26-Oct-2025

ବଲାଙ୍ଗୀର(ପ୍ରେରଣା ଖବର):  ଜିଲ୍ଲା ବ୍ରାହ୍ମଣ ମହାସଭା ବଲାଙ୍ଗୀରର ନବନିଯୁକ୍ତ କର୍ମକର୍ତ୍ତାମାନଙ୍କର ପଦ ମଣ୍ଡନ ସମାରୋହ ମହାସଭାର ଅଧ୍ୟକ୍ଷ ଧନଞ୍ଜୟ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା ।  ଆଜିକାର ସଭା ନବ ନିର୍ବାଚିତ ବ୍ରାହ୍ମଣ ସଭାର ପ୍ରଥମ ବୈଠକ । ସଭାର ପ୍ରାରମ୍ଭ ଅଧ୍ୟକ୍ଷଙ୍କ ଓଁକାର ଧ୍ୱନି ସହିତ ଆରମ୍ଭ ହୋଇ ନବନିଯୁକ୍ତ ସଭ୍ୟମାନଙ୍କର ବ୍ରାହ୍ମଣ ସମାଜ ଏବଂ ଭାରତ ମାତାଙ୍କ ପ୍ରତି ଐକାନ୍ତିକ ଆନୁଗତ୍ୟ ଶପଥପାଠ ମୁଖ୍ୟ ଅତିଥି ମହନ୍ତ ଶ୍ରୀବ୍ରଜମୋହନ ଶରଣ ଦେବ, ଉପଦେଷ୍ଟା ବ୍ରହ୍ମଶ୍ରୀ ଗିରିଧାରି ଶତପଥି, ବିଜ୍ଞ ବରେଣ୍ଯ ଶ୍ରୀଯୁକ୍ତ ଧର୍ମସିଂହ ମିଶ୍ର, ବିଜ୍ଞ ବରେଣ୍ଯ ଶ୍ରୀଯୁକ୍ତ ଗୋପବନ୍ଧୁ ପୁରୋହିତ ଙ୍କ ଗହଣରେ ପ୍ରବଳ ଜନ ସମାଗମ ମଧ୍ଯରେ ଅନୁଷ୍ଠିତ ହୋଇଥିଲା । ସଂପାଦକ ପଣ୍ଡିତ ଶ୍ୟାମ ସୁନ୍ଦର ଦାଶଙ୍କ ସଂଚାଳନ ରେ ହୋଇଥିବା ଏହି ସଭାରେ ସମସ୍ତ କର୍ମକର୍ତ୍ତାଙ୍କୁ ଜିଲ୍ଲା ବ୍ରାହ୍ମଣ ମହାସଭା ବଲାଙ୍ଗିର  ଅଙ୍କିତ ଉପଢୈାକନ ଏବଂ କବିତା ଆକାରରେ ଲିଖିତ ସମ୍ମାନ ସନନ୍ଦ ଶ୍ରୀ ଶ୍ରୀ ମହନ୍ତ ମହାରାଜ ଏବଂ ଉପଦେଷ୍ଟା ମଣ୍ଡଳିଙ୍କ ଦ୍ୱାରା ପ୍ରଦାନ କରାଯାଇଥିଲା । ପରେ ଉପସ୍ଥିତ ସମସ୍ତ ସଭ୍ୟ ତଥା ବ୍ରାହ୍ମଣ ଦେବତାମାନଙ୍କର ଭଗବାନ ଶ୍ରୀ ଶ୍ରୀ ଲକ୍ଷ୍ମୀନୃସିଂହଙ୍କୁ ମନ୍ତ୍ର ପୁଷ୍ପାଞ୍ଜଳି ଏବଂ ଭଜନ ଆରତି ସମର୍ପଣ ରେ ସମଗ୍ର ମନ୍ଦିର ପ୍ରାଙ୍ଗଣ ଗୁଞ୍ଜରିତ ହୋଇଥିଲା ।  କର୍ମକର୍ତ୍ତା ବୃନ୍ଦ ପୁନଃ ମଂମଂଚାସୀ ହୋଇ ବ୍ରାହ୍ମଣ ମହାସଭାର ଉନ୍ନତି କଳ୍ପେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ । ସଭାରେ ବିରଂଚି ନାରାୟଣ ତ୍ରିପାଠି, ଗୋପବନ୍ଧୁ ଶତପଥୀ, ପଂଚାନନ ବେଦବାକ,ରାମକୃଷ୍ଣ ସତପଥି,ଚନ୍ଦ୍ର କୁମାର ପୁରୋହିତ, ରାମ ଶଙ୍କର ଶତପଥୀ, ଅଶୋକ ମିଶ୍ର, ଷଡାନନ ହୋତା, ଶୁଶାନ୍ତ କୁମାର ପଣ୍ଡା, ଲକ୍ଷ୍ମୀ ପ୍ରସାଦ ଚାନ୍ଦ, ପ୍ରଭୁଦତ୍ତ ଶତପଥି,  ବିଶ୍ୱନାଥ ମିଶ୍ର, ବାଳକୃଷ୍ଣ ଷଡଙ୍ଗି, କବିରାଜ ହୋତା, ଜୟବିହାରି ବେଦବାକ, ଗୋପବନ୍ଧୁ ପୁରୋହିତ, ଗିରିଧାରି ଶତପଥୀ, ଧର୍ମସିଂହ ମିଶ୍ର, ଶ୍ୟାମ ସୁନ୍ଦର ଦାଶ ଓ ସଭାପତି ଧନଞ୍ଜୟ ମିଶ୍ର ନିଜ ନିଜ ବକ୍ତବ୍ୟ ରଖିଥିଲେ । ଆଗାମୀ ଦିନ ମାନଙ୍କରେ  ମହାସଭା ତରଫରୁ ବ୍ରାହ୍ମଣ ସମାଜର ବିଭିନ୍ନ ଉନ୍ନତିମୂଳକ ଆଲୋଚନା କରାଯାଇଥିଲା।ଆଜିକାର ସଭା ପରିଚାଳନା ରେ ସର୍ବଶ୍ରୀ ସଂକୀର୍ତ୍ତନ ତ୍ରିପାଠୀ,ରାଜ କିଶୋର ଦାଶ,ସଂଜୟ କୁମାର ପୁରୋହିତ ଏବଂ ବିଭୁ ପ୍ରସାଦ ସତପଥି ସହଯୋଗ କରିଥିଲେ। ସର୍ବ ଶେଷରେ ସଂପାଦକଙ୍କଦ୍ବାରା ଧନ୍ୟବାଦ ଅର୍ପଣ କଲାପରେ ସଭପତି ସଭାସାଙ୍ଗ ଘୋଷଣା କରିଥିଲେ।