18-Aug-2025

କାଲିମେଳା(ସନ୍ତୋଷ କୁମାର ପଣ୍ଡା): ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଏମ ଭି ୭୯ ଗ୍ରାମ ଠାରେ ୨୦୧୧ ମସିହାରେ ବିଜୟ ପୁଷ୍ରୁ ଙ୍କ ଦ୍ୱାରା ପ୍ରତିଷ୍ଠା ହୋଇଥିଲା ଜୀବନ ବିକାଶ ପବ୍ଲିକ ସ୍କୁଲ । କିନ୍ତୁ ବର୍ତମାନ ଏହି ସ୍କୁଲ ଟି କୁନାନପାଲ୍ଲୀ ଠାରେ ଅବସ୍ଥିତ।  ୨୦୧୧ ଠାରୁ ୨୦୨୪ ପର୍ଯ୍ୟନ୍ତ ଏହି ବିଦ୍ୟାଳୟ ରୁ ୧୫୦ ରୁ ଅଧିକ ଛାତ୍ର ଛାତ୍ରୀ ନବଦୟ, ଆଦର୍ଶ ଏବଂ କେନ୍ଦ୍ରୀୟ ବିଦ୍ୟାଳୟ ପାଇଁ ଯୋଗ୍ୟ ବିବେଚିତ ହୋଇଛନ୍ତି । ବିଗତ ୫ବର୍ଷରେ ପ୍ରାୟ ୧୫୦ ଭିନକ୍ଷମ, ଶ୍ରମିକ ଶ୍ରେଣୀ ଏବଂ ଗରିବ ଛାତ୍ରଛାତ୍ରୀ ଙ୍କୁ ନିଶୁଳ୍କ ଶିକ୍ଷାଦାନ ଏହି ସ୍କୁଲରେ ଦିଆ ଯାଉଛି । ଏ ବାବଦକୁ ସରକାର ଙ୍କ ତରଫରୁ ରାଇଟ ଟୁ ଏଜୁକେସନ ମାଧ୍ୟମରେ ୨୫ପ୍ରତିଶତ ଅନୁଦାନ ରହିଥିବା ବେଳେ ଆଜି ଯାଏଁ କୌଣସି ଅନୁଦାନ ପାଇ ପାରି ନାହାନ୍ତି ବୋଲି କହିଛନ୍ତି ଜୀବନ ବିକାଶ ପବ୍ଲିକ ସ୍କୁଲର ପ୍ରତିଷ୍ଠାତା  ବିଜୟ ପୁଷ୍ରୁ l ଜିଲ୍ଲା ଗୋଷ୍ଠି ଶିକ୍ଷା ଅଧିକାରୀ ଠାରୁ ଆରମ୍ଭ କରି ବ୍ଲକ ଗୋଷ୍ଠି ଶିକ୍ଷା ଅଧିକାରୀ ଏକାଧିକ ଥର ସ୍କୁଲ ପରିଦର୍ଶନ କରି ଅନୁଦାନ ଆସିବ ବୋଲି ପ୍ରତିଶୃତି ଦେବା ସତ୍ୱେ ଆଜି ପର୍ଯ୍ୟନ୍ତ ଏହି ଅନୁଦାନ ଟି ପାଇ ପାରି ନାହାନ୍ତି । ସ୍କୁଲ ପ୍ରତିଷ୍ଠାତା ବିଜୟୀ ପୁଷ୍ରୁ ଅନୁଦାନ ପାଇଁ ୩ଥର ଆବେଦନ କରିଥିବା କଥା କହିଥିବା ବେଳେ ଉକ୍ତ ବିଦ୍ୟାଳୟ ପ୍ରିନ୍ସିପାଲ ଆଶା ଲତା ପୁଷ୍ରୁ ସରକାର ନିକଟରେ  ନିବେଦନ କରିଛନ୍ତି l