12-May-2026

କଟକ(ତପନ ମହାନ୍ତି): କଟକ ମହାନଗର ନିଗମ ଅନ୍ତର୍ଗତ ୱାର୍ଡ ନଂ ୫୧ ତିନି ଘରିଆ ନୂଆସାହି ରାସ୍ତା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ପର୍ଯ୍ୟନ୍ତ ଖାଲଖମା। ଦୈନିକ ଏହି ରାସ୍ତା ଦେଇ ତିନି ଘରିଆ, ସାର୍ତ୍ତୋଳ, ନୂଆପଡା, ପୋପରଡା, ଓ ବିଭିନ୍ନ ଅଞ୍ଚଳରୁ ସ୍ବାସ୍ଥ୍ୟ ସେବା ପାଇଁ ଆସିଥାନ୍ତି। କିନ୍ତୁ ଖାଲଖମା ରାସ୍ତା ପାଇଁ ଯାତାୟାତ୍ ରେ ବାଧାସୃଷ୍ଟି ହେଉଛି ବୋଲି ବରିଷ୍ଠ ନାଗରିକ ସଂଘ ପୂର୍ବ କଟକ ସାଧାରଣ ସମ୍ପାଦକ ଅଗଣି ଚରଣ ନାୟକ, ରବୀନ୍ଦ୍ର  ବେହେରା ସାମ୍ବାଦିକ ତପନ କୁମାର ମହାନ୍ତି, ଆଲୋକ ବସ୍ତିଆ, 

ଜୟନ୍ତ ରାଉତରାୟ, ମାନସ ବସ୍ତିଆ ପ୍ରମୁଖ ଅଭିଯୋଗ କରିଛନ୍ତି। ଏମାନେ ଅଭିଯୋଗ କରିଛନ୍ତି ଯେ  ଆମେ ବାରମ୍ବାର ୱାର୍ଡ ଦାଇତ୍ଵରେ ଥିବା ଇଂଜିନିୟରଙ୍କୁ ଅଭିଯୋଗ କଲାପରେ ବି ଣୁଣୁନଥିବା କହିଛନ୍ତି। ମତାମତ ନେବାକୁ ଫୋନ୍ କରିଥିଲେ ମଧ୍ୟ ସେ ଉଠାଇନଥିଲେ। ବାସିନ୍ଦା ମାନେ ଅଭିଯୋଗ କରିଛନ୍ତି କାମର ଟେଣ୍ଡର ସରିଛି। ଏପିଏଫ୍ ଡିପୋଜିଟ ହୋଇଛି। କିନ୍ତୁ କାର୍ଯ୍ୟାଦେଶ କନିଷ୍ଠ ଯନ୍ତ୍ରୀ  ଦେଉ ନାହାନ୍ତି ବୋଲି ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା। ବର୍ଷା ହେଲେ ଖାଲଖମା ଜଣାପଡୁନି। ଘଟୁଛି ଦୁର୍ଘଟଣା। ତେଣୁ ତୁରନ୍ତ କାର୍ଯ୍ୟାଦେଶ ଦେଇ ରାସ୍ତା କାମ କରିବାକୁ ସାଧାରଣରେ ଦାବି ହେଉଛି।