18-Apr-2021

ବୌଦ୍ଧ(ଶ୍ରୀବନ୍ତମେହେର)ତବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଛତ୍ରଙ୍ଗ ପଞ୍ଚାୟତ ଅନ୍ତର୍ଗତ ଗୁଣ୍ଡୁରିସାହି ଗ୍ରାମରୁ ୩ କିଙ୍ଗକୋବ୍ରା ସାପକୁ ଉଦ୍ଧାର କରି ନୟାଗଡ଼ ମହାନଦୀ ବନ୍ୟପ୍ରାଣୀ ବନାଞ୍ଚଳ କୁଶଙ୍ଗ ରେଞ୍ଜ ଅଧିନରେ ଥିବା ପଦ୍ମତୋଳା ଅଭୟାରଣ୍ୟରେ ଛଡା ଯାଇଥିବା ଜଣାପଡିଛି । ମିଳିଥିବା ସୂଚନା ମତେ ଆଜି ସକାଳ ପ୍ରାୟ ୭ ଘଟିକା ସମୟରେ ଦୁଇଟି ଅହିରାଜ ସାପ ଗୁଣ୍ଡୁରିସାହି ଗାଁ ମୁଣ୍ଡରେ ବାହାରି କ୍ରୀଡା କରୁଥିଲେ । ଗାଁର କିଛି ଲୋକ ଏହି ଦୃଶ୍ୟ ଦେଖି ସଙ୍ଗେ ସଙ୍ଗେ ସ୍ନେକ ହେଲ୍ପ ଲାଇନ ଓ ଜିଲ୍ଲା ବନ ଅଧିକାରୀଙ୍କୁ ଜଣାଇ ଥିଲେ । ସ୍ନେକ ହେଲ୍ପ ଲାଇନ ଓ ଜିଲ୍ଲା ବନ ବିଭାଗ ଖବର ପାଇ ସେଠାରେ ପହଞ୍ଚିବା ବେଳକୁ ଅହିରାଜ ସାପ ଦୁଇଟି ସେମାନଙ୍କୁ ଦେଖି ପଥର ଖୋଲ ଭିତରେ ପଶିଯାଇଥିଲେ । ଦୀର୍ଘ ପ୍ରାୟ ୪/୫ ଘଣ୍ଟା ଅକ୍ଲାନ୍ତ ପରିଶ୍ରମ କରି ସ୍ନେକ ହେଲ୍ପ ଲାଇନ ଟିମ ସେମାନଙ୍କୁ ପଥରଖୋଲ ମଧ୍ୟରୁ ବାହାରକୁ ଆଣିବାରେ ସଫଳ ହୋଇଥିଲେ।ସେ ଦୁଇ ଅହିରାଜଙ୍କୁ ଉଦ୍ଧାର କରିବା ପରେ ସେହି ଗାତ ଭିତରୁ ଆଉ ଗୋଟିଏ ଅହିରାଜ ସାପ ଉଦ୍ଧାର କରିଥିଲେ । ସେଥି ମଧ୍ୟରୁ ଗୋଟିଏ କିଙ୍ଗ କୋବ୍ରା୧୫ଫୁଟ ଲମ୍ବ ର ଏବଂ ଆଉଗୋଟେ  ୧୨ ଫୁଟର ହୋଇଥିବା ବେଳେ ଶେଷରେ ଧାରା ହୋଇଥିବା ସର୍ପଟି ୫ଫୁଟ ଲମ୍ବର ଥିବା ଦେଖିବାକୁ ମିଳିଥିଲା।ସେମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ପରେ ନେଇ ପଦ୍ମତୋଳା ଅଭୟାରଣ୍ୟ ରେ ଛାଡିଦିଆ ଯାଇଥିବା ଜଣାଯାଇଛି।