07-Jul-2025

ବିନିକା(ହିଂମାଶୁ ଶେଖର ପୁଟେଲ)ବିନିକା ବାହୁଡ଼ା ଯାତ୍ରାରେ ରଥ ଟଣା ବେଳେ ଘଟିଥିବା ଅଘଟଣରେ ମୃତ୍ୟୁ ବରଣ କରିଥିବା ୧୨ବର୍ଷର ବାଳକ ପିଙ୍କୁ ମେହେର ପରିବାର ବର୍ଗଙ୍କୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ଆର୍ଥିକ ସହାୟତା ଯୋଗାଇ ଦେବାକୁ ବିନିକା ଅଞ୍ଚଳବାସୀଙ୍କ ପକ୍ଷରୁ ଏକ ଦାବିପତ୍ର ସ୍ଥାନୀୟ ତହସିଲଦାର ଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କୁ ପ୍ରଦାନ କରାଯାଇଛି ।ସୂଚନା ଯୋଗ୍ୟ ଯେ ଗତକାଲି ବିନିକା ସହରରେ ବାହୁଡ଼ା ଯାତ୍ରା ପରିପ୍ରେକ୍ଷୀରେ ବଳଭଦ୍ର ଓ ସୁଭଦ୍ରାଙ୍କଙ୍କ ରଥ ଟଣା ସମୟରେ ୪ନାବାଳକଙ୍କ ସହ ୨ଭକ୍ତ ରଥ ଚକ ତଳେ ପଡ଼ିଯାଇ ଆହତ ହୋଇଥିଲେ ।ସେଥିରୁ ୧୨ବର୍ଷର ବାଳକ ପୀଙ୍କୁ ମେହେର ଙ୍କ ଅବସ୍ଥା ଗୁରୁତର ହେବାରୁ ପ୍ରାଥମିକ ଚିକିତ୍ସା ପରେ ଡାକ୍ତର ବୁର୍ଲା ଡ଼ାକ୍ତରଖାନାକୁ ପଠାଇ ଥିଲେ ।ବୁର୍ଲା ରେ ପୀଙ୍କୁର ଚିକିତ୍ସା ପରେ ଅବସ୍ଥା ଆହୁରି ସାଙ୍ଘାତିକ ହେବାରୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା।ହେଲେ କଟକ ଯାଉଥିବା ବେଳେ ବାଟରେ ରେଢାଖୋଲ ନିକଟରେ ତାର ମୃତ୍ୟୁ ଘଟିଥିଲା ।ଫଳରେ ତାଙ୍କ ପରିବାର ପୁଅର ଅକାଳ ବିୟୋଗ ଅପୂରଣୀୟ କ୍ଷତି ହୋଇଛି। ଏହି ଘଟଣା ଆଜି ପ୍ରଚାରିତ ହେବାପରେ ସାରା ବିନିକା ଅଞ୍ଚଳରେ ଶୋକ ର ଲହରୀ ଖେଳିଯାଇଛି ।ପରିବାର ଅତ୍ୟନ୍ତ ଗରିବ ହୋଇଥିବାରୁ ବିନିକା ସାମ୍ବାଦିକ ସଂଘ,ହେଲ୍ପ ଟୁ ଅଦର କର୍ମକର୍ତ୍ତା ଏବଂ ଅଞ୍ଚଳର ଜନସାଧାରଣଙ୍କ ତରଫରୁ ଦସ୍ତଖତ  ସମ୍ବଳିତ ଦାବିପତ୍ର ସୃଜନ କୁମାର ପଣ୍ଡାଙ୍କ ନେତୃତ୍ୱରେ ସ୍ଥାନୀୟ ତହସିଲଦାର ରେଷ୍ମା ଭୋଇଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କୁ ପ୍ରଦାନ କରାଯାଇଅଛି ।ସେହିପରି ଅନ୍ୟ ପକ୍ଷରେ ବିଜ୍ଞାପିତ ପରିଷଦ ରେ ଅଧ୍ୟକ୍ଷ ସୁବାସ ଭୋଇଙ୍କ ଅଧ୍ୟକ୍ଷତାରେ ଏକ ଜରୁରୀ ବୈଠକ ଅନୁଷ୍ଠିତ ହୋଇଥିଲା ।ଏଥିରେ ପରିଷଦର ସମସ୍ତ କାଉନସିଲର ଯୋଗଦେଇ ମୃତ ଶିଶୁର ଆତ୍ମା ର ସଦ ଗତି ଉଦ୍ଦେଶ୍ୟର ନୀରବ ପ୍ରାର୍ଥନା କରିଥିଲେ ।ପରେ ତାର ପରିବାର ବର୍ଗଙ୍କୁ କ୍ଷତିପୂରଣ ସକାଶେ ପ୍ରସ୍ତାବ ପାରିତ କରିଥିଲେ ।ପ୍ରସ୍ତାବ ଅନୁଯାୟୀ ମାନ୍ୟବର ମୁଖ୍ୟମନ୍ତ୍ରୀଙ୍କ ଅନୁଗ୍ରହ ରାଶି ୨୫ଲକ୍ଷ ଟଙ୍କା ଶିଶୁର ପରିବାରକୁ ଦିଆଯାଉ,ଯଦି ସମ୍ଭବ ହୁଏ ଜିଲ୍ଲା ଆପଦ ଧନରୁ ତତକାଳ ସହଯୋଗ ରାଶି ଦେବାପାଇଁ ସୁପାରିସ କରାଯାଉ,ବିଜ୍ଞାପିତ ପରିଷଦ ପାଣ୍ଠିରୁ ୧ଲକ୍ଷ ଟଙ୍କା ଦେବାପାଇଁ ସହମତି କ୍ରମେ ଅନୁଗ୍ରହ କରାଗଲା ।ଉକ୍ତ ପ୍ରସ୍ତାବ ଗୁଡ଼ିକୁ ସୁବର୍ଣ୍ଣପୁର ଜିଲ୍ଲାପାଳଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କ ନିକଟକୁ ପଠାଇବା ପାଇଁ ସ୍ଥାନୀୟ କାର୍ଯ୍ୟନିର୍ବାହୀ ଅଧିକାରୀଙ୍କୁ ଦାୟିତ୍ଵ ଦିଆଗଲା ।