26-Jul-2026

ବଲାଙ୍ଗୀର /-ଶିଆଲ ଯୋର ଅଂଚଳ ର ଲୋକଙ୍କ ଗୁଜୁରାଣ ମୁଖ୍ୟତଃ ଚାଷ ଓ କପଡା ବୁଣl ବ୍ୟବସାୟ ଉପରେ ନିର୍ଭର କରିଥାଏ, କିଂନ୍ତୁ ଏଠାରେ ଉଭୟ  ସମ୍ପ୍ରଦାୟ ଘୋର ଅସୁବିଧା ରେ ଅଛନ୍ତି l ଏମାନଙ୍କ ସମସ୍ୟା ପ୍ରତି ସରକାର ଗୁରୁତ୍ୱର ସହ ଧ୍ୟାନ ଦେବା ଦରକାର ବୋଲି ଦେଓଗାଁ ବ୍ଲକ ବ୍ରାହ୍ମଣୀଯୋର ପଂଚାୟତ ର ଶିଆଲଯୋର ଗ୍ରାମ ରେ ଲୋକଙ୍କ ସହ ଆଲୋଚନା ପରେ  ପୂର୍ବତନ ଆଇନ ମନ୍ତ୍ରୀ ନରସିଂହ ମିଶ୍ର ନିଜ ପ୍ରତିକ୍ରିୟାରେ କହିଛନ୍ତି,

ଶ୍ରୀ ମିଶ୍ରଙ୍କ ସହ ଆଲୋଚନା ବେଳେ ଲୋକେ ସାର ର କଳାବଜାରୀ କୁ ନେଇ ଘୋର ଅସନ୍ତୋଷ ବ୍ୟକ୍ତ କରିଥିଲେ l ବିଶେଷ କରି ଡିଏପି ସାର ଯାହାର ଉଚିତ ଦାମ 1350 ଟଙ୍କା, ଖୋଲାବଜାର ରେ ସେହି ସାରକୁ 2450 ଟଙ୍କା ରେ କଳାବଜାରୀ କରାଯାଉଛି l ବ୍ୟବସାୟୀମାନେ ଜାଣିଶୁଣି ସାର ର ଅଭାବ ଦେଖାଇ ଆହୁରି ଚଢ଼ାଦର ରେ ବିକିବାର ଷଡଯନ୍ତ୍ର କରୁଛନ୍ତି ଓ କୃଷି ସମବାୟ ବିଭାଗରେ ଯେତେ ଅଭିଯୋଗ କଲେ ହେଁ ଚାଷୀଙ୍କ ଅଭିଯୋଗ କୁ ଗୁରୁତ୍ୱ ଦିଆଯାଉ ନାହିଁ l

ଏହି ଅଞ୍ଚଳ ର ବୁଣାକାର ମାନେ ମଧ୍ୟ ସମଦଶା ଭୋଗୁଛନ୍ତି l ବୁଣାକାର ଙ୍କ ପାଈଁ ମଙ୍ଗା ଓ ଘର ଋଣ  ପ୍ରଦାନ କରାଯାଇଛି, କିଂନ୍ତୁ ବୁଣାକାର ମାନେ ଘର ତିଆରି କରି ସାରିଥିଲେ ହେଁ ସେମାନଙ୍କୁ ସେମାନଙ୍କ ଘରତିଆରୀ ଟଙ୍କା ପ୍ରଦାନ କରାଯାଇ ନାହିଁ l ମଙ୍ଗଘର କୁ ବିଜୁଳି ଓ ଇନଭର୍ଟର ବୟନ ଓ ହସ୍ତତନ୍ତ ବିଭାଗ ପ୍ରଦାନ କରିବାର ବ୍ୟବସ୍ଥା ଥିଲେ ହେଁ ଅନେକ ଲୋକ ଏଥିରୁ ବଂଚିତ ଅଛନ୍ତି l ଗାଁ ରେ ବିଜୁଳି ବ୍ୟାଘାତ, ଟ୍ରାନ୍ସଫରମର ଅସୁବିଧା ଅତିଶୀଘ୍ର ସମାଧାନ ପାଈଁ ବିଜୁଳି

ବିଭାଗ ସହ ଶ୍ରୀ ମିଶ୍ର ଫୋନ ଯୋଗେ କଥା ହୋଇ ସମାଧାନ ର ପ୍ରତିଶୃତି ଦେଇଥିଲେ l 
ଆଜିର ଏହି ଆଲୋଚନା ବେଳେ ପ୍ରହଲ୍ଲାଦ ନାଗ, ସନ୍ତୋଷ ବାରିକ, ଚନ୍ଦ୍ରଶେଖର ବାରିକ, ପଞ୍ଚାନନ ବାରିକ, ଅରୁଣ ଛତ୍ରିଆ, ଦେବାଧର ବାରିକ, ଧାକୁଲୁ ବାରିକ ଗଜାରୁ ନନ୍ଦ, ଗୋପବନ୍ଧୁ ବାରିକ ରଘୁମଣି ବାରିକ, ଗୋବିନ୍ଦ ବାରିକ, ଭୁବନେ ପାତ୍ର, ବ୍ଲକ କଂଗ୍ରେସ ସଭାପତି ରାମଜୀ ଚୌଧୁରୀ, କାନ୍ତେଶ୍ୱର ପଧାନ, ପ୍ରମୋଦ ସାହୁ, ଅସିତ ମିଶ୍ର ଙ୍କ ସମେତ ଅନେକ ଗ୍ରାମବାସୀ ଉପସ୍ଥିତ ଥିଲେ।