21-May-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜ଼ିଲ୍ଲା କଣ୍ଟାମାଲ ରେଞ୍ଜ ବରପଦର ସେକ୍ସନର ଖୋଲମୁଣ୍ଡା ଜଙ୍ଗଲରେ ଶିକାରୀଙ୍କ ଦ୍ୱାରା ଗାତ ଖୋଲି ସେଥିରେ ୧୨ ଟି ବାରହାକୁ ଗାତ ଭିତରେ ପକାଇ ତାଙ୍କୁ ବର୍ଚ୍ଛା ଦ୍ୱାରା ଶିକାର କରାଯାଇ ଥିବା ନେଇ କୌଣସି ସୂତ୍ରରୁ ସୂଚନା ପାଇ ବନ ବିଭାଗ କର୍ମଚାରୀମାନେ ଖୋଲ ମୁଣ୍ଡା ଜଙ୍ଗଲରେ ଚଢ଼ାଉ କରିଥିଲେ। ସେଠାରୁ ୧୨ ଟି ବାରହାଙ୍କ ମାଂସ ଓ ବିଭିନ୍ନ ଅଙ୍ଗପ୍ରତ୍ୟଙ୍ଗ ଜବତ କରିଥିବାବେଳେ ୨ଟିବାଇକ, ଗୋଟିଏ ଟାଙ୍ଗିଆ, ୨ଟି ଶାବଳ ସହ ଚାରି ଜଣଙ୍କୁ ଗିରଫ କରିଥିବା ସୂଚନା ମିଳିଛି। ଗିରଫ ହୋଇଥିବା ୪ଜଣ ହେଲେ ଝାରଫେସପେରଡ଼ିର ଜଗନ୍ନାଥ ବାରିକ ୨୯ବର୍ଷ,ହେମନ୍ତ କର୍ମୀ ୨୦ବର୍ଷ, କୃଷ୍ଣ ଚନ୍ଦ୍ର ଜାନି ୨୭ବର୍ଷ, ଓ ଲାକପର୍ବତ ର ସଂଜିତ ଥାଟି ଆଜି କୋର୍ଟ ଫରୱାଡ଼ କରାଗଲା ବୋଲି ବରପଦର ବନପାଳ ବୁଲି ବେହେରା କହିଛନ୍ତି l ଏପରିକି ବର୍ତ୍ତମାନ ଖରା ଯୋଗୁଁ ସବୁ ନଦୀ, ବନ୍ଧ, ନାଳ ସବୁ ସୁଖୀ ଯାଇଥିବାରୁ ଜଙ୍ଗଲୀ

ପଶୁ ସବୁ ଗାଁ ମୁଁହା ହେଉଥିବା ବେଳେ ଶିକାରୀମାନେ ତାଙ୍କୁ ଶିକାର କରିବା ପାଇଁ ଘୁରିବୁଲୁଛନ୍ତି। ବିଭାଗୀୟ କର୍ମଚାରୀ ମାନେ ନିଜ ନିଜ ଅଂଚଳରେ ଠିକ ଭାବେ ପେଟ୍ରୋଲିଂ କରୁ ନ ଥିବାରୁ ଶିକାରୀ ନିର୍ଭୟରେ ଶିକାର କରୁଥିବା ଅଞ୍ଚଳବାସି ପ୍ରକାଶ କରୁଛନ୍ତି। ଖାଲି ଯେ ପଶୁ ଶିକାରୀ ନୁହେଁ କଣ୍ଟାମାଳ ରେଞ୍ଜ ଅନ୍ତର୍ଗତ ଜଙ୍ଗଲ ଗୁଡିକ କାଠ ମାଫିଆଙ୍କ ଭୂସ୍ବର୍ଗ ପାଲଟିଥିବା ଅଂଚଳରେ ଚର୍ଚ୍ଚା ର ବିଷୟ ପାଲଟିଛି

