10-May-2025

ଲୋଇସିଂହା, (ପ୍ରେରଣା ଖବର) ବିନା ଦୋଷରେ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ନେଇ ପରିବାର ଆଜି ଥାନାର ଦ୍ୱାରସ୍ଥ l ଏଭଳି ଏକ ଘଟଣା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଲୋଇସିଂହା ଅଞ୍ଚଳରେ। ଡକାୟତି ଯୋଜନା ରେ ସାମିଲ ଥିବା କହି ପୋଲିସ ଜଣେ ନିରୀହ ତଥା ନିର୍ଦ୍ଦୋଷ ବ୍ୟକ୍ତି ଙ୍କୁ ଗିରଫ କରି କୋର୍ଟ ଚାଲାଣ କରିଥିବା ନେଇ ପରିବାର ଓ ତାଙ୍କ ପଡା ବାସି ଆଜି ଲୋଇସିଂହା ଥାନା ର ଦ୍ବାରସ୍ଥ ହୋଇଥିବା ଦେଖିବାକୁ ମିଳିଛି। ଗିରଫ ବ୍ୟକ୍ତି ଜଣକ ହେଉଛନ୍ତି ଲୋଇଶିଂହା ଥାନା ଅନ୍ତର୍ଗତ ବାରଡୋଳ ଗ୍ରାମର ଓ ନାମ ହେଉଛି ସନାତନ ସୁନା ବୟସ 33 l ସୂଚନାନୁସାରେ ଗତ ମାସ 19 ତାରିଖ ରେ ଲୋଇସିଂହା ଥାନା ହୀରାପୁର ଗ୍ରାମର ସାପ୍ତାହିକ ରୁ ଶସକ୍ତ ଡକାୟତି ଉଦ୍ୟମ କରୁଥିବା ଖବର ପାଇ ଲୋଇସିଂହା ପୋଲିସ 4 ଜଣ କୁ ଗିରଫ କରିଥିଲା। ପ୍ରଥମେ ଡକାୟତି ଉଦ୍ୟମ ଚଳାଇଥିବା ଦୁଇ ଜଣ କୁ ପୋଲିସ ଗିରଫ କରିଥିଲା ଓ କିଛିଦିନ ପରେ ଆଉ ଦୁଇ ଜଣ କୁ ପୋଲିସ ଗିରଫ କରିବା ପରେ କୋର୍ଟ ଚାଲାଣ କରିଥିବା ଜଣା ପଡ଼ିଥିଲା। ଅଭିଯୁକ୍ତ ମାନେ ହେଲେ ସ୍ଥାନୀୟ ବାର୍ଡୋଲ ଗ୍ରାମର l ପ୍ରଥମ ଦିନ ଚଢ଼ାଉ ସମୟରେ ଆକାଶ ନାଗ ବୟସ 23 ଓ ଆଶିଷ ବାରିକ୍ ବୟସ 25 ଉଭୟ ଙ୍କୁ ଗିରଫ କରା ଯାଇଥିଲା। ଓ କିଛିଦିନ ପରେ ଅଜୟ ବାରିକ ଓ ସନାତନ ସୁନା କୁ ପୋଲିସ ଗିରଫ କରିବା ପରେ କୋର୍ଟ ଚାଲାଣ କରିଥିବା ଆଇ ଆଇ ସି ଯାଜ୍ଞସେନି ନାୟକ ସୂଚନା ଦେଇଛନ୍ତି l ପ୍ରଥମ ଦିନ ଗିରଫ ସମୟରେ ସେମାନଙ୍କ ଠାରୁ ଏକ ପିସ୍ତଲ୍ ମଧ୍ୟ ପୋଲିସ ଜବତ କରିଥିଲା। ଗିରଫ ହୋଇଥିବା ସନାତନ ସୁନା ଜଣେ ନିର୍ଦ୍ଦୋଷ ବ୍ୟକ୍ତି ଓ ତାକୁ ଜାଣିଶୁଣି ଫସାଇ ଦିଆଯାଇଛି ବୋଲି ପରିବାର ଲୋକେ ଅଭିଯୋଗ କରିଛନ୍ତି। ଏ ନେଇ ଆଜି ତାଙ୍କ ପରିବାର ସହ ପଡ଼ାର ବହୁ ମହିଳା ଓ ପୁରୁଷ ଥାନାର ଦ୍ବାରସ୍ଥ ହୋଇଥିଲେ। ଥାନା ଅଧିକାରୀ ଛୁଟି ରେ ଥିବା ଜାଣିବାକୁ ପାଇଥିଲେ। ଶେଷରେ ଆସନ୍ତା 12 ତାରିଖ ଆସି ଥାନା ଅଧିକାରୀ ଙ୍କୁ ଦେଖା କରିବାକୁ ଥାନାରେ ଥିବା ଅନ୍ୟ କର୍ମଚାରୀ ତାଙ୍କୁ ପରାମର୍ଶ ଦେଇଥିଲେ। ମିଛ କେସ ରେ ଫସାଇ ତାକୁ କୋର୍ଟ ଚାଲାଣ କରିଥିବାରୁ ତାଙ୍କ ସ୍ତ୍ରୀ ପୂଜା ସୁନା ଓ ପରିବାର ଲୋକେ ଦୁଃଖ ପ୍ରକାଶ କରିଥିଲେ। ଉପଯୁକ୍ତ ତଦନ୍ତ କରାଯାଇ ପ୍ରକୃତ ଦୋଷୀ କୁ ଧରିବା ସହିତ ନିରୀହ ସନାତନ ସୁନା କୁ ଉଚିତ୍ ନ୍ୟାୟ ମିଳୁ ବୋଲି ପରିବାର ଥାନା ଅଧିକାରୀ ଙ୍କୁ ଅନୁରୋଧ କରିଛନ୍ତି। ଆଜି ସନାତନ ସୁନା ଙ୍କ ପରିବାର ସମେତ ବହୁ ମହିଳା ଓ ପୁରୁଷ ଥାନାର ଦ୍ୱାରସ୍ଥ ହୋଇଥିଲେ। ଉପଯୁକ୍ତ ନ୍ୟାୟ ପାଇବା ପାଇଁ ସେମାନେ ଥାନା ଅଧିକାରୀ ଙ୍କୁ ଅନୁରୋଧ କରିଛନ୍ତି। ଆଜି ତାଙ୍କ ସ୍ତ୍ରୀ ପୂଜା ସୁନା ସମେତ ହାରାଧର ସୁନା, ତାରା ସୁନା, ରାଜୀବ ସୁନା, ଜାନକୀ ନାଗ, ମନୋହର ନାଗ, ବିକି ବାରି,  ସୁକ୍ରୁ ନାଗ, ସାବିତ୍ରୀ ସୁନା, ସାଗର କୁମ୍ଭାର, ପ୍ରିୟଙ୍କା ସୁନା, ତୁଳସା ବାରିକ ସମେତ ପଡl ର  ବହୁ ସଂଖ୍ୟା ରେ ଲୋକ ଯୋଗ ଦେଇଥିଲେ l