28-Jun-2026

ବଲାଙ୍ଗୀର, (ପ୍ରେରଣା ଖବର) ଆଜି ଡକ୍ଟର ଭୀମରାଓ ରାମଜୀ ଆମ୍ବେଦକର ଫାଉଣ୍ଡେସନ, ବଲାଙ୍ଗିର ଦ୍ଵାରା ପୁର୍ବ ବୈଠକ ର ନିଷ୍ପତ୍ତି ଓ ସର୍ବସମ୍ମତିକ୍ରମେ ବଲାଙ୍ଗିର ମ୍ୟୁନିସିପାଲିଟି ଅନ୍ତର୍ଗତ ଓ୍ବାର୍ଡ ନଂ. ୧୮ ର ସାଲେପାଲି ଛକ ନିକଟ, ରେଲୱେ ଷ୍ଟେସନ ରୋଡର ବାମ ପାର୍ଶ୍ଵରେ, ପୋତା ଯାଇଥିବା ବାବାସାହେବ ଆମ୍ବେଦକର ଙ୍କ ଫଟୋଚିତ୍ର ସହିତ 'ଆମ୍ବେଦକର ଭବନ ପାଇଁ ଜାଗା' ଫଳକ କୁ ଲାଗି "ଆମ୍ବେଦକର ଭବନ ନିର୍ମାଣ" ଉଦ୍ଦେଶ୍ୟରେ ଏକ ଉଦ୍ଘାଟନୀ ଉତ୍ସବ ପାଳିତ ହୋଇଯାଇଛି l ଫାଉଣ୍ଡେସନ ର ସଭାପତି ଧୀମାନ ପାଣ୍ଡବ କୁମ୍ଭାର ସର୍ବପ୍ରଥମେ ଭାରତୀୟ ସମ୍ବିଧାନର ଜନକ, ଭାରତରତ୍ନ ବାବାସାହେବ ଆମ୍ବେଦକର ଙ୍କର ଫଟୋଚିତ୍ରରେ ଶ୍ରଦ୍ଧା ଓ ସମ୍ମାନର ସହିତ ମାଲ୍ୟାର୍ପଣ ଓ ଦୀପ ପ୍ରଜ୍ବଳନ କରିଥିଲେ l ସମସ୍ତ କର୍ମକର୍ତ୍ତା ସମେତ ବହୁ ସଂଖ୍ୟାରେ ମାନବବାଦୀ, ବୁଦ୍ଧପ୍ରେମୀ ତଥା ଶୁଭଚିନ୍ତକ ମାନଙ୍କର ଉପସ୍ଥିତରେ ଉକ୍ତ ଶୁଭ ଉଦ୍ଘାଟନୀ କାର୍ଯ୍ୟକ୍ରମ ଟି କରାଗଲା l

ଏହି ଅବସରରେ ସଭାପତି ଧିମାନ କୁମ୍ଭାର ଉପସ୍ଥିତ ସମାରୋହକୁ ସମ୍ବୋଧନ ଓ ଶୁଭେଚ୍ଛା ଜ୍ଞାପନ ପୂର୍ବକ ନିର୍ମାଣ ହେବାକୁ ଥିବା ଉକ୍ତ ଆମ୍ବେଦକର ଭବନ ପାଇଁ ସମସ୍ତ ସାଧାରଣ ଜନତା ର ସହୃଦୟ ସାହାଯ୍ୟ ଓ ସହଯୋଗର କାମନା କରିଥିଲେ। ଉକ୍ତ ସମାରୋହରେ ଫାଉଣ୍ଡେସନ ର ପ୍ରମୁଖ କର୍ମକର୍ତ୍ତା ଉପ ସଭାପତି ଧୀମାନ ବିରେନ୍ଦ୍ର ରାଏ, କାର୍ଯ୍ୟକାରୀ ସଭାପତି ପ୍ରଭାତ ବାରିକ, ସଂଯୁକ୍ତ ସମ୍ପାଦକ ଇଶ୍ଵର ନନ୍ଦ, କୋଷାଧ୍ୟକ୍ଷ ଲୋକନାଥ ସୁନା, ସଂଯୋଜକ ସୁଶାନ୍ତ ନନ୍ଦ, ସହ ସଂଯୋଜକ ରବି ସୁନା, ମୁଖ୍ୟ ପରାମର୍ଶ ଦାତା ଦଣ୍ଡୁଆ କୁମ୍ଭାର, ପରାମର୍ଶ ଦାତା ରମେଶ ଚନ୍ଦ୍ର ନାଗ, ରତନ କୁମାର ରାଉତ, ଲମ୍ବୋଦର ମହାନନ୍ଦ, ରାମଚନ୍ଦ୍ର ସାଗର, ଜିତୁ ସୁନା, ଭକ୍ତ ରାଏ, ସୁରେନ୍ଦ୍ର ଅଶ୍ୱପାଳ, ବିନୋଦ ଦୀପ ସମେତ ବହୁ ସଂଖ୍ୟା ରେ ଆମ୍ବେଦକରବାଦୀ ଉପସ୍ଥିତ ରହି ଉଦ୍ଘାଟନୀ ଉତ୍ସବକୁ ସାଫଲ୍ୟ ମଣ୍ଡିତ କରିଥିଲେ l ଶେଷରେ ଧୀମାନ ଅର୍ଜୁନ ନାଗ ଧନ୍ୟବାଦ ଅର୍ପଣ କରିଥିଲେ l