17-Feb-2025

ଅତାବିରା( ଆକାଶ ମିଶ୍ର): ଅତାବିରା ବ୍ଲକ ଅନ୍ତର୍ଗତ ଗମ୍ଭାରିପାଲି ଗ୍ରାମରେ ଗତ ୧୪ ତାରିଖରୁ ହେଉଥିବା ଶ୍ରୀ ଶ୍ରୀ ସୋମନାଥ ବାବା ମନ୍ଦିର ପ୍ରତିଷ୍ଠା ଉତ୍ସବ ଆଜି ସମ୍ପନ୍ନ ହୋଇଯାଇଛି । ଏହି ପ୍ରତିଷ୍ଠା ମହୋତ୍ସବ  ଫାଲଗୁନ କୃଷ୍ଣପକ୍ଷ ଦ୍ଵିତୀୟା  ତିଥିରେ ମଣ୍ଡପ  ସଂସ୍କାର , କଳସ ଯାତ୍ରା ଓ ଅଧିବାସ କର୍ମ ରୁ ଆରମ୍ଭ ହୋଇ ଥିଲା ।ଏହାର ଦ୍ଵିତୀୟ ଦିବସ ରେ ସୂର୍ଯ୍ୟପୂଜା,ଗୋପୁଜା,ଷୋଡଶ ସ୍ତମ୍ଭ ପୂଜା ,ମହାସ୍ନାନ,  ଧାନ୍ୟାଭିଷେକ,ଓ ଅଗ୍ନିଆବହାନ,ତୃତୀୟ ଦିବସରେ ପାର୍ଶ୍ଵ ଦେବା ଦେବୀ ପୂଜା,ସୂର୍ଯ୍ୟପୂଜା,ଗୋପୂଜା,ଚକ୍ଷୁ ଦାନ, ପ୍ରାଣ ପ୍ରତିଷ୍ଠା,ଷୋଡ଼ଶ ଉପଚାର,ଯୁପରଜ୍ ପ୍ରତିଷ୍ଠା,ସିଂହାସନ ପ୍ରତିଷ୍ଠା,ମନ୍ଦିର ପ୍ରତିଷ୍ଠା ଓ ରୁଦ୍ରଚଣ୍ଡୀ ହବନ, ଶତନାମ,ଆଳତି ଆଦି ସମ୍ପନ୍ନ ହୋଇଥିଲା।ଆଜି କୃଷ୍ଣପକ୍ଷର  ପଞ୍ଚମୀ  ଦିନ  ଅପରାହ୍ନ 3 ଟା ୪୫ ମିନିଟ ରେ ବିଗ୍ରହ ମାନଙ୍କ ପ୍ରବେଶ କରାଯାଇ  ହୋମ ଆହୁତି ସହ ପୂର୍ଣ୍ଣାହୁତି ପଡ଼ିଥିଲା ।ଏହି ମନ୍ଦିରକୁ ତଳି ଟାମ୍ପରସରା ର ବିଶ୍ଵକର୍ମା ରାଜମିସ୍ତ୍ରୀ  ନିର୍ମିତ କାର୍ଯ୍ୟ  ସମ୍ପୂର୍ଣ୍ଣ କରିଥିଲେ ।ମନ୍ଦିର ର ଉଚ୍ଚତା ୨୫ ଫୁଟ ରହିଛି। ଗ୍ରାମର ସପତ୍ନିକ୍ ସୁରେନ୍ଦ୍ର ପ୍ରଧାନ, ଅକ୍ଷୟ ଚିରଗୁନ ଭାଗିରଥି ପ୍ରଧାନ, ପ୍ରତୁଲ କୁମାର କର୍ଣ୍ଣ, ଚମ୍ପେଶ୍ୱର୍ ମହାକୁର, ସୁଶିଲ ପ୍ରଧାନ, ଜୟନ୍ତ ପ୍ରଧାନ, ରାଜୁ  କର୍ମି, ବିକାଶ ପ୍ରଧାନ, କୈବଲ୍ୟ ପ୍ରଧାନ, ଅରବିନ୍ଦ ପର୍ଡିଆ, ସୁରେନ୍ଦ୍ର ନାଏକ, ଅଶୋକ ପ୍ରଧାନ,  ହରିହର ପ୍ରଧାନ ଓ ପ୍ରଶାନ୍ତ ମହାକୁର ଆଦି ୧୫ ଯୋଡ଼ି କର୍ତ୍ତା  ଙ୍କ ମାଧ୍ୟମରେ ପୂଜା ଆହୁତି ପ୍ରଦାନ କରାଯାଇଥିବା ବେଳେ ମୁଖ୍ୟ ପୂଜକ ହିମାଂଶୁ ତ୍ରିପାଠୀ, ସିତାଂଶୁ ତ୍ରିପାଠି, ଆଜାଦ ତ୍ରିପାଠୀ ,ସୁଶାନ୍ତ ଦାଶ ଓ ସାଥୀ ପଣ୍ଡିତ ରୂପେ ବରଣ ହୋଇଥିଲେ ।