12-Mar-2025

ଅତାବିରା(ଆକାଶ ମିଶ୍ର): ଅତାବିରା ଏନ୍ ଏ ସି ଅନ୍ତର୍ଗତ ୫୩ ନମ୍ୱର୍ ଜାତୀୟ ରାଜପଥ କଡ଼ରେ ଅବସ୍ଥିତ  ଆମ୍ବେଦକର ଭବନ ଥରେ ଆଜି ଅତାବିରା ଓ ଭେଡେନ  ବହୁଜନ ସଂଗଠନ ପକ୍ଷରୁ ଆସନ୍ତା ଏପ୍ରିଲ ୧୪ ରେ ହେବାକୁ ଥିବା  ବାବା  ଆମ୍ବେଦକର  ଜୟନ୍ତୀ ପାଳନାର୍ଥେ  ବାବୁଲୁ ଭେଶ୍ରାଙ୍କ ସଭାପତିତ୍ବ କ୍ରମେ ଏକ ପ୍ରାକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଗତ ବର୍ଷ ତୁଳନାରେ ଅଧିକ ଆଡମ୍ବର  ସହକାରେ ଓ ଶାନ୍ତି ପୂର୍ଣ୍ଣ ଭାବରେ ଏହି ଜୟନ୍ତୀ ପାଳନ କରିବା  ଆଲୋଚନା  କରାଯାଇଥିଲା । ସମସ୍ତ କାର୍ଯ୍ୟକ୍ରମ କୁ ସୂଚାରୁ ରୂପେ  ସଂପାଦନ କରିବା ପାଇଁ କଣ କଣ ପଦକ୍ଷେପ ନିଆଯିବ  ବୋଲି ସମସ୍ତଙ୍କର  ମତାମତ ନିଆଯାଇ ଥିଲା । ସମସ୍ତ ଙ୍କ  ମତାମତ  କୁ ସମ୍ମାନ ସହ  ଗ୍ରହଣ  କରାଯାଇ ଆଗତ ଦିନରେ ସେହି  ପ୍ରସ୍ତାବ ଗୁଡିକ ଉପରେ ବିଚାର କରି ତଦନୁରୁପେ  କାର୍ଯ୍ୟପନ୍ଥା  ଗ୍ରହଣ  କରାଯିବ ବୋଲି  ସଭାପତି କହିଥିଲେ।  ଏହି ଜୟନ୍ତୀ ପାଇଁ   ଚୁଡାନ୍ତ ପ୍ରସ୍ତୁତି ବୈଠକରେ ଦାୟିତ୍ଵ ବଣ୍ଟନ ସହ କାର୍ଯ୍ୟକ୍ରମ ର ଚୂଡାନ୍ତ ରୂପ ରେଖ ପ୍ରସ୍ତୁତ କରାଯିବ ବୋଲି ସଂଗଠନ ପକ୍ଷରୁ ସୂଚନା ରହିଛି ।ଏହି ବୈଠକରେ  ମନୋଜ ସୁନା , ପ୍ରଦୀପ ମଲ୍ଲିକ, ଶଙ୍କର ନାଗ , ଅମିତ୍ ବାରିକ୍, ଟିଙ୍କୁ ଉଗର, ମନୋଜ ଗଡତିଆ, ଫକୀର କୁଅଁର, ଶେଷଦେବ ବାଦି, ଜିବର୍ଦ୍ଧନ ହାତୀ, କୁବେର ମହାନନ୍ଦ, ରେହେମାନ ଖାନ, ନାଏକ ବାବୁଙ୍କ ସମେତ ଭେଡେନ ବ୍ଲକ ଓ ଅତାବିରା ବ୍ଲକ ର ସମସ୍ତ  ଆମ୍ବେଦକର ଯୁବ ପ୍ରେମୀ  ଉପସ୍ଥିତ ଥିଲେ।