22-May-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ବିଜେପୁର ରେଡିଏନ୍ସ ଇନଷ୍ଟିଚ୍ୟୁଟ୍ ଅଫ୍ ଏଡଭାନସ୍ ଷ୍ଟଡିଜ୍ ଛାତ୍ରଛାତ୍ରୀ ଯୁକ୍ତ ଦୁଇ ପରୀକ୍ଷାରେ ଉତ୍ତମ ପ୍ରଦର୍ଶନ କରିଛନ୍ତି। ଛାତ୍ରୀ ପ୍ରତୀକ୍ଷା ପଧାନ ଦଶମ ଶ୍ରେଣୀରେ ୪୦୩(୬୭.୧୭)ରଖିଥିବା ବେଳେ ଯୁକ୍ତ ଦୁଇରେ ସର୍ବାଧିକ ୫୨୭ ମାର୍କ ରଖି କଲେଜରେ ପ୍ରଥମ ସ୍ଥାନ ଅଧିକାର କରିଛନ୍ତି ଏବଂ  ଛାତ୍ରୀ ମନିଷା ନାୟକ ଦଶମ ଶ୍ରେଣୀରେ ୩୧୧ ମାର୍କ ରଖିଥିବା ବେଳେ ଯୁକ୍ତ ଦୁଇରେ ୪୭୫ମାର୍କ ରଖି ୨୭.୩୩%(୧୬୪) ମାର୍କ ସର୍ବାଧିକ ମାର୍କ ଗେନ୍ କରି କଲେଜରେ ଚମତ୍କୃତ ଇତିହାସ ସୃଷ୍ଟି କରିଛନ୍ତି। ଏଠାରେ ୧୫୩ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୮୫ଜଣ ପରୀକ୍ଷାର୍ଥୀ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ ୧୦୩ ଜଣ ଛାତ୍ରଛାତ୍ରୀ ଦଶମ ମାର୍କ ଠାରୁ ଯୁକ୍ତ ଦୁଇରେ ଅଧିକ ମାର୍କ ଗେନ୍ କରିଛନ୍ତି। ଏହି ଅବସରରେ  ଅନୁଷ୍ଠାନର ଚେୟାରମେନ ଅଜିତ କୁମାର ମେହେରଙ୍କ ଅଧ୍ୟକ୍ଷତାରେ ଶ୍ରେଷ୍ଠ କୃତିତ୍ବ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ସମର୍ଦ୍ଧିତ କରାଯାଇଛି।ଏହି କାର୍ଯ୍ୟକ୍ରମରେ ଅଧ୍ୟକ୍ଷ ପ୍ରଫେସର ଘନଶ୍ୟାମ ମେହେର, ଏକାଡେମିକ ଡାଇରେକ୍ଟର ଗୋବିନ୍ଦ ମେହେର ଓ ଆଡମିନିଷ୍ଟେଟିଭ ଡାଇରେକ୍ଟର ନେତ୍ରମଣୀ ମେହେର,ଉପାଧ୍ୟକ୍ଷ ଶ୍ରୀ ସଞ୍ଜୟ ବାରିକ, ଅଧ୍ୟାପକ ପ୍ରଫୁଲ୍ଲ ପଧାନ,ଲୟକାନ୍ତ କୁମ୍ଭାର,ଆଲୋକ ପୋଢ଼, ଅଧ୍ୟାପିକା ରିତା ପଧାନ,ନୀଲମ ସାହୁ, ଜ୍ୟୋତି ପଧାନ, ଦୀପାଞ୍ଜଳି ମେହେର,ହେଲିଶା ବେହେରା ସହ ଅନେକ ଅଭିଭାବକ ଓ ଅନୁଷ୍ଠାନର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ।ଚେୟାରମେନ ଶ୍ରୀ ମେହେର ଦ୍ବାରା ଛାତ୍ରୀ ପ୍ରତୀକ୍ଷା ପଧାନ, ସ୍ମୃତିରେଖା ସରାଫ,ଝିଲି ସାହୁ,ରୋଜି ମେହେର,ପୂଜା ମେହେର,ମାନିନୀ ମେହେର, ଝିଲି ମେହେର,ରିତିକା ସାହୁ,ନିଲେନ୍ଦ୍ରି ପଧାନ,ନିତୁ ମେହେର,ପ୍ରୀତି ମେହେର, ମନିଷା ନାୟକ ଓ ଛାତ୍ର ଯୁଧିଷ୍ଠିର ବୁଡେକ୍ ଙ୍କୁ ଅଭିନନ୍ଦନ ଜଣାଇ ସମର୍ଦ୍ଧିତ କରାଯାଇଥିଲା। ଶେଷରେ ଚେୟାରମେନ ସମସ୍ତ ଅଧ୍ୟାପକ ଅଧ୍ୟାପିକା ମାନଙ୍କୁ ଅଭିନନ୍ଦନ ଜଣାଇ ଛାତ୍ରଛାତ୍ରୀ ମାନଙ୍କର ଉଜ୍ଜଳ ଭବିଷ୍ୟତ କାମନା କରି ସଭା କାର୍ଯ୍ୟ ସମାପ୍ତ କରିଥିଲେ।୨୦୧୬ ମସିହାରେ ପ୍ରତିଷ୍ଠିତ ଏହି ଅନୁଷ୍ଠାନରେ ଯୁକ୍ତଦୁଇ କଳା ବିଭାଗ ରେ କ୍ରମାଗତ ଭାବରେ ଛାତ୍ରଛାତ୍ରୀ ମାନଙ୍କର ଚମତ୍କାର ସଫଳତାକୁ ଦେଖି ଅଭିଭାବକ ଓ ଏ ଅଞ୍ଚଳର ବୃଦ୍ଧିଜିବୀ ମହଲରେ ପ୍ରଶଂସାର ସୂଅ ଛୁଟୁଛି।