07-Jul-2025

ସୁବର୍ଣ୍ଣପୁର /ବିନିକା(ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲା ବିନିକା ଠାରେ ବାହୁଡା଼ଯାତ୍ରା  ରଥ ଟଣା ବେଳେ  ଗତକାଲି ଠେଲାପେଲାରେ ଜଣେ ନାବାଳକ ଗୁରୁତର ହୋଇଥିବା ବେଳେ ୩ ଆହତ ହୋଇଥିଲେ । ଗୁରୁତର ପୀଙ୍କୁ ମେହେର (୧୨)ଙ୍କ ରାତିରେ ମୃତ୍ୟୁ ହୋଇଥିବା ଜଣାପଡ଼ିଛି। ଘଟଣାରୁ ପ୍ରକାଶ ଯେ ବିନିକା ସହରର କଂସାରୀପଡା ଗୁଣ୍ଡିଚା ମନ୍ଦିର ନିକଟରେ ରଥ ଟଣା ଚାଲିଥିଲା ସମୟରେ ମହାପ୍ରଭୁଙ୍କ ବାହୁଡା଼ଯାତ୍ରା ଦେଖିବା ପାଇଁ କଂସାରୀପଡାର ୩ ଜଣ ବାଳକ ଶୁଭମ ଦାସ (୯) ଆଦର୍ଶ ଦାସ (୯) ଓ ପ୍ରତ୍ୟୁଷ ମାହାଣା (୧୧) ଏବଂ ନୂଆପଡାର ଜଣେ ନାବାଳକ ପିଙ୍କୁ ମେହେର (୧୨) ବର୍ଷ ରଥ ପାଖରେ ଠେଲା ପେଲାରେ ରଥ ଧକ୍କାରେ ତଳେ ଚାପିହୋଇ ଯାଇଥିଲେ I ଯାହା ଫଳରେ ନାବାଳକ ପିଙ୍କୁ ମେହେର (୧୨) ବର୍ଷ ଗୁରୁତର ହେବାରୁ ଉଚ୍ଚ ସ୍ତରୀୟ ଚିକିତ୍ସା ପାଇଁ ତାକୁ ବୁର୍ଲା ଡ଼ାକ୍ତରଖାନାକୁ ପଠାଯାଇଥିବା ବେଳେ ଅନ୍ୟ ୩ ଜଣ ଆହତ ଙ୍କୁ  ପ୍ରାଥମିକ ଚିକିତ୍ସା  କରାଯାଇ ଘରକୁ ଛାଡ଼ି ଦିଆଯାଇଥିଲ l କିନ୍ତୁ ପିଙ୍କୁ ମେହେର ଙ୍କ ସ୍ଵାସ୍ଥ୍ୟବସ୍ଥା ସଂକଟାପନ୍ନ ହେବାରୁ ତାଙ୍କୁ ବୁର୍ଲା ରୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯିବା ବେଳେ ରେଢାଖୋଲ ନିକଟରେ ରାତି ୧ ଟା ବେଳେ ତାଙ୍କ ମୃତ୍ୟୁ ହୋଇ ଯାଇଥିଲା। ଏ ଖବର ପାଇବା ପରେ ବିନିକା ସହର ତଥା ମୃତ ବାଳକ ର ସ୍ଥାୟୀ ଗାଁ ବରଗଡ଼ ଅଞ୍ଚଳ ରେ ଶୋକ ଖେଳି ଯାଇଛି l ଓ ଲୋକେ ଏଥି ପାଇଁ ସୁବର୍ଣ୍ଣପୁର ଜିଲ୍ଲା ଓ ପୋଲିସ ପ୍ରଶାସନ କୁ ହିଁ ଦାୟୀ କରିଛନ୍ତି l ସୂଚନାଯୋଗ୍ୟ ଯେ ରଥଟଣା ସମୟରେ ବିନିକା ଅତିରିକ୍ତ ତହସିଲଦାର ଦୟାରାମ ମେହେର ମାଜିଷ୍ଟ୍ରେଟ ଦାୟିତ୍ଵରେ ଥିଲେ ମଧ୍ୟ ସେ ଅନୁପସ୍ଥିତ ଥିବାରୁ ଜନସାଧାରଣରେ କ୍ଷୋଭ ପ୍ରକାଶ ପାଇଥିଲା।  ଏନେଇ ତହସିଲଦାର ରସ୍ନା ଭୋଇଙ୍କୁ ପଚରାଯିବାରୁ କହିଥିଲେ ଅତିରିକ୍ତ ତହସିଲଦାରଙ୍କ ସହ ଯୋଗାଯୋଗ ହୋଇ  ନପାରିବାରୁ ଶେଷ ମୂହୁର୍ତ୍ତ ରେ ଏନ୍‌ଏସି କାର୍ଯ୍ୟନିର୍ବାହୀ ଅଧିକାରୀଙ୍କୁ ମାଜିଷ୍ଟ୍ରେଟ ଦାୟିତ୍ଵ ଦିଆଯାଇଥିଲା ।   