18-Apr-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ଜୁଲୁଣ୍ଡା-ଖଲିଆପାଲି ଭୀମ ଭୋଇ ପୀଠରୁ ସୋନପୁର ରାସ୍ତାରେ ବସଚଳାଚଳ ହେଉ ନଥିବାରୁ ଯାତ୍ରୀ ନାହିଁନଥିବ  ହଇରାଣ ହେଉଛନ୍ତି। ଉକ୍ତ ରାସ୍ତା ଦେଇ ଲୋକେ ସହଲା, ଗଧାପାଲି,କପାସିରା, ମାମୁରା, କୁଲୁଣ୍ଡା, ଲଛିପୁର, ଭୀମଭୋଇ ସମାଧୀପୀଠ ଖଲିଆପାଲି,ସୋନପୁର କୁ ଯିବା ଆସିବା କରିଥାନ୍ତି । ଏହି ରାସ୍ତାରେ ସୋନପୁରକୁ ଯିବାକୁ ସିଧାସଳଖ କୌଣସି ବସ ନାହିଁ। ତେଣୁ ଲୋକେ ବାଧ୍ୟ ହୋଇ ଘରୋଇ ଟ୍ରେକରରେ ଯିବା ଆସିବା କରିଥାନ୍ତି। ବିଶେଷ କରି ଗୁରୁବାର ସାପ୍ତାହିକ ବଜାର ଦିନ ଯାତ୍ରୀ ଭିଡ଼ ବହୁତ ଦେଖା ଯାଇଥାଏ। ଯାତ୍ରୀଙ୍କ ଆବଶ୍ୟକତାକୁ ଦେଖ୍ କେତେକ ଘରୋଇ ଛୋଟ ଛୋଟ ଗାଡ଼ି ମାଲିକ ଉକ୍ତ ରାସ୍ତା ଦେଇ ଭଡ଼ା ଚଲାଇଥାନ୍ତି ପୁରୁଣା ଟ୍ରେକ୍ଟର ଗାଡ଼ିରେ ଓଭର ଲୋଡିଂ କରିଥାନ୍ତି । ଭିତରେ ଯେତିକି ଯାତ୍ରୀ ପଛପଟେ ଓହଲି ସେତିକି ଥାଆନ୍ତି ଉପରେ ମାଲ ପତ୍ର ଆହୁରି ଅଧିକା ଗାଡ଼ିର ଗାଗଜ ପତ୍ର ଫିଟ୍‌ନେସ ଥୁବ କି ନାହିଁ ତାଙ୍କୁ ହିଁ ଜଣା। ଗାଡ଼ିର ଅବସ୍ଥା ଦେଖୁଲେ ମ୍ୟୁଜିୟମରୁ ଗାଡ଼ି ଅଣା ହୋଇଛି ମନେ ହେବ । ପୁଣି କେନାଲ ରାସ୍ତାରେ ବିପଦସଙ୍କୁଳ ଅବସ୍ଥାରେ ଏଭଳି ଗାଡ଼ି କେତେ ଦୂର ଠିକ୍ । କିନ୍ତୁ ଯାତ୍ରୀଙ୍କ ପାଇଁ କୌଣସି ବିକଳ୍ପ ନ‌ଥୁବାରୁ ଜୀବନକୁ ବାଜି ଲଗେଇ ଯିବା ଆସିବା କରୁଛନ୍ତି । ପୁଣି ଏଥିରେ ଆଗରୁ ନମ୍ବର ଲାଗିବାକୁ ମଧ୍ୟ ପଡୁଛି। କେତେକ ଗାଡ଼ି ନପାଇଁ ହଇରାଣ ହୋଇ ଭଡ଼ା କରି ଚଢ଼ା ଦରରେ ମଧ୍ୟ ଯିବା ଆସିବା କରୁଛନ୍ତି। ଏଣୁ ଉକ୍ତ ରାସ୍ତା ଦେଇ ଡୁଙ୍ଗୁରିପାଲିରୁ ସୋନପୁରକୁ ଲକ୍ଷ୍ମୀ ବସ କିମ୍ବା ସରକାରୀ ବସ ଚଳାଇବାକୁ ଦାବି ହେଉଛି ।