20-Jul-2026

ବିନିକା(ହିମାଂଶୁ ଶେଖର ପୁଟେଲ)ସ୍କୁଲର ପ୍ରଧାନ ଶିକ୍ଷକ ସୁଶୀଲ କୁମାର ବିଶିଙ୍କ ବଦଳି ଆଦେଶକୁ ସ୍ଥଗିତ ରଖିବା ଦାବୀ ନେଇ ଆଜି ଖଇରମାଲ ଗ୍ରାମବାସୀ ସ୍କୁଲରେ ତାଲା ମାରି ପ୍ରତିବାଦ କରିଛନ୍ତି।ଗ୍ରାମବାସୀଙ୍କ ଅଭିଯୋଗ ଅନୁସାରେ ପ୍ରଧାନ ଶିକ୍ଷକ ସୁଶୀଲ ବିଶି କିଛି ବର୍ଷ ଧରି ଏହି ସ୍କୁଲରେ ପ୍ରଧାନ ଶିକ୍ଷକ ଭାବେ କାର୍ଯ୍ୟ  ରତ ଥିଲେ । ତାଙ୍କ ମାର୍ଗଦର୍ଶନରେ ସ୍କୁଲରେ ପାଠପଢା ସାଙ୍ଗକୁ ପିଲାମାନଙ୍କ ପରୀକ୍ଷା ଫଳାଫଳ ପ୍ରତିବର୍ଷ ଠିକ ରହୁଥିଲା। କିନ୍ତୁ  ହଠାତ୍ ତାଙ୍କ ବଦଳି ଆଦେଶ ଆସିବା ପରେ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି।ସ୍କୁଲରେ ଅଧ୍ୟୟନରତ ଛାତ୍ରଛାତ୍ରୀଙ୍କ ଅଭିଭାବକ ମାନେ ଆଜି ସ୍କୁଲ ସମ୍ଭୁଖରେ ରୁଣ୍ଡ  ବଦଳି ସ୍ଥଗିତ ନେଇ ଦୃଢ ପ୍ରତିବାଦ କରିଥିବା ଦେଖିବାକୁ ମିଳିଥିଲା।ଗ୍ରାମବାସୀଙ୍କ କହିବା ଅନୁସାରେ ସୁଶୀଲ ସାର ଆମ ପିଲାମାନଙ୍କୁ ନିଜ ପିଲା ପରି ପଢାନ୍ତି ଓ ତାଙ୍କ ସ୍ୱାସ୍ଥ୍ୟ ସମସ୍ୟା ମଧ୍ୟ ନିୟମିତ ପଚାରି ବୁଝନ୍ତି । ଏହା ସହିତ ସ୍କୁଲର ପରିବେଶକୁ ପରିଷ୍କାର ପରିଚ୍ଛନ୍ନ ରଖିବାରେ କେବେ ବି ଅବହେଳା କରି ନାହାନ୍ତି ।ଏମିତି ଜଣେ କାର୍ଯ୍ୟ ଦକ୍ଷତା ସମ୍ପନ୍ନ ଶିକ୍ଷକ ପାଇ ଅଭିଭାବକ ଅଭିଭାବିକା ମହଲରେ ଖୁସର ଉନ୍ମାଦନା ସୃଷ୍ଟି କରିଥିଲା l ହେଲେ ହଠାତ ଖବର ମିଳିଲା ପ୍ରଧାନ ଶିକ୍ଷକଙ୍କ ବଦଳି ହୋଇଯାଇଛି । ତେଣୁ ସମସ୍ତ ଅଭିଭାବକ କଥା ବାର୍ତା ହୋଇ  ଯଦି ସାର ସ୍କୁଲରୁ ଚାଲିଯିବେ ତେବେ ସ୍କୁଲର ଭବିଷ୍ୟତ ଅନ୍ଧକାର ହୋଇଯିବ। ତେଣୁ ତାଙ୍କ ବଦଳି ତୁରନ୍ତ ସ୍ଥଗିତ ରଖାଯାଉ ବୋଲି ଆଜି ଅଭିଵାବକ ମାନେ ଦିନତମାମ ସ୍କୁଲରେ ତାଲା ପକାଇ ଅଭିନବ ଉପାୟରେ ପ୍ରତିବାଦ କରିଥିଲେ।ଯାହା ଫଳରେ ସ୍କୁଲରେ ପାଠପଢା ବାଧାପ୍ରାପ୍ତ ହୋଇଥିଲା।  ଶିକ୍ଷା ବିଭାଗର କୌଣସି ଅଧିକାରୀ ଘଟଣାସ୍ଥଳରେ ନ ପହଞ୍ଚିବାରୁ କେମିତି ଶିକ୍ଷା ବ୍ୟବସ୍ତା ଏବଂ ଧନ୍ୟ ଶିକ୍ଷା ବିଭାଗ କର୍ତ୍ତୃପକ୍ଷ ବୋଲି ସାଧାରଣରେ ଆଲୋଚନା ହେଉଛି ।ତେବେ ଗ୍ରାମବାସୀ ଚେତାବନୀ ଦେଇଛନ୍ତି ଯେ ପ୍ରଧାନ ଶିକ୍ଷକ ସୁଶୀଲ ବାବୁଙ୍କ ବଦଳି ସ୍ଥଗିତ ନ ହୁଏ ତେବେ ସେମାନେ ଆଗାମୀ ଦିନରେ ଜୋରଦାର ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି।ଅନ୍ୟ ପକ୍ଷରେ ନୂତନ କରି ଯୋଗଦାନ କରିବାକୁ ଆସିଥିବା ଶିକ୍ଷକଙ୍କୁ ସ୍କୁଲ ଭିତରକୁ ଗ୍ରାମବାସୀ ପ୍ରବେଶ କରାଇ ଦେଇନଥିବାରୁ ଶିକ୍ଷକ ଜଣକ ଫେରି ଯାଇଥିବା ଜଣାପଡ଼ିଛି ।