03-Jun-2026

କଟକ ୨/୦୬/୨୦୨୬(ତପନ ମହାନ୍ତି ସାମ୍ବାଦିକ)ଚୌଦ୍ୱାର-କଟକ ବିଧାୟକ ମଙ୍ଗଳବାର ଦିନ ନୂଆବଜାରସ୍ଥିତ କୁଷ୍ଠାଶ୍ରମ ପରିଦର୍ଶନ କରିବା ସହ ଏହାର ବିଭିନ୍ନ ସମସ୍ୟା ବାବଦରେ ଅନ୍ତେବାସୀଙ୍କ ସହ ଆଲୋଚନା କରିଥିଲେ। ଆଶ୍ରମର ଗୃହଗୁଡ଼ିକ ଦୀର୍ଘଦିନ ହେବ ଜରାଜୀର୍ଣ୍ନ ଅବସ୍ଥାରେ ଥୂବାରୁ ଅନ୍ତେବାସୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ଦେଇଛନ୍ତି|

ଏହି ସମସ୍ୟାର ସମାଧାନ ତଥା ଗୃହଗୁଡ଼ିକର ପୁନରୁଦ୍ଧାର, ମରାମତି ଓ ଅତ୍ୟନ୍ତ ଖରାପ ଥିବା ଗୃହଗୁଡ଼ିକର ନୂତନ ନିର୍ମାଣ ପାଇଁ ପୂର୍ତ୍ତ ବିଭାଗ-୨ ଅଧିକ୍ଷଣ ଯନ୍ତ୍ରୀ ଜ୍ୟୋତି ପ୍ରକାଶ ମିଶ୍ର ଏସଡ଼ିଓ ମନୋଜ କୁମାର ମିଞ୍ଜ  କନିଷ୍ଠ ଯନ୍ତ୍ରୀ ବଳରାମ ସ୍ୱାଇ ଏବଂ ସମସ୍ତ ବିଭାଗୀୟ ଅଧୂକାରୀବୃନ୍ଦଙ୍କ ସହ ମିଳିତ ଭାବେ କ୍ଷେତ୍ର ପରିଦର୍ଶନ (Field Visit) କରିବା ସହ ବିସ୍ତୃତ ଆଲୋଚନା କରାଯାଇଛି। ଖୁବ୍‌ଶୀଘ୍ର ଏହି ସମସ୍ୟାର ସମାଧାନ ପାଇଁ ବିଭାଗୀୟ ଅଧୂକାରୀମାନେ ପ୍ରତିଶ୍ରୁତି ଦେଇଛନ୍ତି।

ଏହି ପରିଦର୍ଶନ ସମୟରେ ଦେବାଶିଷ ଦଳେଇ, ହୁର୍ଷିକେଶ ସାହୁ,କୃଷ୍ଣ ପଣ୍ଡା, ରବୀନ୍ଦ୍ର ନାୟକ,ଅବିନାଶ ବିଶ୍ୱାଳ ସହ ସ୍ଥାନୀୟ ଅଞ୍ଚଳର ମୂରବୀ, ଗୁରୁଜନ, ବୁଦ୍ଧିଜୀବୀ, ଆଶ୍ରମର ଅନ୍ତେବାସୀବୃନ୍ଦ ଓ ବହୁ ଜନସାଧାରଣ ଉପସ୍ଥିତ ଥିଲେ