22-May-2025

-  ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୋନପୁର ଟାଉନ ଥାନା ପୋଲିସ  ପେଟ୍ରୋଲିଂ କରୁଥିବା ସମୟରେ ଏକ ଡକାୟତ ଦଳ କୁ ଧରିବାରେ ସଫଳ ହୋଇଛି l ଏକ ବିଶ୍ୱସ୍ତ ସୂତ୍ରରୁ ଖବର ପାଇ ତେଲ ନଦୀ ରିଙ୍ଗ ରୋଡ ଲେପ୍ରୋସି କଲୋନୀ ନିକଟରେ ୮ ରୁ ୧୦ ଜଣ  ଅସମାଜିକ ବ୍ୟକ୍ତି ଏକାଠି ହୋଇ ଡକାୟତି ଯୋଜନା କରୁଥିବା ସୂଚନା ପାଇ  ସୋନପୁର ପୁଲିସର ଉକ୍ତ ଟିମ ସେହି ସ୍ଥାନରେ ହଠାତ୍ ଚଢାଉ କରିଥିଲା। ପୋଲିସ କୁ ଦେଖି ସେମାନେ ଦୌଡି ପଳାଇଥିବା ବେଳେ ସେଥି ମଧ୍ୟରୁ ଦୁଇ ଜଣଙ୍କୁ ପୋଲିସ କାବୁ କରିବାରେ ସକ୍ଷମ ହୋଇଥିଲା। ଅଭିଯୁକ୍ତ ମାନେ ହେଲେ ପଶ୍ଚିମ ବଙ୍ଗର ଏମଡି ଜୁଲ ଫିକର ମଣ୍ଡଳ ଓ ଉତ୍ତର ପ୍ରଦେଶର ସତିଶ ଗୈ।ଡ। ସେମାନଙ୍କୁ ଯାଞ୍ଚ କରିବାରୁ ସେମାନଙ୍କ ନିକଟରୁ ଗୋଟିଏ ଟର୍ଚ୍ଚ ଲାଇଟ, ଲୁହା ଛଡ, ଲଙ୍କା ଗୁଣ୍ଡ ର ପ୍ୟାକେଟ, ଗୋଟିଏ ମେଗାଜିନ ଓ ଗୋଟିଏ ଜୀବନ୍ତ ଗୁଳି ପୋଲିସ ଜବତ କରିଥିଲା। ପରେ ଉକ୍ତ ଦୁଇ ଜଣ ଡକାୟତ ଅନ୍ୟ ମାନଙ୍କର ପରିଚୟ ଦେଇଥିଲେ। ଏହି ବାବଦରେ ସୋନପୁର ଥାନା କେସ ନମ୍ବର ୧୧୩/୨୦୨୫ ୟୁ ଏସ ୩୧୦(୪)/୩୧୦(୫) ବି ଏନ୍ ଏସ/ ୨୫(୧) (a) ଆର୍ମ ଆକ୍ଟ୍ଟ ରୁଜୁ ହୋଇଛି। ଉକ୍ତ କେସ ର ତଦନ୍ତ ସମୟରେ ତଦନ୍ତକାରୀ ଅଧିକାରୀ ଏସଆଇ ଦିପ୍ତିରଞ୍ଜନ ଦିଗାଳ ଙ୍କ ନେତୃତ୍ବରେ ଏକ ଟିମ୍ ଅନ୍ୟ ଅଭିଯୁକ୍ତ ମାନଙ୍କୁ କାବୁ କରିବାପାଇଁ ବିଭିନ୍ନ ଜାଗାରେ ରେଡ କରିଥିଲା । ଏହି କ୍ରମରେ ଜିଲ୍ଲାପାଳ ଅଫିସ ର ପଛ ପଟ ବସ୍ତିରେ ଗୋଟିଏ ଘରେ ରେଡ କରିଥିବା ବେଳେ ସୁବର୍ଣ୍ଣପୁର ଜିଲ୍ଲା କିର୍ତ୍ତିପୁର ଗ୍ରାମର ଲିପୁନ ମହାକୁର (୨୦) ନାମକ ଜଣେ ଯୁବକକୁ ପୋଲିସ କାବୁ କରିଥିଲା ଓ ତା ପାଖରୁ ଗୋଟିଏ ପିସ୍ତଲ ଓ ଜୀବନ୍ତ ଗୁଳି ଜବତ କରାଯାଇଥିଲା ଏବଂ ଉକ୍ତ ଘରର ତଲାସି ନେବା ସମୟରେ ତଦନ୍ତକାରୀ ଅଧିକାରୀ ସେଠାରେ ବେଆଇନ ଭାବରେ ଗଚ୍ଛିତ ଥିବା ଗଞ୍ଜେଇ କୁ ମଧ୍ୟ ଜବତ କରି ଥିଲେ।  ଏନ୍ ଡି ପି ଏସ୍ ଆକ୍ଟ ର ନିୟମ ଅନୁଯାୟୀ ୪କେଜି ଗଞ୍ଜେଇକୁ ଜବତ କରିବା ସହ ଏହି ବାବଦରେ ସୋନପୁର ଥାନାରେ ଅନ୍ୟ ଏକ ମାମଲା 114 Dt.22.05.2025 U/s-20(b)(ii) B / 29 NDPS Act. କେସ ରୁଜୁ ହୋଇଛି। ଶାନ୍ତି ପ୍ରିୟ ସୁବର୍ଣ୍ଣପୁର ସହରରେ ଏହିପରି ବାହାର ରାଜ୍ୟ  ଗ୍ୟାଙ୍ଗ ର ବଡ ଡକାୟତି ଯୋଜନା  ସହର ଜନସାଧାରଣଙ୍କ ଭିତରେ ଭୟ ସଞ୍ଚାର କରିଥିବା ବେଳେ ସୋନପୁର ପୋଲିସ ର ଏହି ସଫଳତା ପାଇଁ ପୋଲିସ ର କାର୍ଯ୍ୟଦକ୍ଷତାକୁ ଜନସାଧାରଣରେ ପ୍ରଶଂସା କରାଯାଇଛି। ଆଜି ଅପରାହ୍ନରେ ସଦର ଥାନାରେ ଆୟୋଜିତ ଏକ ସମ୍ମିଳନୀ ରେ ସୁବର୍ଣ୍ଣପୁର ଏସ ପି ଶ୍ରୀ ନାରାୟଣ ନାୟକ ବହୁତ ଶୀଘ୍ର ଏହି ଗ୍ୟାଙ୍ଗର ଅନ୍ୟ ମାନଙ୍କୁ ମଧ୍ୟ ଗିରଫ କରିବା ପାଇଁ ଚେଷ୍ଟା ଚାଲିଥିବା ବିଷୟ ପ୍ରକାଶ କରିଥିବା ବେଳେ ଏହି ସାମ୍ବାଦିକ ସମ୍ମିଳନୀ ରେ ଅନ୍ୟ ମାନଙ୍କୁ ମଧ୍ୟରେ ଅତିରିକ୍ତ ଏସ ପି  କେ. ପ୍ରସାଦ,  ଏସ ଡି ପି ଓ ପ୍ରତାପ ଚନ୍ଦ୍ର  ତ୍ରିପାଠୀ ,ଆଇଆଇସି  ତାପସ କୁମାର ଭୋଇ ପ୍ରମୁଖ ଉପସ୍ଥିତ ଥିଲେ।