14-Jan-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)ଆକାଶ ରେ ଗୁଡ଼ି ଉଡ଼ି ଉଡି ପୁଣି ଫେରି ଆସେ ହେଲେ ଆଉ ଫେରିବେନି ଅଫେରା ରାଇଜ ରୁ  ଏ ଗୁଡ଼ି ତିଆରି କରୁଥିବା ସୋନପୁର ଥନା ପତି ପଡା ର ଗୁଡି କରାଳୀ ଗୁଡି ବିକାଳୀ ଦେବରାଜ ତରିଆ l  ୮୦ ବର୍ଷ ବୟସ ରେ ଗତ କାଲି  ତାଙ୍କ ଦେହାନ୍ତ ଘଟିଛି l ଏ ଖବର ରେ ସହର ବାସୀ ଙ୍କ ଠାରୁ ଗୁଡି ଉଡାଳି ପିଲା ଛୁଆ ଙ୍କ ମନରେ ଅଧିକ ଦୁଃଖ  ଦେଇଛି l କାରଣ ଜଣେ ପ୍ରସିଦ୍ଧ ଗୁଡ଼ି କରାଳୀ ଓ ବିକାଳି ଭାବେ  ଦେବରାଜ ସୋନପୁର ଅଞ୍ଚଳ ରେ ଖୁବ୍ ଜଣାଶୁଣା ଥିଲେ l ମକର ସଂକ୍ରାନ୍ତି ପର୍ବ ପୁର୍ବରୁ ଦେବରାଜ ଙ୍କ ଘରେ ଗୁଡି କିଣିବାକୁ ପିଲା ଛୁଆ ଙ୍କ ଖୁବ୍ ଭିଡ଼ ଲାଗେ l ଏମିତି ପର୍ବ ପର୍ବାଣୀ ରେ ପ୍ରତି ଦିନ ଶହ ଶହ ଗୁଡି ବିକି ଖୁବ୍ ରୋଜଗାର କରି ଆସୁଥିଲେ ଦେବରାଜ l କଥାରେ ଅଛି ଆମ କୃଷି ପ୍ରଧାନ ଦେଶ ରେ  ଫସଲ ଭିତ୍ତିକ ଉତ୍ସବ  ମକର ସଂକ୍ରାନ୍ତି ରେ ଆମ ରାଜ୍ୟ ତଥା ଦେଶ ର ଲୋକେ ନୂଆଁ ଲୁଗା ପିନ୍ଧି ନିଜ ନିଜ ଇଷ୍ଠ ଦେବା ଦେବୀ ଙ୍କ ପାଖରେ ପୂଜା ଅର୍ଚ୍ଚନା ସହ ଅରୁଆ ଚାଉଳ ଗୁଡ଼ କଦଳୀ ଭୋଗ ଅର୍ପଣ କରନ୍ତି l କାହିଁ କେଉଁ ଆବାହନ କାଳ ରୁ ଏ ପରମ୍ପରା ଲାଗି ରହିଛି l ଏହି ଦିନ ଠାରୁ ସୁର୍ଯ୍ୟ ଉତ୍ତରାୟଣ ହୁଅନ୍ତି l ବସନ୍ତ ଉତ୍ସବ ମଧ୍ଯ ଆରମ୍ଭ ହୋଇଥାଏ l ଏ ପର୍ବ ଆସିଲେ ଛୁଆ ପିଲା ବୟସ୍କ ଲୋକେ ମଧ୍ଯ ଆନନ୍ଦ ଉଲ୍ଲାସ ରେ ଗୁଡ଼ି ଉଡ଼ାଇ ଥାନ୍ତି l ୮୦ ବର୍ଷ ବୟସ ରେ ଏବେବି ଦେବରାଜ ଗୁଡି ତିଆରି କରି ପରିବାର ପାଇଁ ରୋଜଗାରିଆ ଥିଲେ l ଦେବରାଜ ଙ୍କ ଦେହାନ୍ତ ରେ ଦୁଇ ପୁଅ ରଞ୍ଜନ ଓ ବିନୋଦ ଗଭୀର ଦୁଃଖ ପ୍ରକାଶ କରିବା ସହ ବାପା ଙ୍କ ଏ କଳା କୁ ପରମ୍ପରା କୁ ବଜାୟ ରଖିବା କୁ ପିଲା ଛୁଆ ଙ୍କ ମନରେ ଖୁସି ଭରିବାକୁ ସଂକଳ୍ପ ନେଇଥିବା ବିଷୟ ପ୍ରକାଶ କରିଛନ୍ତି l