13-Jan-2026

ବଲାଙ୍ଗିର(ପ୍ରେରଣା ଖବର):ବଲାଙ୍ଗୀର ଜିଲ୍ଲାସ୍ତରୀୟ ପାଣିପଞ୍ଚାୟତପକ୍ଷ ଆଜି ଉଦଯାପିତ ହୋଇଯାଇଛି । ଭୀମଭୋଇ ମେଡିକାଲକଲେଜର ଅଡିଟୋରିୟମରେ ଜଳସେଚନବିଭାଗର ଅତିରିକ୍ତ ମୁଖ୍ୟଯନ୍ତ୍ରୀ ଇଂ.ଦେବଦତ୍ତ ରାୟ ମହାପାତ୍ରଙ୍କ ସଭାପତିତ୍ୱ ଓ ବୀରେନ୍ଦ୍ର ପାଣ୍ଡେଙ୍କ ସଂଯୋଜନାରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ବଲାଙ୍ଗୀର ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ,ସମ୍ମାନୀତ ଅତିଥି ଭାବରେ ବିଡିସିସି ବ୍ୟାଙ୍କର ପୂର୍ବତନ ସଭାପତି ଲକ୍ଷ୍ମଣକୁମାର ମେହେର,ଲୋୟରସୁକତେଲ ପ୍ରକଲ୍ପର ପୂର୍ବତନ ମୁଖ୍ୟନିର୍ମାଣଯନ୍ତ୍ରୀ ଇଂ.ବେଲାରସେନ ଭୋଇ,ବର୍ତ୍ତମାନର ମୁଖ୍ୟନିର୍ମାଣଯନ୍ତ୍ରୀ ଇଂ.ସୁରେନ୍ଦ୍ରକୁମାର ଭୋଇ,ଉଦ୍ୟାନବିଭାଗର ଉପନିର୍ଦ୍ଦେଶକ ସୁଦେଶ ଚୌଧୁରୀ,ଜିଲ୍ଲା ମୁଖ୍ୟ କୃଷିଅଧିକାରୀ ଦେବେନ୍ଦ୍ର ସିଂବରିହା,ବଲାଙ୍ଗୀର କୃଷିବିଜ୍ଞାନକେନ୍ଦ୍ରର କୃଷିବୈଜ୍ଞାନିକ ଡ.ସୁବ୍ରତକୁମାର ବେହେରା , ମନୋଜକୁମାର ବାରିକ ଓ ସାମ୍ବାଦିକ ସନ୍ଦିପକୁମାର କୁଅଁର ଯୋଗଦେଇଥିଲେ । ଜିଲ୍ଲାରେ ଜଳସେଚନ ହାର ବଢାଇବାର ଯଥେଷ୍ଟ ସୁଯୋଗ ରହିଛି । କେବଳ ଜଳର ସୁପରିଚାଳନାର ଆସବଶ୍ୟକତା ରହିଛି । ତେଣୁ ଜଳର ସୁପରିଚାଳନା ଓ ଜଳସେଚନ ହାର ବଢାଇବାକୁ ସମସ୍ତେ ଚେଷ୍ଟିତ ହୁଅନ୍ତୁ ବୋଲି ଅତିଥିଗଣ ମତବ୍ୟକ୍ତ କରିଥିଲେ । ଚାଷି ଓ ଚାଷ ପାଇଁ ଜଳସେଚନ ହେଉଛି ପ୍ରମୁଖ ଅଂଶ । ଉଚିତ ପରିମାଣରେ ଜଳସେଚନ ହୋଇପାରିଲେ ଜିଲ୍ଲାର ଆର୍ଥିକ ମାନଦଣ୍ଡ ବଢିବ । କୃଷିରେ ବୈଜ୍ଞାନିକ ଯନ୍ତ୍ରପାତିର ଉପଯୋଗ ମଧ୍ୟ ବଢାଇବାକୁ ପଡିବ । କେବଳ ଧାନଚାଷ ନୁହେଁ ସମନ୍ୱିତ କୃଷି ହିଁ ଆମ ଜିଲ୍ଲାର ଉନ୍ନତ କରିବ ବୋଲି ଯନ୍ତ୍ରୀମାନେ କହିଥିଲେ । ବଲାଙ୍ଗୀର ଜିଲ୍ଲାରେ ଭୂତଳ ପାଇପଲାଇନ ମାଧ୍ୟମରେ ଜଳସେଚନ ବ୍ୟବସ୍ଥା କରାଯାଉଛି । ଏଷା ଫଳରେ ଜଳର ଅପଚୟ ହେବନାହିଁ ଓ ସଠିକ ଢଙ୍ଗରେ ଜଳସେଚନ ହୋଇପାରିବ ବୋଲି ଅତିରିକ୍ତ ମୁଖ୍ୟଯନ୍ତ୍ରୀ ଇଂ.ରାୟ ମହାପାତ୍ର କହିଥିଲେ । ଜିଲ୍ଲାରେ ଜଳସେଚନ ବିଭାଗ,ଉଠାଜଳସେଚନବିଭାଗ,କ୍ଷୁଦ୍ରଜଳସେଚନ ବିଭାଗ,ଉଠାଜଳସେଚନ ଓ ମେଗା ଉଠାଜଳସେଚନ ବିଭାଗ ମାଧ୍ୟମରେ କରାଯାଉଥିବା ଜଳସେଚନ ବିଷୟରେ ସେ ସୂଚନା ଦେଇଥିଲେ । ପାଣିପାଞ୍ଚାୟତ ପକ୍ଷ ଉପଲକ୍ଷେ କରାଯାଇଥିବା