24-Jan-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀରରେ ଗତ ଜାନୁୟାରୀ ୧୯ ତାରିଖରୁ ୨୩ ତାରିଖ ପର୍ଯ୍ୟନ୍ତ ଦୀର୍ଘ ୫ଦିନ ଧରି ଆୟୋଜିତ ହୋଇଥିବା ଜିଲ୍ଲାସ୍ତରୀୟ ଲୋକଉତ୍ସବରେ ଓରମାସ ପକ୍ଷରୁ ପଲ୍ଲିଶ୍ରୀ ମେଳା ଅନୁଷ୍ଠିତ ହୋଇଥିଲା । ଏହି ମେଳାରେ ପଲ୍ଲିଶ୍ରୀମେଳା, ସୁଭଦ୍ରା ଶକ୍ତିମେଳା, ଆତ୍ମନିର୍ଭର ଭାରତ ସ୍ୱେଦେଶୀମେଳା ଯୋଜନାର ୩୦୩ ଟି ସ୍ୱୟଂସହାୟିକା ଦଳର ୬୯୯ ଜଣ ଯୋଗଦେଇ ତାଙ୍କ ସ୍ୱନିର୍ମିତ ଜିନିଷପତ୍ର ବିକ୍ରୀ କରିଥିଲେ । ମୋଟ ୧୧ଟି ରାଜ୍ୟର ୩୦୩ଟି ଗ୍ରୁପର ୧,୩୦,୯୫,୭୬୦ ଟଙ୍କାର ସାମଗ୍ରୀ ବିକ୍ରୀ ହୋଇଥିବା ସୂଚନା ମିଳିଛି । ଜିଲ୍ଲା ଉନ୍ନୟନଅଧିକାରୀ ତଥା ଜିଲ୍ଲାପରିଷଦର ମୁଖ୍ୟ ନିର୍ବାହୀଅଧିକାରୀ ତରଣୀସେନ ସୁନା ସୂଚନା ଦେଇଛନ୍ତି ଯେ, ଓରମାସ ପକ୍ଷରୁ ଆୟୋଜିତ ପଲ୍ଲିଶ୍ରୀ ମେଳାରେ ଖୁବଭଲ ବ୍ୟବସାୟ ହୋଇଛି। ୧୦ଟି ବାହାରରାଜ୍ୟରୁ ଆସିଥିବା ସାମଗ୍ରୀ ସହିତ ରାଜ୍ୟର ୩୦ଟି ଜିଲ୍ଲାର ସ୍ୱୟଂସହାୟିକାଦଳ ଏଥିରେ ସାମିଲ ହୋଇଥିଲେ । ଗତ ୫ଦିନ ଧରି ଲୋକଙ୍କ ସମାଗମ ହୋଇଥିଲା । ଘରକରଣା ସାମଗ୍ରୀର ବ୍ୟବସାୟ ଭଲ ହୋଇଥିବା ସୂଚନା ମିଳିଛି। ପ୍ରଥମ ଦିନରେ ୧୫ଲକ୍ଷ ୯୦ହଜାର, ଦ୍ୱିତୀୟ ଦିନରେ ୨୧ଲକ୍ଷ ୭୬ ହଜାର, ତୃତୀୟ ଦିନରେ ୩୦ଲକ୍ଷ,ଚତୁର୍ଥ ଦିନରେ ୩୨ଲକ୍ଷ ୪୦ହଜାର ଓ ଶେଷଦିନରେ ୩୧ଲକ୍ଷ ଟଙ୍କାର ସାମଗ୍ରୀ ବିକ୍ରି ହୋଇଥିବା ଜଣାପଡିଛି । ସ୍ୱୟଂସହାୟିକା ଦଳଙ୍କ ପାଇଁ ଏହା ଏକ ବଡ ବଜାର ସୁବିଧା ପ୍ରଦାନ କରାଯାଇଛି । ଏହି ମେଳାରେ ଓଡିଶା ସମେତ,ପଞ୍ଜାବ,ଜାମ୍ମୁ ଓ କାଶ୍ମିର, ରାଜସ୍ଥାନ, ଉତ୍ତରପ୍ରଦେଶ, ମଧ୍ୟପ୍ରଦେଶ,ବିହାର,ମହାରାଷ୍ଟ୍ର, ଛତିଶଗଡ,କର୍ଣ୍ଣାଟକା ଓ ଝାରଖଣ୍ଡ ରାଜ୍ୟର ସ୍ୱୟଂସହାୟିକା ଦଳ ଯୋଗ ଦେଇଥିଲେ । ଲୋକଉତ୍ସବର ପ୍ରଥମଦିନରେ ରାଜ୍ୟସଭା ସାଂସାଦ ନିରଂଜନ ବିଶି ମୁଖ୍ୟଅତିଥି ଭାବରେ ଯୋଗଦେଇ ଏହାକୁ ଉଦଘାଟନ କରିଥିଲେ । ଜିଲ୍ଲାପାଳ ଗୌରବଶିବାଜୀ ଇସଲୱାର,ଏସପି ଅଭିଳାଷ ଜୀ, ଜିଲ୍ଲା ପରିଷଦ ଉନ୍ନୟନଅଧିକାରୀ ତରଣିସେନ ସୁନା ପ୍ରମୁଖ ଉପସ୍ଥିତ ଥିଲେ ।