16-Feb-2025

ଆଗଲପୁର, (ବିନୋଦ ଦୀପ) ଆଗଲପୁର ପଞ୍ଚାୟତ ସମିତି ମହାବିଦ୍ୟାଳୟ, ବାଣୀନିକେତନ, ରୋତ, ଜିଲ୍ଲା-ବଲାଙ୍ଗିରରେ ଆଜି ବିଗତ ୪୨ ବର୍ଷର ପୂରାତନ ଛାତ୍ରଛାତ୍ରୀମାନଙ୍କୁ ନେଇ ଏକ ପୂରାତନ ଛାତ୍ର ସମ୍ମିଳନୀ ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ପ୍ରଦୀପ କୁମାର ଷଡଙ୍ଗୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ପରିଚାଳନା ସଂପାଦକ ଡକ୍ଟର ସୁବିଜ୍ଞ ଗଡତ୍ଯା ଓ ସହ-ପରିଚାଳନା ସଂପାଦକ ଶ୍ରୀଯୁକ୍ତ ଦୈତାରି ଶବର ମଞ୍ଚାସୀନ ଥିଲେ। ସଭାର ଆରମ୍ଭରେ ମାଁ ସରସ୍ଵତୀଙ୍କ ପଟୋଚିତ୍ରରେ ପ୍ରଦୀପ ପ୍ରଜ୍ଜ୍ଵଳନ ଓ ମାଲ୍ୟାର୍ପଣ କରି ସମୂହ ପ୍ରାର୍ଥନା ଓ ଜାତୀୟ ସଙ୍ଗୀତ ଗାନ କରାଯିବା ସହ ମହାବିଦ୍ୟାଳୟ ସହିତ ଜଡିତ ଦିବଙ୍ଗତ ଆତ୍ମାମାନଙ୍କ ପ୍ରତି ନିରବ ପ୍ରାର୍ଥନା କରାଯାଇଥିଲା। ଏହାପରେ ପୂରାତନ ଛାତ୍ରଛାତ୍ରୀମାନଙ୍କୁ ପରିଚାଳନା ଓ ସହ ପରିଚାଳନା ସମ୍ପାଦକ ସ୍ବାଗତ ଅଭିଭାଷଣ ପ୍ରଦାନ କରିଥିଲେ ଓ ଅଧ୍ୟକ୍ଷ ଶ୍ରୀଯୁକ୍ତ ଷଡଙ୍ଗୀ ପୂରାତନ ଛାତ୍ର ସଂସଦର ଲକ୍ଷ୍ୟ, ଉଦ୍ଦେଶ୍ଯ ଓ କାର୍ଯ୍ୟପନ୍ଥା ଆଦି ସଂପର୍କରେ ସୁଚନା ପ୍ରଦାନ କରିଥିଲେ। ପରେ ଅଧ୍ୟାପକ, ଅଧ୍ୟାପିକା ଓ କର୍ମଚାରୀବୃନ୍ଦ ନିଜ ନିଜର ପରିଚୟ ପ୍ରଦାନ କରି ପୂରାତନ ଛାତ୍ର ସଂସଦକୁ ସୁଦୃଢ କରି ମହାବିଦ୍ୟାଳୟର ବିକାଶ କରିବାକୁ ଆହ୍ବାନ କରିଥିଲେ। ପରେ ପୂରାତନ ଛାତ୍ରଛାତ୍ରୀମାନେ ନିଜ ନିଜ ପରିଚୟ ଦେଇ ମହାବିଦ୍ୟାଳୟର ସର୍ବାଙ୍ଗୀନ ବିକାଶ କରିବାକୁ ସମ୍ମତ ପ୍ରଦାନ କରିଥିଲେ।

ଏହାପରେ ପୂରାତନ ଛାତ୍ର ସଂସଦ ଗଠନ କରାଯାଇ ସର୍ବସମ୍ମତି କ୍ରମେ  ଅନନ୍ତ କୁମାର ଯୋଷୀଙ୍କୁ ସଭାପତି, ହେମନ୍ତ କୁମାର ପଟେଲ ଉପସଭାପତି, ଅଜୟ କୁମାର ପଟେଲ ସାଧାରଣ ସମ୍ପାଦକ, ରାଧେଶ୍ୟାମ ଯୋଷୀ ସହସମ୍ପାଦକ, ଗୟାଧର ପଟେଲ କୋଷାଧ୍ୟକ୍ଷ ଭାବରେ ମନୋନୀତ ହୋଇଥିଲେ। ଦୁଇଜଣ ଉପଦେଷ୍ଟା ଭାବରେ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ପ୍ରଦୀପ କୁମାର ଷଡଙ୍ଗୀ ଓ ଡକ୍ଟର ସୁବିଜ୍ଞ ଗଡତ୍ଯା ରହିଥିବା ବେଳେ କାର୍ଯ୍ୟକାରୀ ସଦସ୍ଯ ଭାବରେ ଶଶାଙ୍କ ଶେଖର ଭୋଇ, ଦୟାସାଗର ପଟେଲ, ଲୋକାରାମ ସାହୁ, ଆଶିଷ କୁମାର ମେହେର, ସୁବାସ ଚନ୍ଦ୍ର ପଟେଲ, ଧନଞ୍ଜୟ ମେହେର, ଶିବ କୁମାର ଦାସ, କଲ୍ୟାଣୀ ତ୍ରିପାଠୀ, ସ୍ଵାଗତିକା ଚନ୍ଦନ ପ୍ରଭୃତି ମନୋନୀତ ହୋଇଥିଲେ। ସଭାକୁ ଓଡ଼ିଆ ଅଧ୍ୟାପକ ଡକ୍ଟର ଲିଙ୍ଗରାଜ ମେହେର ସଂଯୋଜନା କରିଥିବା ବେଳେ ଇଂରାଜୀ ଅଧ୍ୟାପକ ମାନସ କୁମାର ଧନ୍ୟବାଦ ଅର୍ପଣ କରିଥିଲେ l