05-Jan-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)ପଏଁରୀ ଅନୁଷ୍ଠାନ ଦ୍ଵାରା ଆୟୋଜିତ ପଏଁରୀ ତିହାର ୨୦୨୬ ଡାଲଖାଇ ନାଚ ଗୀତ ତାଳେ ତାଳେ ଆଜି ଉଦଯାପିତ ହୋଇଯାଇଛି l ଶେଷ ସଂଧ୍ୟାର ସାଂସ୍କୃତିକ କାର୍ଯ୍ୟକ୍ରମ ରେ ପଏଁରୀ ଅନୁଷ୍ଠାନ ଦ୍ଵାରା ପରିବେଷିତ ଚପ୍ କରାଟି , ବଜନିଆ ସ୍ଵୟମ ଏକାଡେମୀ ସମ୍ବଲପୁର ର ଫୋକ ଡ୍ୟା, ମା ନାକେଇ ସୁନି ଚୈତି ର ଘୋଡ଼ା ନାଚ, ଡ଼ାଲ ଖାଇ ରୁମକୁ ଝୁମାନା ବିନିକା ର ଗୀତ ନାଚ ରେ ଦର୍ଶକ ବିଳମ୍ବିତ ରାତି ଯାଏ ମନଭରି  ଉପଭୋଗ କରିଥିଲେ। ତିନିଦିନ ବ୍ୟାପି ଏହି ଏହି ତିହାରକୁ ଭାରତ ସରକାରଙ୍କ ସଂସ୍କୃତି ମନ୍ତ୍ରାଳୟ,  ସଂଗୀତ ନାଟକ ଏକାଡେମୀ ନୂଆଁଦିଲ୍ଲୀ, ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ, ଓଡିଶା ସରକାର ଓ ଜିଲ୍ଲା ସଂସ୍କୃତି ପରିଷଦ,ସୁବର୍ଣ୍ଣପୁର ଙ୍କ ସହଯୋଗ ରେ ଆୟୋଜିତ ହେଉଥିବା ପଏଁରୀ ଚଳିତ ବର୍ଷ ମା ସୁରେଶ୍ୱରୀ ମନ୍ଦିର ପରିସରରେ ଆୟୋଜିତ ହୋଇଥିଲା ।  ଉଦଯାପନୀ ସଂନ୍ଧ୍ୟା ର ସଭା କାର୍ଯ୍ୟକ୍ରମ ସଭାପତି ଲଡୁ କିଶୋର ମଲ୍ଲିକ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିବା ବେଳେ ସଭାକାର୍ଯ୍ୟ ରେ ଅତିଥି ସମୁହ ପ୍ରଥମେ ମାଁ ସୁରେଶ୍ୱରୀଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ

 କରିଥିଲେ।

ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପ ରାଜ ସାହୁ ମୁଖ୍ୟ ଅତିଥି ଭାବରେ ଯୋଗଦେଇ  ସୋନପୁର ର କଳା ସଂସ୍କୃତି କୁ ଦେଖିଲେ ମୋତେ ନିଜେ ବି ଗାଇବାକୁ ନାଚିବାକୁ ପ୍ରବଳ ଇଛା ହେଉଛି ବୋଲି ଆୟୋଜକ ଓ ଦର୍ଶକ ଙ୍କୁ ଖୁସି କରିଥିଲେ l ଆଉ ନାଚ ଗୀତ କଳା ଶିଖି ନ ଥିବା ସାରା ସୁବର୍ଣ୍ଣପୁର ଜିଲ୍ଲା ଭିତରେ ବୋଧେ ମୁଁ ଏକା ଥିବି  ଯେଉଁଟା କି ମୋ ପାଇଁ ଅବଶୋଷ ବୋଲି ଜିଲ୍ଲାପାଳ  ଡ଼ ସାହୁ କହିଥିଲେ  l  ସମ୍ମାନିତ ଅତିଥି ଭାବରେ ସୋନପୁର ଉପ ଜିଲ୍ଲାପାଳ ଡ଼ ସୌମ୍ୟ ରୂପା ରଥ, ଉପଦେଷ୍ଟା ଶ୍ରୀବତ୍ସ ମଲ୍ଲିକ, ପ୍ରାକ୍ତନ ମତ୍ସ୍ୟ ନିଗମ ଅଧ୍ୟକ୍ଷଅଭିମନ୍ୟୁ କୁଶଳ, ଗଦାଧର ବାରିକ, କବି ଆର୍ତ୍ତ ତ୍ରାଣ ବାବୁ, ଶ୍ରୀ ହରି ଗ୍ରୁପ୍ ଅଫ ଇନ୍ ଷ୍ଟ୍ଟିଚିୟୁଟ ର ଅଧ୍ୟକ୍ଷ ରାଜେଶ କୁମାର ମେହେର, ପୈରାଧ୍ୟକ୍ଷା ତାମସି ତାମସ୍ମିତା ନାୟକ, ବୀରମହାରାଜପୁର ବ୍ଲକ ଉପାଧ୍ୟକ୍ଷ  ନାରାୟଣ ଲୁହା ଯୋଗଦେଇଥିଲେ। ଆଜିକାର ସମ୍ବର୍ଦ୍ଧନା ପର୍ବ ରେ ପଏଁରୀ ସମ୍ମାନ ରେ ବିଶିଷ୍ଟ କଳାକାର ଙ୍କୁ ଓ  ସହରର କିଛି ବରିଷ୍ଠ ସାମ୍ବାଦିକ ଙ୍କୁ ସର୍ମ୍ବଦ୍ଧନା ପ୍ରଦାନ କରାଯାଇଥିଲା। ପଏଁରୀ ର ଉପ ସଭାପତି ପ୍ରଫୁଲ୍ଲ  କୁମାର ନାଏକ ଧନ୍ୟବାଦ ଅର୍ପଣ କରିଥିଲେ। ସାଂସ୍କୃତିକ କାର୍ଯ୍ୟକ୍ରମ ପ୍ରାରମ୍ଭରେ ବିଶିଷ୍ଟକଣ୍ଠଶିଳ୍ପୀ- ନୁର ବେଗମ, ନବିନ କୁଅଁର, ପଦ୍ମଲୋଚନ ସାହୁ, ବ୍ରହ୍ଣା କୁମ୍ଭାର, ମସ୍ତରାମ ସୁନା, ଶାନ୍ତନୁ ମୁନା ପ୍ରମୁଖ କଳାକାର ଲୋକ ସଙ୍ଗୀତ ଗାନ କରିଥିଲେ।