17-May-2025

ବଲାଙ୍ଗୀର: ପୂର୍ବ ଶତୃତାକୁ କେନ୍ଦ୍ର କରି ଗତ ମେ ୭ ତାରିଖ ରାତିରେ ଜଣେ ଯୁବକଙ୍କ ଉପରେ ହୋଇଥିବା ସଂଘବଦ୍ଧ ଆକ୍ରମଣ ଘଟଣାରେ ଆଜି ବଲାଙ୍ଗୀର ପୋଲିସ ଘଟଣାରେ ସଂପୃକକ୍ତ ୩ ଜଣ ଦୁର୍ବୃତ୍ତଙ୍କୁ ଗିରଫ କରିଛି । ଗତ ମେ ୭ ତାରିଖ ରାତିରେ ବଲାଙ୍ଗୀର ଲୋକନାଥ ମନ୍ଦିର ସମ୍ମୁଖରେ ବଲାଙ୍ଗୀର ରାମେଶ୍ୱର ନଗରର ସୋନୁ ପଟ୍ଟନାୟକ ଠିଆ ହୋଇଥିବା ସମୟରେ ହଠାତ୍ ୩ ଜଣ ମୁଖାପଡିନ୍ଧା ଦୃବୃତ୍ତ ସୋନୁଙ୍କ ଉପରେ ଗୋଡେଇ ଗୋଡେଇ ମରଣାନ୍ତକ ଆକ୍ରମଣ ଉଦ୍ୟମ କରିଥିଲେ । ସେମାନେ ଖଣ୍ଡା ଓ ଭୁଜାଲି ଧରି ସୋନୁଙ୍କୁ ଆକ୍ରମଣ କରିବାକୁ ଯାଉଥିବା ବେଳେ ଜୀବନ ବଂଚାଇବା  ପାଇଁ ସୋନୁ ଦୌଡି ପଳାଇ ଜଗନ୍ନାଥ ମନ୍ଦିର ପାଖ ଏକ ସୁନାଗହଣା ଦୋକାନରେ ଲୁଚି ଯାଇଥିଲେ। ତେବେ ଏହି ମୁଖାପିନ୍ଧା ଦୁର୍ବୃତ୍ତ ମାନେ ସୁନା ଦୋକାନର ଗେଟ୍‌କୁ ଭାଙ୍ଗି ଘଟଣାସ୍ଥଳରୁ ଫେରାର୍ ମାରିଥିଲେ ।ଏହି ଘଟଣାକୁ ନେଇ ସୋନୁ ବଲାଙ୍ଗୀର ଟାଉନ ଥାନାରେ ଦେଇଥିବା ଲିଖିତ ଅଭିଯୋଗ ଉପରେ  ଉପରେ ଟାଉନ ପୋଲିସ ଅନୁସନ୍ଧାନ ଜାରି ରଖିଥିଲା । ଆଜି ଏହି ଘଟଣାରେ ସଂପୃକ୍ତ ବଲାଙ୍ଗିର ହାଟପଦା ପଡାର ବିଶାଲ ପଶାୟତ(୨୪) ଗନ୍ଧରେଲର ସୋନୁ @ ତୁଷାର ବାରିକ(୨୪) ଓ ବଜୟନ୍ତୀ ପଡାର ରାଜା @ ସହୀଦ ପାତ୍ର(୧୯) ଙ୍କୁ ଗିରଫ କରିଛି । ଏମାନଙ୍କ ନାମରେ ଟାଉନଥାନା କେଶ ନମ୍ବର ୩୨ଠ ଦଫା ୧୦୯/୬୧(୨), ୩୫୧(୩) ବିଏନ୍‌ଏସ୍ ଓ ଦଫା ୧୦୯/୦୬, ୨୫/୨୭ ଆର୍ମସ ଆକ୍ଟ ରେ ଏକ ମାମଲା ରୁଜୁ ହୋଇଛି । ଆଜି ବଲାଙ୍ଗୀର ଟାଉନଥାନା ଠାରେ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ବଲାଙ୍ଗୀର ଏସ୍‌ପି ଅଭିଳାଷ ଜୀ । କମେଣ୍ଟମରା ଓ ଗାଳିଗୁଳଜକୁ  ନେଇ ବିଶାଳ ଓ ସୋନୁ ଙ୍କ ଭିରେ ପୂର୍ବରୁ ଝଗଡା ରହିଥିଲା। ତେଣୁ ବିଶାଳ ସୋନୁଙ୍କୁ ଜୀବନରେ ମାରି ଦେବା ପାଇଁ ଯୋଜନା କରୁଥିଲା । ସେମିତ କୌଣସି ନିଛାଟିଆ ସ୍ଥାନ କିମ୍ବା ସୂଯୋଗ ନ ପାଇବାରୁ ଗତ ୭ ତାରିଖ ରାତିରେ ସୋନୁଙ୍କୁ ସ୍ଥାନୀୟ ଲୋକନାଥ ମନ୍ଦିର ଠାରେ ଏକାକୀ ପାଇ ବିଶାଳ ନିଜ ୭-୮ ଜଣ ସହଯୋଗୀ ମାନଙ୍କ ସହ ସଂଘବଦ୍ଧ ଭାବରେ ସୋନୁ ଉପରେ ମରଣାନ୍ତକ ଆକ୍ରମଣ ଉଦ୍ୟମ କରିଥିଲା ।

ଏହି ଆକ୍ରମଣରେ ବ୍ୟବହୃତ ଦୁଇଟି ପଲସର ବାଇକ୍ ୪ଟି ଖଣ୍ଡା ଓ ୫ଟି ମୋବଇଲ ଫୋନ୍ ଜବତ କରିଛି ପୋଲିସ । ବଲାଙ୍ଗୀର ଟାଉନ ପୋଲିସ , ସଦର ଏସ୍‌ଡିପିଓ , ସଇବର ସେଲ୍ , ବିଭିନ୍ନ ସିସି ଟିଭି ଫୁଟେଜ୍ ଓ କିଛି ଟେକ୍‌ନିକାଲ କ୍ଲ୍ୟୁ କୁ ଆଧାର କରି ପୋଲିସ ଅପରାଧୀ ମାନଙ୍କ ପାଖକୁ ପହଂଚିବାରେ ସଫଳ ହୋଇପାରିଛି । ତେବେ ଆକ୍ରମଣର ଶୀକାର ହୋଇଥିବା ସୋନୁଙ୍କ ଅଭିଯୋଗକୁ ଆଧାର କରି ଏ ଘଟଣାରେ ଅହୁରି ଅଧିକ ତଦନ୍ତ କରୁଛି ପୋଲିସ ।