15-Mar-2026

ନୂଆପଡ଼ା  (ରାମନାଥ ପଣ୍ଡା )
 ନୂଆପଡ଼ା ଜିଲ୍ଲା କୁଲିଙ୍ଗାମାଲ ସେବାଶ୍ରମରେ ପ୍ରଧାନ ଶିକ୍ଷକ ଶ୍ୟାମ ସୁନ୍ଦର ସୁନାନିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବାର୍ଷିକ ଉତ୍ସବ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଝସକେତନ ମାଝୀ,ମୁଖ୍ୟ ବକ୍ତା ଭାବରେ ସମାଜ ସେବୀ ଘନଶ୍ୟାମ ତାଣ୍ଡି,ବିଶିଷ୍ଟ ଅତିଥି ସୁଦର୍ଶନ ତାଣ୍ଡି,ସମ୍ମାନିତ ଅତିଥି ରୂପେ ଏସ ଏମ ସି ଚେୟାରମେନ ନାରାୟଣ ମାଝୀ,କମଳା ମାଲ ସେବାଶ୍ରମ ଶିକ୍ଷକ ସତ୍ୟବାଦି ମଲ୍ଲିକ,ବଳଦେବ ନାଏକ,ସଙ୍କୀର୍ତ୍ତନ ଧରୁଆ,ରମେଶ ମାଝୀ ପ୍ରମୁଖ ମଞ୍ଚାସିନ ଥିଲେ ।ପ୍ରଧାନ ଶିକ୍ଷକ ଶ୍ରୀଯୁକ୍ତ ସୁନାନି ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ। ସମସ୍ତ ଅତିଥି ଛାତ୍ର ଛାତ୍ରୀଙ୍କ ଜୀବନର ଦାୟୀତ୍ୱ ଉପରେ ଆଲୋକପାତ କରିବା ସହିତ  ସେମାନଙ୍କ ଆଗାମୀ ଭବିଷ୍ୟତରେ ତାଙ୍କ କର୍ତ୍ତବ୍ୟ କ'ଣ ହେବା ଆବଶ୍ୟକ ତା'ରି ଉପରେ ଛାତ୍ର ଛାତ୍ରୀଙ୍କୁ ଦିଗଦର୍ଶନ ଦେଇ ତାଙ୍କର ଶୁଭ କାମନା କରିଥିଲେ ।ଛାତ୍ର ଛାତ୍ରୀଙ୍କ ମଧ୍ୟରେ ଲୁକ୍କାୟିତ ହୋଇ ରହିଥିବା କଳାକୁ ଉଜ୍ଜୀବିତ କରି ସମାଜ ଆଗରେ ପରିଚୟ ସୃଷ୍ଟି କରିବାର ଏକ ମାତ୍ର ପ୍ଲାଟଫର୍ମ ହେଉଛି ବାର୍ଷିକ ଉତ୍ସବ ।ବିଦ୍ୟାଳୟ ରେ ଶୈକ୍ଷିକ ଦୃଷ୍ଟି କୋଣରୁ କ୍ଲାସ ଟପ୍ପର,ଉତ୍ତମ ଉପସ୍ଥାନ,ବାର୍ଷିକ କ୍ରୀଡ଼ା ତଥା ଅନ୍ୟାନ୍ୟ ପ୍ରତିଯୋଗିତାରେ ପାରଦର୍ଶିତା ଅର୍ଜ୍ଜନ କରିଥିବା ଛାତ୍ର ଛାତ୍ରୀଙ୍କୁ ଟ୍ରଫି ସହ ମାନପତ୍ର ଦେଇ ପୁରସ୍କୃତ କରାଯାଇଥିଲା।ଦ୍ଵିତୀୟ ପର୍ଯ୍ୟାୟ କାର୍ଯ୍ୟକ୍ରମରେ ଛାତ୍ର ଛାତ୍ରୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରି ସମସ୍ତଙ୍କୁ ବିମୋହିତ କରିଥିଲେ ।ଶିକ୍ଷୟତ୍ରୀ ବେବିତା ବେହେରା,ଶିକ୍ଷକ ଗୋବର୍ଦ୍ଧନ ହଂସ,ଶିକ୍ଷକ କାମାକ୍ଷା ପ୍ରସାଦ ମାଝୀ, ଶିକ୍ଷକ ସୁନିତ୍ କୁମାର ହଂସ ଙ୍କ ସମେତ ବିଦ୍ୟାଳୟର ଅନ୍ୟାନ୍ୟ ଷ୍ଟାଫ କାର୍ଯ୍ୟକ୍ରମରେ ସହଯୋଗ କରିଥିଲେ ।ଶିକ୍ଷକ ସୁନିତ କୁମାର ହଂସ ମଞ୍ଚ ପରିଚାଳନା କରିଥିବାବେଳେ ଶିକ୍ଷୟିତ୍ରୀ ବେବୀତା ବେହେରା ଧନ୍ୟବାଦ୍ ଅର୍ପଣ କରିଥିଲେ ।