07-Jul-2025

(ଡୋଲେଶ୍ୱର ବାଗ)
ଚଳିତବର୍ଷ  ଖରିଫ ଚାଷ ପାଇଁ ଜଳସେଚନ ପାଇଁ ନିମ୍ନ ଇନ୍ଦ୍ର ଜଳସେଚନ ପ୍ରକଳ୍ପ ତରଫରୁ  ଆଜି ବିଧିବଦ୍ଧ ପୂଜାର୍ଚ୍ଚନା ପରେ ବାମ ପାର୍ଶ୍ଵ ମୁଖ୍ୟ କେନାଲ ରେ  ଜଳ ନିଷ୍କାସିତ ହୋଇଅଛି । କାର୍ଯ୍ୟକ୍ରମ ରେ ଅଧିକ୍ଷଣ ଯନ୍ତ୍ରୀ କେନାଲ ବିଭାଜନ ଖଡ଼ିଆଳ, ସୌମ୍ୟ କିଶୋର ଜୟପୁରୀୟା, ସମସ୍ତ ସହକାରୀ ନିର୍ବାହୀ ଯନ୍ତ୍ରୀ, ସଂପୃକ୍ତ ସମସ୍ତ ଯନ୍ତ୍ରୀ , ମାଁ ରକ୍ତାମ୍ବରି ଡିଷ୍ଟ୍ରିବୁଟାରି କମିଟି ସଭାପତି  ମନୋଜ ପଟ୍ଟନାୟକ, ସମ୍ପାଦକ  ଦୁଷ୍ମନ୍ତ ବେହେରା,  ଭୂପେନ୍ଦ୍ର ମହାରଥୀ ତଥା ଅନ୍ୟ ମାନଙ୍କ ଉପସ୍ଥିତି ରେ ବାମ ପାର୍ଶ୍ଵ ମୁଖ୍ୟ କେନାଲର  ଫାଟକ ଖୋଲାଯାଇ ଜଳଯୋଗାଣ ଆରମ୍ଭ କରାଯାଇଥିଲା । ଏହି ଜଳଯୋଗାଣ ନଭେମ୍ବର ପ୍ରଥମ ସପ୍ତାହ ପର୍ଯ୍ୟନ୍ତ ଉପଲବ୍ଧ ହେବ ବୋଲି ଜଣାପଡିଛି ।ଲଗାଣ ବର୍ଷା ଯୋଗୁଁ  ଜମିରେ ଜଳ ପ୍ରଚୁର ପରିମାଣ ରେ ରହିଅଛି।  ତିଖାଳି ନିମ୍ନ ଇନ୍ଦ୍ର ଜଳ ସେଚନ ପ୍ରକଳ୍ପ ର ୨୯ ହଜାର ୯୯୦ ହେକ୍ଟର ଜମିରେ ଜଳ ସେଚିତ ହେବା ବୋଲି ଅଧିକ୍ଷଣ ଯନ୍ତ୍ରୀ ପ୍ରକାଶ କରିଛନ୍ତି। ଏପେକ୍ସ୍ କମିଟିର ନିଷ୍ପତ୍ତି କ୍ରମେ ଜଳ କେନାଲ ମାଧ୍ୟମରେ ଛଡା ଯାଉଅଛି। ଆଜି  ୨ ଓ ୩ ନମ୍ବର ଗେଲ ରୁ  ୩ କ୍ୟୁବିକ ଲିଟର ଜଳ ନିଷ୍କାସିତ ହେଉଅଛି। ବର୍ତ୍ତମାନ ପ୍ରକଳ୍ପ ରେ  ୨୬୦.୦୨ ମିଟର ଜଳ ଥିବା ବେଳେ ୨୬୫ ମିଟର ଜଳ ଧାରଣ କ୍ଷମତା ରହିଅଛି।