ବାରହା ମାଂସ ଜବତ ଘଟଣା; ୪ଅଭିଯୁକ୍ତ କୋର୍ଟ ଚାଲାଣ

କଣ୍ଟାମାଲ :  ଗତ ୨ ଦିନ ତଳେ ବୌଦ୍ଧ ଜ଼ିଲ୍ଲା କଣ୍ଟାମାଲ ରେଞ୍ଜ ଅନ୍ତର୍ଗତ ସୁଲିଆ ଜଙ୍ଗଲରେ  କଣ୍ଟାମାଲ ବନ ବିଭାଗ ଦ୍ୱାରା ବାରହା ମାଂସ ଜବତ ହୋଇଥିଲା |ସେହି ସମୟରେ ଘଟଣା ସ୍ଥଳରୁ ଏକ ବାଇକ ମଧ୍ୟ ଜବତ ହୋଇଥିଲା  |ଏହି ଘଟଣାରେ ସମ୍ପୃକ୍ତ ଥିବା ୩ ଜଣ ଶିକାରୀଙ୍କ ଆଜି କଣ୍ଟାମାଲ ବନ ବିଭାଗ ଦ୍ୱାରା କୋର୍ଟ ଚାଲାଣ କରିଥିବା ସୂଚନା ମିଳିଛି |  ସୂଚନା ଅନୁସାରେ କଣ୍ଟାମାଲ ବନ ବିଭାଗ ସୁଲିଆ ଜଙ୍ଗଲରେ ବାରହା ଶିକାର ହୋଇଥିବା ନେଇ  କୌଣସି ସୂତ୍ରରୁ ଖବର ପାଇ  ସୋମବାର ରାତିରେ କଣ୍ଟାମାଲ ରେଞ୍ଜ ଅଧିକାରୀ ଜୟକୃଷ୍ଣ ପଟ୍ଟନାଏକ ଙ୍କ ନିର୍ଦେଶ କ୍ରମେ ବନପାଳ ବୁଲି ବେହେରାଙ୍କ ନେତୃତ୍ୱରେ,ଫରେଷ୍ଟ ଗାର୍ଡ ଜ୍ୟୋତି ରଞ୍ଜନ ବାରିକ,ସୁନୀଲ ପ୍ରଧାନ ,ବିଶ୍ୱଜିତ ନାଏକ ଓ ସ୍କ୍ୱାର୍ଡ ଚଢ଼ାଉ କରିଥିଲେ  |ଘଟଣାସ୍ଥଳରୁ ବନ ବିଭାଗ ଏକ ଟାଙ୍ଗିଆ ,ଗୋଟିଏ  ବ୍ୟାଗ ଏବଂ  ସିବିଜେଡ ଏକ୍ସଟ୍ରିମ ବାଇକ 

(ଓଡି ୩୧-ଡି-୫୯୩୯)  ଜବତ କରିଥିଲା |ବାଇକ ଡିକି ଖୋଲିବାରୁ ସେଥିରୁ ଏକ ବାରହା ପୁଟା ଜବତ କରିଥିଲା ବନ ବିଭାଗ |ଏହି ଘଟଣାରେ ସମ୍ପୃକ୍ତ ଥିବା ୪ ଜଣ ଅଭିଯୁକ୍ତଙ୍କୁ ଆଜି ବନ ବିଭାଗ କୋର୍ଟ ଚାଲାଣ କରିଛି | ଅଭିଯୁକ୍ତ ମାନେ ହେଲେ ଝାରଫେସପେରଡ଼ି ଗ୍ରାମର ଜଗନ୍ନାଥ ବାରିକ(୨୯) ,ହେମନ୍ତ କର୍ମୀ (୨୦),କୃଷ୍ଣଚନ୍ଦ୍ର ଯାନୀ(୨୭) ଓ ଲାଖପର୍ବତ ଗ୍ରାମର ସଂଜିତ ଥାଟି(୨୩), |ଏନେଇ ବନ ବିଭାଗ ଏକ କେସ ନମ୍ବର ୩୯କେ/୨୦୨୫-୨୬ ରେ କୋର୍ଟ ଚାଲାଣ କରିଥିବା କଣ୍ଟାମାଲ ରେଞ୍ଜ ଅଧିକାରୀ ଜୟକୃଷ୍ଣ ପଟ୍ଟନାୟକ ସୂଚନା ଦେଇଛନ୍ତି |