05-May-2026

କଟକ (ତପନ ମହାନ୍ତି): ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜ ଓ ହସ୍ପିଟାଲରେ ଚିକିତ୍ସା ଅବହେଳାରୁ ଜଣେ ବୃଦ୍ଧଙ୍କ ଜୀବନ ଚାଲିଯାଇଛି। ଅଧାଘଣ୍ଟା ଧରି ବୃଦ୍ଧ ଜଣକ ପଡି ରହି ଥିଲେ ମଧ୍ୟ ଡାକ୍ତର ଦେଖା ମିଳିନଥିଲା। ଚିକିତ୍ସା ନପାଇ ଯନ୍ତ୍ରଣାରେ ଛଟପଟ ହୋଇ ବୃଦ୍ଧ ଜଣକର ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି। ଏହାକୁ ନେଇ ରୋଗୀ ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ଦେଖୁବାକୁ ମିଳିଛି। ସୂଚନା ଅନୁଯାୟୀ, ଆଜମା ରୋଗରେ ଆକ୍ରାନ୍ତ ଥ‌ିବା କେନ୍ଦ୍ରାପଡ଼ା ଜିଲ୍ଲା ଡେରାବିଶ ଥାନା ଚାନ୍ଦୋଳ ଅଞ୍ଚଳର ପ୍ରଶାନ୍ତ କୁମାର ସ୍ବାଇଁ (୫୫) ପରାମର୍ଶ ଲାଗି ଏସସିବିକୁ ଆସିଥାନ୍ତି। ଡାକ୍ତରଙ୍କ ଅନୁଯାୟୀ ଏସସିବିରୁ ଔଷଧ ନେଇ ନିୟମିତ ଖାଉଥିଲେ। ସୋମବାର ଡାକ୍ତରଙ୍କ ପରାମର୍ଶ ନେବା ଲାଗି କେନ୍ଦ୍ରାପଡ଼ାରୁ କଟକ ଆସିଥିଲୋ ଡାକ୍ତର ଦେଖାଇବା ପରେ ଅପରାହ୍ନ ପ୍ରାୟ ୪ଟା ବେଳେ ନିରାମୟ କେନ୍ଦ୍ରରେ ଔଷଧ ଲାଗି ଧାଡ଼ିରେ ଛିଡ଼ା ହୋଇଥିଲୋ ହଠାତ ତାଙ୍କ ମୁଣ୍ଡ ବୁଲାଇଥିଲା| ଏ ସଂକ୍ରାନ୍ତରେ ଫୋନ କରି ତାଙ୍କ ଝିଅ ହିରଣ୍ମୟୀ ସ୍ବାଇଁଙ୍କୁ ଜଣାଇଥିଲୋ ଏହାର କିଛି ସମୟ ପରେ ପ୍ରଶାନ୍ତ ତଳେ ପଡ଼ିଯାଇଥିଲେ ସେଠାରେ ଉପସ୍ଥିତ ଥିବା ଲୋକେ ତାଙ୍କୁ କାଜୁଆଲିଟିକୁ ନେଇଯାଇଥିଲେ। ପାଖାପାଖୂ ଅଧଘଣ୍ଟା ଧରି ଯନ୍ତ୍ରଣାରେ ଛଟପଟ ହୋଇଥିଲେ ମଧ୍ୟ ଡାକ୍ତର ଚିକିତ୍ସା କରିବାକୁ ଆସିନଥିଲେ । ଡାକ୍ତର  ପରେ ପହଞ୍ଚି   ତାଙ୍କୁ ମୃତ୍ୟୁ ଘୋଷଣା କରିଥିଲେ। ଘଟଣା ସମ୍ପର୍କରେ ଖବର ପାଇ ଝିଅ ହିରଣ୍ମୟୀ ସ୍ବାଇଁ, ପୁତୁରା ସ୍ମୃତି ରଞ୍ଜନ ସ୍ବାଇଁ ଏବଂ ଅନ୍ୟ ସମ୍ପର୍କୀୟ ମାନେ ପହଞ୍ଚୁ ଥିଲେ। ଚିକିତ୍ସା ଅବହେଳାରୁ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଡାକ୍ତର ଓ କର୍ମଚାରୀ ଙ୍କ ସ‌ହ କଥା କଟାକଟି ମଧ୍ୟ ହୋଇଥିଲା। ଅନେକ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା। ସନ୍ଧ୍ୟା ହୋଇ ଯିବାରୁ ଶବ ବ୍ୟବଚ୍ଛେଦ ଅସମ୍ଭବ ହୋଇଥିଲା। ତେଣୁ ମଙ୍ଗଳବାର ଶବ ବ୍ୟବଚ୍ଛେଦ କରାଯିବ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣାପଡିଛି।