03-Feb-2025

ଲୋଇସିଂହା, (ବିନୋଦ ଦୀପ) ଲୋଇସିଂହା ବ୍ଳକ ରୁଗୁଡିଖାଲ ରାମ ମନ୍ଦିର ପ୍ରାଙ୍ଗଣରେ ଚଳିତ ବର୍ଷ ବିଶ୍ଵଶାନ୍ତି ମାନସ ଜଜ୍ଞ ବହୁ ଆଡମ୍ବର ରେ ଆୟୋଜିତ ହୋଇଯାଇଛି l ଚଳିତ ବର୍ଷ ଏହି ଯଜ୍ଞ ୨୮ ବର୍ଷ କୁ ପହଞ୍ଚିଛି l ଜାନୁୟାରୀ ୨୯ ତାରିଖ ରେ କଳସ ଯାତ୍ରା କରାଯାଇ ୩୦ ତାରିଖ ରୁ ଯଜ୍ଞ ଆରମ୍ଭ କରାଯାଇଛି l ନଅ ଦିନ ବ୍ୟାପୀ ହେବାକୁ ଥିବା ଏହି ଯଜ୍ଞ ରେ ପ୍ରତ୍ୟେକ ଦିନ ଦିନବେଳା ଯଜ୍ଞ ସହିତ ବିଭିନ୍ନ ବକ୍ତା ଙ୍କ ଦ୍ୱାରା ପ୍ରବଚନ କାର୍ଯ୍ୟକ୍ରମ ହେଉଛି। ସଂଧ୍ୟା ସମୟରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଛି l ଏହି ପରିପ୍ରେକ୍ଷୀରେ ରବିବାର ସଂଧ୍ୟା  ରେ ସଭାପତି ଯୁଧିଷ୍ଠିର ପଧାନ ଙ୍କ ଅଧ୍ୟକ୍ଷତାରେ ହୋଇଥିବା ସଭା କାର୍ଯ୍ୟ ରେ ମୁଖ୍ୟ ଅତିଥି, ସମ୍ମାନିତ ଅତିଥି ଭାବେ ଯଥାକ୍ରମେ ବିଜୁ ଜନତା ଦଳ ର ସଭ୍ୟ ତଥା ଯୁବ ସମାଜସେବୀ ନିହାର ରଞ୍ଜନ ବେହେରା, ସାମ୍ବାଦିକ ସଂଘ ସଭାପତି ସରୋଜ ବିଶ୍ବାଳ, ଜ୍ୟୋସ୍ନାମୟୀ ସାହୁ,ଭରତ ନାଏକ, ଦୁଷ୍ମନ୍ତ ପଧାନ ପ୍ରମୁଖ ଯୋଗ ଦେଇଥିଲେ। ସଭାକୁ ସରୋଜ ମହାକୁର ପରିଚାଳନା କରିଥିଲେ।ପ୍ରତ୍ୟେକ ଦିନ ଅପରାହ୍ନରେ ରବିନ୍ଦ୍ର ସାହୁ ଓ ସାଥିମାନଙ୍କ ଦ୍ବାରା ରାବଣ ଦରବାର  ଦର୍ଶକ ଙ୍କୁ ବେଶ୍ ଆକ୍ରୃଷ୍ଟ କରୁଛି। ରାଜ୍ୟ ସରକାରଙ୍କ ଓଡିଆ ଭାଷା  ସାହିତ୍ୟ ଓ ସଂସ୍କୃତି ବିଭାଗ ତରଫରୁ ରାଜ୍ୟର ବିଭିନ୍ନ ଅଞ୍ଚଳର ସାଂସ୍କୃତିକ ଦଳ ମାନେ ଆସି କାର୍ଯ୍ୟକ୍ରମ ପରିବେଷଣ କରୁଛନ୍ତି। ଦୁଇଟି ବ୍ଳକ ର ପାଖା ପାଖି ଆଠ ରୁ ଦଶ ଖଣ୍ଡ   ଗ୍ରାମବାସୀ ଙ୍କ ମିଳିତ ସହଯୋଗରେ ଆୟୋଜିତ ହେଉଥିବା ଏହି କାର୍ଯ୍ୟକ୍ରମରେ ସମସ୍ତଙ୍କ ପାଇଁ ପ୍ରତେହ ଅନ୍ନ ପ୍ରସାଦ ର ବ୍ୟବସ୍ଥା  ହେଉଛି l ଆନ୍ୟତମ ଆକର୍ଷଣ ମିନା ବଜାର ରେ ବହୁ ଲୋକଙ୍କ ସମାଗମ ଦେଖିବାକୁ ମିଲିଛି। ଆସନ୍ତା ସାତ ତାରିଖ ପୂର୍ଣ୍ଣାହୁତି ହେଵାର  ଆୟୋଜକ କମିଟି ସୂଚନା ଦେଇଛନ୍ତି l