ପ୍ରତିଷ୍ଠାର ଅନ୍ତିମ ଦିବସରେ ଆଜି ପୂର୍ବତନ ବିଧାୟିକା ସ୍ନେହାଙ୍ଗିନୀ ଛୁରିଆ  ନିମନ୍ତ୍ରିତ  ଅତିଥି ରୂପରେ ଯୋଗ ଦେଇଥିଲେ ।ଗାଆଁ ମୁଣ୍ଡରୁ  ଦୁଲୁଦୁଳି ବାଜା ସହ ବିଶାଳ ଜନ ସମାଗମରେ ହୁଲ ହୁଲି ସହ ରଙ୍କୁ ପାଛୋଟି ନେଇଥିଲେ ଗ୍ରାମବାସୀ ।ଦରବାର ରେ ଉପଢୌକନ ଦେଇ ତାଙ୍କୁ ସମ୍ଭର୍ଦ୍ଧିତ କରାଯାଇଥିଲା । ଏହି ଚାରି ଦିନ ଗ୍ରାମର ପ୍ରତି ଘରେ ଏହି  ନିରାମିଷ ଭୋଜନ ବନ୍ଦ ରହିଥିଲା, ପ୍ରତ୍ୟେକ ଘର ସମ୍ମୁଖରେ  ପୂର୍ଣ୍ଣ କଳସ ସ୍ଥାପନ ପୂର୍ବକ ଶ୍ରଦ୍ଧାଳୁ ଭକ୍ତ  ମାନଙ୍କୁ  ସ୍ଵାଗତ କରିଥିଲେ । ପ୍ରତ୍ୟହ ଦିନବେଳା  ଭାଗବତ ପାରାୟଣ ଓ ସନ୍ଧ୍ୟାରେ ରାମଲୀଳା କରାଯାଉଥିଲା । ରାମ ଓ ଲକ୍ଷ୍ମଣ ବେଶରେ  କଳାକାର ମାନେ ଗ୍ରାମ ପରିକ୍ରମା କରୁଥିଲେ ।ପ୍ରତି ଘରେ ତାଙ୍କର ପାଦ ଧୌତ କରାଯାଇ ପୂଜା କରୁଥିଲେ ।ରାତିରେ  ସାଂସ୍କୃତିକ କାର୍ଯ୍ୟକ୍ରମ  ରେ  ୧୫ ତାରିଖ ଦିନ ଅନ୍ଧାରୀ ପାଲି ନାରାୟଣୀ ସାଂସ୍କୃତିକ ସାଂସଦ ଦ୍ଵାରା ଭଜନ, ପଲସା ପାଲିର ଭାଗବତ ପାରାୟଣ, ସମ୍ବଲପୁର ର ଭଜନ ସନ୍ଧ୍ୟା, ୧୬ ତାରିଖରେ ବଲାଙ୍ଗୀର ର ମୋନାଳି ମହାପାତ୍ର ଙ୍କ ଦ୍ଵାରା ପାରାୟଣ, ସରେଇ ପାଲି ପିଙ୍କି ଭୁଏ ଓ ପ୍ରଭାସିନୀ ବାଗ ଙ୍କ ସଂଚାର ନୃତ୍ୟ ଏବଂ ଆଜି ସଂକ୍ରିଡା ର ବୈଷ୍ଣବୀ ପୁରୋହିତ ଙ୍କ ଅ ମୃତ ରସ ପ୍ରବଚନ, ସୋଢ଼ା ପାଲି ଓ ବରହାମୁଡ଼ା ର ମହିଳା ସଙ୍କୀର୍ତ୍ତନ  ପରିବେଷଣ ହୋଇଥିଲା । ହଜାର ହଜାର  ଶ୍ରଦ୍ଧାଳୁ ଙ୍କ ସମାଗମ ହୋଇଥିଲା ।ସମସ୍ତେ ପାରାୟଣ ତଥା ନାମ ସଙ୍କୀର୍ତ୍ତନ କୁ ବେଶ୍ ଉପଭୋଗ କରିଥିଲେ । ଗ୍ରାମର ଚାରିଆଡ଼େ ଉତ୍ସବ ମୁଖରିତ ହୋଇ ଉଠିଥିଲା । ମୀନା ବଜାର ସହ ଦୋକାନ ବଜାର  ରେ ଭିଡ଼ ଜମି ରହିଥିଲା । ଏହି ପ୍ରତିଷ୍ଠା ମହୋତ୍ସବ ରେ ଅବଳ ବୃଦ୍ଧା ବନିତା ସକ୍ରିୟ ଭାବେ ଦାୟିତ୍ଵ ନିର୍ବାହ କରି ମହୋତ୍ସବକୁ ସଫଳତାର  ଶୀର୍ଷରେ ପହଞ୍ଚାଇ ଥିଲେ ।