22-Aug-2025

ବଲାଙ୍ଗୀର (ପ୍ରେରଣା ଖବର): ଜେ.ଏସ.ଏମ୍. କଲେଜ୍ ଅଫ୍ ଆର୍ଟ୍ସ୍, ସାଇନ୍ସ ଏଣ୍ଡ କମର୍ସର ଛାତ୍ରଛାତ୍ରୀମାନେ ବଳାଙ୍ଗୀରର “ମୀରା ସଷ୍ଟେନେବଲ୍ ସର୍ଜ୍ ପ୍ରାଇଭେଟ୍ ଲିମିଟେଡ୍” ନାମକ ଛୋଟ ଶିଳ୍ପ ଏକକକୁ ପରିଦର୍ଶନ କରିବାର ସୁଯୋଗ ପାଇଲେ। ଏହି ଶିଳ୍ପଦର୍ଶନରେ କଲେଜ୍ର ଅଧ୍ୟକ୍ଷ ସିଏ ସ୍ରୀକାନ୍ତ ଶର୍ମା ପ୍ରଧାନ ଶିକ୍ଷୟତ୍ରୀ  ଡା. ମନସମିତା ମିଶ୍ର ଉପସ୍ଥିତ ଥିଲେ।

ପରିଦର୍ଶନ ସମୟରେ ଛାତ୍ରଛାତ୍ରୀମାନେ କାରଖାନାର ବିଭିନ୍ନ ୟୁନିଟ୍ ଦେଖିଥିଲେ ଏବଂ ପ୍ରାୟୋଗିକ ଅନୁଭବ ସଂଗ୍ରହ କରିଥିଲେ। ପରେ ଶିଳ୍ପର ନିର୍ଦ୍ଦେଶକ ତପସ କୁମାର ଦାସ ଙ୍କ ସହିତ ବିଶେଷ ଆଲୋଚନା ସଭା ଆୟୋଜିତ ହୋଇଥିଲା। ସେ ଛାତ୍ରମାନଙ୍କ ସମସ୍ତ ପ୍ରଶ୍ନର ଉତ୍ତର ପ୍ରଦାନ  କରିଥିଲେ  ଏବଂ କିପରି ଏହି ଶିଳ୍ପ ଅବଶିଷ୍ଟ ସାମଗ୍ରୀକୁ ବ୍ୟବହାର କରି ପେପର୍ ପ୍ଲେଟ୍ ଓ ଅନ୍ୟାନ୍ୟ ଉତ୍ପାଦନ କରି ତାହା କିପରି ବିଦେଶକୁ ରପ୍ତାନି  ହେଉଅଛି, ତାହା ସ୍ପଷ୍ଟ କରିଥିଲେ।
ଏହି ସମୟରେ ସିଏ ସ୍ରୀକାନ୍ତ ଶର୍ମା ମଧ୍ୟ ଛାତ୍ରଛାତ୍ରୀଙ୍କ ଅନେକ ପ୍ରଶ୍ନର ଉତ୍ତର ପ୍ରଦାନ କରିଥିଲେ ଓ ସେମାନଙ୍କୁ ନୂଆ ଚିନ୍ତାଧାରା, ଉଦ୍ୟମିତା ଓ ସଷ୍ଟେନେବଲ୍ ପ୍ରୟାସ ପାଇଁ ପ୍ରେରିତ

କରିଥିଲେ। ପୁଣି ଏହି ପ୍ରକାର ଏକ ଶିଳ୍ପ ବଲାଙ୍ଗିର ମଧ୍ୟରେ ରହି କାର୍ଯ୍ୟକରୁଥିବାରୁ ବଲାଙ୍ଗିର ନିମନ୍ତେ ମଧ୍ୟ ଏକ ଗର୍ବର ବିଷୟ ଅଟେ । ଛାତ୍ରଛାତ୍ରୀମାନେ ଏହି ଶିଳ୍ପଦର୍ଶନରୁ ବହୁତ୍ କିଛି ଶିଖିଥିଲେ ଓ ଆନନ୍ଦିତ ହୋଇଥିଲେ। ସେମାନେ ଶିଳ୍ପ ପରିଚାଳନା ପକ୍ଷ, କଲେଜ୍ର ଅଧ୍ୟକ୍ଷ ଏବଂ ପ୍ରାଚାର୍ଯ୍ୟାଙ୍କୁ ଏହି ସୁଯୋଗ ପାଇଁ କୃତଜ୍ଞତା ଜଣାଇଥିଲେ।