ ମନୋରଞ୍ଜନ ସାହୁ ସଭାରେ ସଭାପତିତ୍ୱ କରିବା ସହ ସଭା ସଂଯୋଜନା କରିଥିବା ବେଳେ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ଅତିଥି ପରିଚୟ ପ୍ରଦାନ କରିଥିଲେ । ପ୍ରେରଣାର ସଂପାଦକ ରଘୁ ନନ୍ଦନ ସିଂହ ନିଜ ସଂପାଦକୀୟ ଅଭିଭାଷଣରେ ଦୀର୍ଘ ୧୬ ବର୍ଷ ଧରି ବଲାଙ୍ଗୀର ଜିଲ୍ଲାର ଜନଜୀବନ ସହ ଜଡିତ ପ୍ରେରଣାର ପ୍ରଚାର ପ୍ରସାର ପାଇଁ ସମସ୍ତଙ୍କ ସହଯୋଗ କାମନା କରିଥିଲେ ।  ବେଳେ   ଏହି ଅବସରରେ ପ୍ରେରଣାର ବାର୍ଷିକ ସ୍ମରଣିକା ଉନ୍ମୋଚିତ ହୋଇଥିଲା । ଏଥିସହ କବି ବଳିଷ୍ଠ ପ୍ରଧାନଙ୍କ କବିତା ସଙ୍କଳନ ‘ସ୍ମୃତିର ଆଇନା’ ଉନ୍ମୋଚିତ ହୋଇଥିଲା । ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ କଳାକାର

ଅନୀତା ଦାସ ତ୍ରିପାଠୀ, ସାମ୍ବାଦିକ ରତ୍ନାକର ସେଠ, ଏକ୍ସନ ନ୍ୟୁଜ୍‌ର ନିର୍ଦ୍ଦେଶକ ଶ୍ରୀମନ୍ତ ପଣ୍ଡା, ଏଡଭୋକେଟ ଅଶୋକ ରାଉତ, ରିନୁ ଅଗ୍ରୱାଲ, ସୁମିତ୍ରା ମିଶ୍ର, ବଲାଙ୍ଗୀର ଡିଷ୍ଟିକ୍ଟ ପ୍ରାଇଭେଟ୍ କ୍ଲିନିକାଲ ଏସୋସିଏସନ ଓ ସମାଜସେବୀ ରମେଶ ପ୍ରସାଦ ମେହେରଙ୍କୁ ସମ୍ବର୍ଦ୍ଧିତ କରାଯାଇଥିଲା । ଶେଷରେ ଶିକ୍ଷକ ରଂଜିତ ମିଶ୍ର ଧନ୍ୟବାଦ ଅର୍ପଣ କରିଥିଲେ ।  ସଭାକୁ ସଫଳ କରିବାରେ ଅନ୍ୟ ମାନଙ୍କ ମଧ୍ୟରେ ସନ୍ତୋଷ ଠାକୁର, ବିଶ୍ୱମୟ ପୂଜାରୀ,ମନୋଜ ମିଶ୍ର, ବିନୋଦ ଦୀପ,ଦେବାଶିଷ ବହିଦାର, ରାଧାକ୍ରିଷ୍ଣ ମିଶ୍ର ପ୍ରମୁଖ ସହଯୋଗ କରିଥିଲେ ।