15-Mar-2021

ଟିଟିଲାଗଡ଼ (ପ୍ରେରଣା ଖବର) ସରକାରୀ ଭାବେ ସାଧାରଣ ଲୋକଙ୍କୁ ସ୍ୱାସ୍ଥ୍ୟ ସେବା ଯୋଗାଇ ଦେବାକୁ କୋଟିକୋଟି ଟଙ୍କା ବ୍ୟୟ କରୁଥିବା ବେଳେ କେହି ଚିକିତ୍ସା ଅଭାବରୁରୁ ବଞ୍ଚିତ ନ ରହନ୍ତୁ, ସେନେଇ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ହେଲେ ପରିତାପର ବିଷୟ, ବଲାଙ୍ଗୀର ଜିଲ୍ଲା ଟିଟିଲାଗଡ ଉପଖଣ୍ଡର ନାରେନ ଗ୍ରାମରେ ଖୋଲାଖୋଲି ନିଜର ଚିକିତ୍ସା କେନ୍ଦ୍ର କରି ରୋଗୀ ଚିକିତ୍ସା କରାଯାଉଛି । ଆଖପାଖ ତଥା ଦୂରଦୂରାନ୍ତରୁ ବିଭିନ୍ନ ରୋଗୀ ନାରେନ ଗ୍ରାମ ସ୍ଥିତ  ଦୁଇଟି ବେସରକାରୀ  ଘରୋଇ ଚିକିତ୍ସାଳୟ ଯଥା ଡ଼.  ସେଲମା ଓ ଡ଼. ମଲିକ ନାମକ କେନ୍ଦ୍ର କୁ ଯାଇ ଅଯଥାରେ ଖର୍ଚ୍ଚାନ୍ତ ହେବା ସହ ବେଳେବେଳେ ଜୀବନ ବି ହରାଉଛନ୍ତି  । ଏହି ଦୁଇଟି ଘରୋଇ କ୍ଲିନିକ ନିଜର କୌଣସି ଶିକ୍ଷାଗତ ଯୋଗ୍ୟତା ନ ଥାଇ ନିଜକୁ ଡାକ୍ତର କହି ସରଳ ଲୋକଙ୍କ ନିକଟରୁ ହଜାର ହଜାର ଟଙ୍କା ଲେଖାଏଁ ଆଦାୟ କରାଯାଉଥିବା ବେଳେ ସମସ୍ତ ପ୍ରକାର ଚିକିତ୍ସା କରଯିବା ଏପରିକି ଏଚ. ଆଇ. ବି. ଏଡ୍ସ ଆକ୍ରାନ୍ତ ଙ୍କୁ ଅରୋଗ୍ୟ କରିଦେବା ପରି ମିଥ୍ୟା ପ୍ରତିଶ୍ରୁତି ପ୍ରଦାନ କରିବା ଅଭିଯୋଗ ହୋଇଛି । ବିଭିନ୍ନ ପ୍ରକାର ପରୀକ୍ଷଣ ଆଳରେ ଅର୍ଥ ଶୋଷଣ କରି ନିଜେ ବେଶ ମାଲାମାଲ ହୋଇଚାଲିଥିବା ବେଳେ ଅପରପକ୍ଷରେ ରୋଗୀଙ୍କ ଅକାଳ ମୃତ୍ୟୁ ସାର ହେଉଛି । ନିୟମିତ ଆଖପାଖ ଅଞ୍ଚଳର ଶତାଧିକ ରୋଗୀ ଚିକିତ୍ସା ପାଇଁ ଆସୁଥିବା ବେଳେ ନିଜ ମନଇଚ୍ଛା  ଔଷଧ, ଇଂଜେକସନ ଓ କିଛି ବଟିକା ଦେଇ ଅର୍ଥ ଆଦାୟ କରାଯାଉଥିବା ଅଭିଯୋଗ ହେଉଛି । ଏ ନେଇ  ନାରେନ ଗ୍ରାମର ଏହି ଦୁଇ ବେଆଇନ କ୍ଲିନିକ ବନ୍ଦ କରିବା ସହ ସବିଶେଷ ତଦନ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହେଉଛି ।  

ଉକ୍ତ ଡ଼ଃ ସେଲମା ଓ ଡ଼ଃ ମଲ୍ଲିକ ନାମକ ଦୁଇ ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ 

ଦାବି କରିଛନ୍ତି l ସେହିପରି ଲୋକେ ସରକାରୀ ଚିକିତ୍ସାଳୟରେ ସ୍ୱୀକୃତିପ୍ରାପ୍ତ ଡାକ୍ତରଖାନାରେ ନିଜ ଓ ପରିବାର ଲୋକ ମାନଙ୍କ ଉପଯୁକ୍ତ ଚିକିତ୍ସା କରେଇବା ଓ ଏପରି ଅଣସ୍ୱୀକୃତି ପ୍ରାପ୍ତ ଡାକ୍ତରଙ୍କ ଠାରୁ ଦୁରେଇ ରହିବା ନିମନ୍ତେ ଅନୁରୋଧ କରିଛି ଜନ ସେବା ସଂଘା ।