11-Jan-2026

(ମିହିର ଶଙ୍କର ପାତ୍ର)
ପାରମ୍ପରିକ ବୈଠକ ବେହେରନ୍ ର ନିଷ୍ପତ୍ତି ଅନୁସାରେ ଆସନ୍ତା ମାଘ ଭୈମୀ ଏକାଦଶୀ ତିଥିରେ ଜାନୁଆରୀ ୨୯ ତାରିଖ ଦିନ ଡାବୁଗାଁ ଠାରେ ଅନୁଷ୍ଠିତ ହେବ ମାଘ ମଣ୍ଡେଇ। ବୁଧବାର ବଡ଼ ଯାତ୍ରା, ଗୁରୁବାର ମଣ୍ଡେଇ ଏବଂ ଶୁକ୍ରବାର ବାସି ମଣ୍ଡେଇ ପାଳନ କରାଯିବ । ଆସନ୍ତା ୨୨ ତାରିଖ ମାଁ ଦୁହ୍ଲାରଦେଈ ଙ୍କ ଯାତ୍ରା ଅନୁଷ୍ଠିତ ହେବା ପରେ , ବିଧିବଦ୍ଧ ଭାବେ ବିଭିନ୍ନ ଗାଁ ର ଦେବାଦେବୀ ଙ୍କୁ ମଣ୍ଡେଇ ରେ ପବିତ୍ର ଆଗମନ ପାଇଁ ପାରମ୍ପରିକ ନିମନ୍ତ୍ରଣ ଦିଆ ଯିବ ।  ଏମ୍ ଆପା ରାଓ, ଦେବରାଜ ପାତ୍ର, ରଣଜିତ୍ ଘଡେ଼ଇ ପ୍ରମୁଖ ବରିଷ୍ଟ ନାଗରିକ ଙ୍କ ଉପସ୍ଥିତି ରେ ଡାବୁଗାଁ ମଣ୍ଡେଇ କମିଟି ପାଇଁ ସରପଞ୍ଚ ବିନୋଦ ସୌରାଙ୍କୁ ସଭାପତି, ସତ୍ୟ ରଞ୍ଜନ ପାତ୍ରଙ୍କୁ ଉପସଭାପତି, ଡଙ୍ଗରିଗୁଡା ସରପଞ୍ଚ ରାମ କୁମାର ଗଣ୍ଡ ଓ ପାପନା ରେଲି ଙ୍କୁ ସଂପାଦକ ଓ ସୁରେନ୍ଦ୍ର ରେଲିଙ୍କୁ ସହ ସଂପାଦକ ଭାବେ ମନୋନୀତ କରାଯାଇଛି । ସୂର୍ଯ୍ୟବଂଶୀ ଯୁବକ ସଂଘ ସଭାପତି ବିଶ୍ବ ରଞ୍ଜନ ପାତ୍ର, କୁନୁ ପାତ୍ର, ମନୁ ରେଲି, ପୂର୍ଣ୍ଣ ପୂଜାରୀ, ତୁଳା ବିଷୋୟୀ ପ୍ରମୁଖ ବୈଠକରେ ଉପସ୍ଥିତ ଥିଲେ।