15-Mar-2021

ସମ୍ବଲପୁର(ପ୍ରେରଣା ଖବର ବ୍ୟୁରୋ) : ବୁର୍ଲା ସ୍ଥିତ ବିଜୁ ପଟ୍ଟନାୟକ କଲ୍ୟାଣ ମଣ୍ଡପଠାରେ ଲାୟନ୍ସ କ୍ଲବ୍‌ ଆନୁକୂଲ୍ୟରେ ଚିତ୍ରକଳା ପ୍ରଦର୍ଶନୀ ଉଦ୍‌ଘାଟିତ ହୋଇଛି । ପ୍ରଥମ ଥର ପାଇଁ ବୁର୍ଲାରେ ଏଭଳି ନିଆରା ଚିତ୍ରକଳା ପ୍ରଦର୍ଶନୀ ଆୟୋଜିତ କରାଯାଇଥିଲା । କ୍ଲବ୍‌ ସଭାପତି ସୁଧୀର ପଶାୟତଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଚିତ୍ରକଳା ପ୍ରଦର୍ଶନୀରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଚିତ୍ରକଳା ମାଧ୍ୟମରେ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ଚିତ୍ରଶିଳ୍ପୀମାନେ ଯୋଗଦେଇଥିଲେ ।

ଏହା ସହିତ କଳାକାରମାନଙ୍କ ଦ୍ବାରା ପ୍ରସ୍ତୁତ ବିଭିନ୍ନ କଳାକୃତିକୁ ମଧ୍ୟ ପ୍ରଦର୍ଶିତ କରାଯାଇଥିଲା । ଓଡିଶାର ବିଭିନ୍ନ ପ୍ରାନ୍ତରେ ଲୁକ୍କାୟିତ ପ୍ରତିଭା ତଥା ଯେଉଁମାନଙ୍କର କଳାକୃତି ସୁକ୍ତ ହୋଇ ରହିଛି ସେମାନଙ୍କୁ ସାମ୍ନାକୁ ଆଣିବାକୁ ପ୍ରୟାସ କରିଛି ଲାୟନ୍ସ କ୍ଲବ୍‌ । ଚିତ୍ରକଳା ମାଧ୍ୟମରେ କଳାକାରମାନେ ବିଭିନ୍ନ ବାର୍ତ୍ତା ପ୍ରଦାନ କରିଛନ୍ତି ।

ବୁର୍ଲାରେ ଆୟୋଜିତ କଳାକୃତି ପ୍ରଦର୍ଶନୀ ପ୍ରତିଯୋଗିତାରେ ବାଲେଶ୍ବର, ଭ୍ରଦକ, ଭୁବନେଶ୍ବର ବିକେ କ୍ରାଫ୍ଟ, ଖଲ୍ଲିଖୋଟ ତଥା ଓଡିଶାର ସରକାରୀ ଅନୁମୋଦନ ପ୍ରାପ୍ତ କଳାକାରମାନେ ନିଜର କଳାକୃତି 

ପ୍ରଦର୍ଶନ କରିଥିଲେ । ଶରୀରରୁ କିଭଳି ଭାବେ କୁଭାବନା ଯିବ, କରୋନା ସଚେତନା ଧର୍ମୀ ବାର୍ତ୍ତା, ପରିବେଶକୁ ସୁରକ୍ଷିତ ରଖିବା ପାଇଁ ମନୁଷ୍ୟର କର୍ତ୍ତବ୍ୟ କିଭଳି ହେବା ଆବଶ୍ୟକ ତାହାକୁ ଚିତ୍ର ମାଧ୍ୟମରେ ଜୀବନ୍ତ କରି ପରିପ୍ରକାଶ କରିଛନ୍ତି ଚିତ୍ରଶିଳ୍ପୀ ।