01-Feb-2021

ନୂଆଦିଲ୍ଲୀ (ପ୍ରେରଣା ଖବର) : ଭାରତରେ ବ୍ୟାଙ୍କ ଛୁଟି ଦିନ ବହୁତ ମହତ୍ତ୍ୱପୂର୍ଣ୍ଣ। ବିଶେଷକରି ଯେଉଁମାନଙ୍କର ଅଧିକାଂଶ କାମ ବ୍ୟାଙ୍କ ସହ ଜଡିତ ସେମାନେ ବ୍ୟାଙ୍କ ଛୁଟି ସମ୍ପର୍କରେ ଜାଣିବା ନିହାତି ଆବଶ୍ୟକ। ପ୍ରତି ମାସରେ କେଉଁ କେଉଁ ଦିନରେ ବ୍ୟାଙ୍କ ଛୁଟି ରହିବ ତାହା ଜାଣିବା ନିଜଟି ଆବଶ୍ୟକ ହୋଇଥାଏ। ଭାରତରେ ପ୍ରତି ମାସର ଦ୍ୱିତୀୟ ଓ ଚତୁର୍ଥ ଶନିବାର ଦିନ ବ୍ୟାଙ୍କ ବନ୍ଦ ରହେ। ତାଛଡା ଅନ୍ୟ ପର୍ବପର୍ବାଣିରେ ମଧ୍ୟ ବ୍ୟାଙ୍କ ଛୁଟି ରହେ। ଅଧିକାଂଶ ରାଷ୍ଟ୍ରୀୟ ଅବକାଶ ଦିନ ବ୍ୟାଙ୍କ ବନ୍ଦ ରହେ। କିଛି ରାଜ୍ୟରେ ରାଜ୍ୟ ସ୍ଥରୀୟ ଛୁଟି ଦିନମାନଙ୍କରେ ମଧ୍ୟ ବ୍ୟାଙ୍କ ବନ୍ଦ ରହେ। ଆଜିଠାରୁ ଫେବୃଆରୀ ମାସ ଆରମ୍ଭ ହୋଇଛି। ଏହି ମାସରେ ମାତ୍ର ଦୁଇ ଦିନ ହିଁ ବ୍ୟାଙ୍କ ବନ୍ଦ ରହିବ। ଏହି ମାସରେ କୌଣସି ପର୍ବପର୍ବାଣି ପଡୁନି।

ଫେବୃଆରୀ ଦ୍ୱିତୀୟ ଶନିବାର ଅର୍ଥାତ ୧୩ ତାରିଖରେ ବ୍ୟାଙ୍କ ଛୁଟି ଅଛି। ଚତୁର୍ଥ ଶନିବାର ୨୭ ତାରିଖରେ ଦ୍ୱିତୀୟ ଛୁଟି ଅଛି। ତାଛଡା ଫେବୃଆରୀ ୭, ୧୪, ୨୧ ଓ ୨୮ ତାରିଖରେ ରବିବାର କାରଣରୁ ବ୍ୟାଙ୍କ ବନ୍ଦ ରହିବ। ଅର୍ଥାତ ଏହି ମାସରେ ୬ ଦିନ ବ୍ୟାଙ୍କ ବନ୍ଦ ରହିବ।

ବ୍ୟାଙ୍କ ଶାଖା ବନ୍ଦ ରହିଲେ ବି ଆପଣ ଇଣ୍ଟରନେଟ ବ୍ୟାଙ୍କିଙ୍ଗ ଜରିଆରେ ନିଜ କାମ କରିପାରିବେ। ଆରବିଆଇ ଅନୁଯାୟୀ, ବିଭିନ୍ନ ରାଜ୍ୟରେ ବ୍ୟାଙ୍କ ଛୁଟି ଅଲଗା ଅଲଗା ହୋଇପାରେ। ସେଥିପାଇଁ ଗ୍ରାହକ ତାକୁ ଦୃଷ୍ଟିରେ ବ୍ୟାଙ୍କିଙ୍ଗ ସହ ଜଡିତ କାମ କରିବାକୁ ଯୋଜନା କରନ୍ତୁ।

କେଉଁ କେଉଁ ଦିନ ବ୍ୟାଙ୍କ ବନ୍ଦ ରହିବ ଦେଖନ୍ତୁ ତାଲିକା :
୧. ଫେବୃଆରୀ ୧୨ ତାରିଖ, ଶୁକ୍ରବାର- ସିକ୍କିମ

୨. ଫେବୃଆରୀ ୧୩ ତାରିଖ, ଦ୍ୱିତୀୟ ଶନିବାର

3. ଫେବୃଆରୀ ୧୫ ତାରିଖ, ସୋମବାର-ଲୁଇ ଲଗାଇ ନି – ମଣିପୁର

୪. ଫେବୃଆରୀ ୧୬ ତାରିଖ, ମଙ୍ଗଳବାର- ବସନ୍ତ ପଞ୍ଚମୀ- ହରିୟାଣା, ଓଡିଶା, ପଞ୍ଜାବ, ତ୍ରିପୁରା, ପଶ୍ଚିମବଙ୍ଗ

୫. ଫେବୃଆରୀ ୧୯ ତାରିଖ, ଶୁକ୍ରବାର- ଛତ୍ରପତି ଶିବାଜୀ ମହାରାଷ୍ଟ୍ର ଜୟନ୍ତୀ- ମହାରାଷ୍ଟ୍ର

୬. ଫେବୃଆରୀ ୨୦ ତାରିଖ, ଶନିବାର- ଅରୁଣାଚଳ ପ୍ରଦେଶ ଓ ମିଜୋରାମ ଷ୍ଟେଟ ଡେ- ଅରୁଣାଚଳ ଓ ମିଜୋରାମ

୭. ଫେବୃଆରୀ ୨୬ ତାରିଖ, ଶୁକ୍ରବାର- ହଜରତ ଅଲି ଜୟନ୍ତୀ- ଉତ୍ତର ପ୍ରଦେଶ

୮. ଫେବୃଆରୀ ୨୭ ତାରିଖ, ଶନିବାର- ଚତୁର୍ଥ ଶନିବାର- ଚଣ୍ଡୀଗଡ଼, ହିମାଚଳ ପ୍ରଦେଶ, ହରିୟାଣା, ପଞ୍ଜାବ