24-Jan-2026

ଲୋଇସିଂହା, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ଯୋଗୀସର୍ଡ଼l ପଂଚାୟତ ପରିସରରେ ଜଳ ଯୋଗାଣ ଓ ପରିମଳ ବଲାଙ୍ଗୀର ଦ୍ୱାରା ଆୟୋଜିତ ଜଳ ଅର୍ପଣ ଦିବସ କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ଓଡିଶା ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼ ମୁକେଶ ମହାଳିଙ୍ଗ ଯୋଗ ଦେଇ ଜଳଅର୍ପଣ କରିବା ସହ ଜଳ ସଂରକ୍ଷଣ ବିଷୟରେ ଅବଗତ କରିଥିଲେ l ପୃଥିବୀ ପୃଷ୍ଠ ରେ ଥିବା 3% ଜଳ କୁ କିଭଳି ସଦ ଉପଯୋଗ କରିବା l ସ୍ୱଚ୍ଛ ଜଳ ଆଗାମୀ ପିଢ଼ି ପାଇଁ କିପରି ସଂରକ୍ଷିତ ରଖିବା l ଜଳ କୁ ସୁରକ୍ଷା ଦେବା ନଚେତ ଯଦି ଆଗାମୀ ଦିନରେ ପୃଥିବୀ ରେ ତୃତୀୟ ବିଶ୍ୱଯୁଦ୍ଧ ହୁଏ ତାହାର କାରଣ ପାଣି l

ଏଣୁ ଘରେ ଜଳ କୁ ସଂରକ୍ଷଣ ଓ ସଦୁପଯୋଗ କରିବା ଆମର କର୍ତବ୍ୟ ବୋଲି ମନ୍ତ୍ରୀ ଡ଼. ମହାଳିଙ୍ଗ ଉପସ୍ଥିତ ଛାତ୍ରଛାତ୍ରୀ ଓ ଜନସାଧାରଣ ଙ୍କୁ ସଚେତନ କରାଇବା ସହ ଶପଥଗ୍ରହଣ କରିଥିଲେ l ଏହାସହ ସମ୍ମାନିତ ଅତିଥି ଭାବରେ ଗଗନ କୁମାର କିସାନ କାର୍ଯ୍ୟନିର୍ବାହୀ ଅଧିକାରୀ ଜଳ ଓ ପରିମଳ ବିଭାଗ ବଲାଙ୍ଗୀର, ତରଣୀ ସୁନା ଜିଲ୍ଲା ପ୍ରକଳ୍ପ ନିର୍ଦେଶକ ବଲାଙ୍ଗୀର, ବିଡ଼ିଓ ତଥା କାର୍ଯ୍ୟନିର୍ବାହୀ ଅଧିକାରୀ ଲୋଇସିଂହା ଶ୍ରୀ ଅକ୍ଷୟପାଣି ଉଡ୍ଡୁ, ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ସାଂସଦ ଙ୍କ ଲୋଇସିଂହା ପ୍ରତିନିଧି ବାଲକୃଷ୍ଣ ଧରୁଆ, ଶ୍ରୀ ପ୍ରସାଦ କୁମାର ସାମନ୍ତରାଏ ଏସଡ଼ିଓ ଜଳ ଓ ପରିମଳ ବିଭାଗ ଯୋଗ ଦେଇଥିଲେ l ଏହି ପରିପ୍ରେକ୍ଷୀରେ ଛାତ୍ରଛାତ୍ରୀ ଙ୍କ ଦ୍ୱାରା ଜଳ ଅର୍ପଣ ଦିବସ କୁ ନେଇ ପଂଚାୟତ ପରିସରରେ ଏକ ଶୋଭାଯାତ୍ରା ହୋଇଥିଲା l ଜ୍ୟୋତିପ୍ରକାଶ ସାହୁ ମଞ୍ଚ ପରିଚାଳନା କରିଥିବା ବେଳେ ଲୋଇସିଂହା ଏବିଡ଼ିଓ କିଶୋରଚନ୍ଦ୍ର ମାନସିଂହ, ଆରଡବ୍ଲୁଏସଏସ ଯନ୍ତ୍ରୀ ମରିସ ରୋସନ୍ ଡୁମ୍ ଡୁମ ଓ ବିଭୂତି ଭୂଷଣ ସାମଲ, ପିଇଓ ଜିତୁ ସାହୁ, ଲୋଇସିଂହା ବିଧାୟକ ଙ୍କ ପ୍ରତିନିଧି ଗୌରାଙ୍ଗ ନାଏକ ସମେତ ଅନେକ ବିଜେପି କାର୍ଯ୍ୟକର୍ତ୍ତା ଓ ଜନସାଧାରଣ ଉପସ୍ଥିତ ରହି କାର୍ଯ୍ୟକ୍ରମ କୁ ସାଫଲ୍ୟ କରିଥିଲେ l