ପ୍ରଶାସନ, ପୋଲିସ, ରଥ ଯାତ୍ରା କମିଟି, ଓ  ବିନିକା ବିଜ୍ଞାପିତ ଅଞ୍ଚଳ ପରିଷଦ ର ସମନ୍ଵୟ ର ଅଭାବ ଯୋଗୁଁ ଓ ସଂକୀର୍ଣ୍ଣ ରାସ୍ତା ଯୋଗୁଁ ଏତେ ବଡ ଦୁର୍ଘଟଣା ଘଟି ଥିବା ଓ ଜଣେ ଗରିବ ନିରୀହ ପିଲା ର ମୃତ୍ୟୁ ବରଣ କରିଥିବା ଘଟଣା ଦୁଃଖ ଓ ପରିତାପ ର ବିଷୟ ଅଟେ l କାରଣ ବଡ ଦାଣ୍ଡ ରେ ଲୋକେ ରାସ୍ତା ଉପରେ ଜବର ଦଖଲ କରି ଘର ଓ ଦୋକାନ ଗୁଡିକ ନିର୍ମାଣ କରିଥିବା ରୁ ସ୍ଥାନୀୟ ପ୍ରଶାସନ ଓ ଏନ୍ ଏ ସି  ଏଥି ପ୍ରତି ଦୃଷ୍ଟି ନ ଦେଇ ନୀରବ ଦ୍ରଷ୍ଟା ସାଜିଛି l ଆଉ ରାସ୍ତା ଉପରେ ରାସ୍ତା ଡ୍ରେନ ଉପରେ ଡ୍ରେନ ନିର୍ମାଣ କେବଳ ଠିକା କାମ ରେ ନିଜ ସ୍ବାର୍ଥ ରେ  ଏନ୍ ଏ ସି ର ଜନ ପ୍ରତିନିଧି ମାନେ ବ୍ୟସ୍ତ  ରହୁ ଥିବା , ଦିନ କୁ ଦିନ ବଡ ଦାଣ୍ଡ ରାସ୍ତା ସଂକୀର୍ଣ୍ଣ ହେଉଥିବା ବୁଦ୍ଧିଜୀବି ପ୍ରକାଶ କରିଛନ୍ତି l ଗତ ବର୍ଷ ରଥ ଯାତ୍ରା ରେ ମଧ୍ୟ  ବିନିକା ରେ ଏହି ବଡ ଦାଣ୍ଡ ରେ ରଥ ଟଣା ବେଳେ ଜଣେ ନାବାଳକ ଶ୍ରୀମାନ ମେହେର ଓ ଜଣେ ପୋଲିସ ଅଫିସର ଡ୍ରେନ ରେ ପଡି ଗୋଡ ଭାଙ୍ଗି ଯାଇଥିବା ନଜିର ରହିଛି l ତଥାପି ସ୍ଥାନୀୟ ପ୍ରଶାସନ କିମ୍ବା ଜନ ପ୍ରତିନିଧି ମାନେ ବଡ ଦାଣ୍ଡ ଜବର ଦଖଲ ଉଚ୍ଛେଦ ସହ ଏହାର ସ୍ତାୟୀ ସମାଧାନ ପାଇଁ ତପ୍ତର ହୋଇନି l ବାରମ୍ବାର ଲୋକ ଙ୍କ ଧନ ଜୀବନ ହାନି ହେବା ସତ୍ତ୍ୱେ ବି ସହର ର ବିଭିନ୍ନ ସମସ୍ୟା ସମାଧାନ ପାଇଁ ସ୍ଥାନୀୟ ଲୋକେ ବୋଧେ ପ୍ରଶାସନ କିମ୍ୱା ରାଜ ନେତା ଙ୍କ ଉପରେ ଚାପ ପକାଉ ନାହାନ୍ତି l ନିଜ ଦୋଷ ଦୁର୍ବଳତା ଲୁଚାଇବା ସହ ପବ୍ଲିକ ଉତ୍ତେଜନା ର ସମ୍ବୁଖିନ ହେବା ଭୟରେ ମୃତ ବାଳକ ର ଶବ ବ୍ୟବଚ୍ଛେଦ ବିନିକା ମେଡିକାଲ୍ ବଦଳ ରେ ବରଗଡ଼ ଜିଲ୍ଲା ରେ କରିଥିବା ଅଭିଯୋଗ ହୋଇଛି l ଏ ଘଟଣାର ବିଚାର ବିଭାଗୀୟ ତଦନ୍ତ କରି ପରିଚାଳନା ରେ ତ୍ରୁଟି କରିଥିବା ଦାୟିତ୍ଵ ରେ ଥିବା ପ୍ରଶାସନ ଅଧିକାରୀ ଓ ପୋଲିସ କର୍ମଚାରୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିନିକା ପ୍ରାକ୍ତନ ବିଧାୟକ ପଞ୍ଚାନନ ମିଶ୍ର ଜିଲ୍ଲା ପ୍ରଶାସନ ଓ ରାଜ୍ୟ ସରକାର ଙ୍କୁ ଦାବୀ କରିଛନ୍ତି l ଏ ପଟେ ଆଜି ମୃତ ବାଳକ ର ଗରିବ ପରିବାର କୁ ମୁଖ୍ୟ ମନ୍ତ୍ରୀ ରିଲିଫ ପାଣ୍ଠି ରୁ ୨୫ ଲକ୍ଷ ଟଙ୍କା ତୁରନ୍ତ ସହାୟତା ପ୍ରଦାନ କରିବାକୁ ବିନିକା ଏନ୍ ଏ ସି ପରିଷଦ  ପକ୍ଷରୁ ଓ ସହର ର ଅନେକ ସଂଗଠନ ଓ ବୁଦ୍ଧିଜୀବି ପକ୍ଷରୁ ତହସିଲଦାର ଙ୍କ ଜରିଆରେ ମୂଖ୍ୟମନ୍ତ୍ରୀ ଙ୍କୁ ଦାବୀ ପତ୍ର ପ୍ରଦାନ କରାଯାଇଛି l ଓ ଏକ ଲକ୍ଷ ଟଙ୍କା ବିଜ୍ଞାପିତ ପରିଷଦ ନିଜସ୍ଵ ପାଣ୍ଠି ରୁ ସହାୟତା ଯୋଗାଇବା କୁ ଜରୁରୀ ବୈଠକ ରେ ପ୍ରସ୍ତାବ ଗୃହୀତ ହୋଇ ଥିବା ଖବର ମିଳିଛି l