03-Feb-2025

ବଲାଙ୍ଗୀର (ପ୍ରେରଣା ଖବର): ଅନେକ ବିରଳ ଓ ଦୁରାରୋଗ୍ୟ ବ୍ୟାଧିର ସଫଳ ଚିକିତ୍ସା କ୍ଷେତ୍ରରେ ଏବେ ଏକ ନୂଆଁ ନା ଯୋଡି ହୋଇଯାଇଛି l ରାଜ୍ୟ ତଥା ରାଜ୍ୟ ବାହାରରୁ ନିରାଶ ହୋଇ ଆସୁଥିବା ରୋଗୀ  ମାନଙ୍କୁ ଏକ ନୂଆ ଜୀବନ ଦେଇ ପାରିଛି ବଲାଙ୍ଗୀରର ସ୍ଵରାଜ ହସ୍ପିଟାଲ l  ସର୍ଜିକାଲ୍ ପାରଦର୍ଶୀତାର ଏକ ଅଭୂତପୂର୍ବ ପ୍ରଦର୍ଶନ ସ୍ଵରୂପ ଡକ୍ଟର ସବ୍ୟସାଚୀ ସ୍ୱାଇଁ ଆଜି ବଲାଙ୍ଗୀର ସ୍ୱରାଜ ହସ୍ପିଟାଲରେ ଏକ ବିରଳ ତଥା ଜଟିଳ ଅପରେସନରେ ସଫଳ ହୋଇଥିଲେ ।
ଏକ ଦୁର୍ଘଟଣା ପରେ ଗୁରୁତର ଆହତ ହୋଇଥିବା ରୋଗୀର ପ୍ୟୁବିକ୍ ସିମ୍ଫିସିସ୍ ଡାଇଷ୍ଟାସିସ୍ ମରାମତି କରିଥିଲେ। ଏହି ଅବସ୍ଥା, ଯାହା ସାଧାରଣତଃ ପ୍ରସବ ସମୟରେ ଜଟିଳତାରୁ ଉତ୍ପନ୍ନ ହୁଏ | ଡକ୍ଟର ସବ୍ୟସାଚୀ ସ୍ୱାଇଁ ଏପରି  ଏକ ଚ୍ୟାଲେଞ୍ଜିଂ ସର୍ଜରୀକୁ ସଫଳତାର ସହ ସଫଳ କରିଥିଲେ | ସୂଚନାଯୋଗ୍ୟ ଯେ, ପ୍ୟୁବିକ୍ ସିମ୍ଫିସିସ୍ ଡାଏଷ୍ଟାସିସ୍ ଏକ ଅସାଧାରଣ ବିରଳ ଅବସ୍ଥା, ଯାହାର ଘଟଣା ୫୦୦ରୁ ୩୦,୦୦୦ ଗର୍ଭଧାରଣରେ ମଧ୍ୟରେ ଦୃଷ୍ଟିଗୋଚର ହୋଇଥାଏ। ଦୁର୍ଘଟଣା ହେତୁ ଏପରି ହୋଇଥିବା ଘଟଣା ଚିକିତ୍ସା ଦୁନିଆରେ ବିରଳ ବୋଲି ସ୍ଵରାଜ ହସପିଟାଲର ପ୍ରତିଷ୍ଠାତା ଡ. ସୁଜ୍ଞାନୀ ମିଶ୍ର ସ୍ପଷ୍ଟ କରିଛନ୍ତି  | ଏହି ଅବସ୍ଥାର ସର୍ଜିକାଲ୍ ମରାମତି କ୍ୱଚିତ୍ କରାଯାଏ l ଏପରି ଅନେକ ଜଟିଳ  ରୋଗର ଉପଶମ କ୍ଷେତ୍ରରେ ଏହି ହସ୍ପିଟାଲ ନିଜର ପାରଦର୍ଶିତାକୁ ପ୍ରମାଣିତ କରି ସାରିଛି l ସୁଦୂର ବୁର୍ଲା ରୁ ରେଫର୍ ହୋଇଥିବା ପାଦରେ ଚାଲିବାକୁ ଅସମର୍ଥ ଥିବା ଜଣେ ୧୫ ବର୍ଷର ବାଳକ ଏହି ହସ୍ପିଟାଲରେ ଚିକିତ୍ସିତ ହୋଇ ଏବେ ଚାଲିବା ପାଇଁ ସକ୍ଷମ l  ନିଜର ପୁଅକୁ ଏକ ନୂଆଁ ଜୀବନ ଦେଇଥିବାରୁ ଏଠାରେ କାର୍ଯ୍ୟରତ ଡାକ୍ତର ମାନଙ୍କ ନିଷ୍ଠା ଓ ଦକ୍ଷତାକୁ ପ୍ରଶଂସା କରିଛନ୍ତି ରୋଗୀର ବାପା l
  ବିରଳ ଚିକିତ୍ସା କ୍ଷେତ୍ରରେ ସ୍ଵରାଜ ହସ୍ପିଟାଲର ଏହି ସଫଳତା ଅବସରରେ ଆଜି ହସ୍ପିଟାଲ ପରିସରରେ ଏକ ପ୍ରେସ୍ ମିଟ୍ କରାଯାଇ ଡ ସବ୍ୟସାଚୀଙ୍କ ଦକ୍ଷତା ଓ ସମର୍ପଣ ମନୋଭାବକୁ ଭୂୟସୀ ପ୍ରଶଂସା କରାଯାଇଛି l ଆଜିର ପ୍ରେସ୍ ମିଟ୍ ରେ ଅନ୍ୟମାନଙ୍କ ମଧ୍ୟରେ  ସ୍ଵରାଜ ହସପିଟାଲର ନିର୍ଦ୍ଦେଶକ ଇଂ. ସ୍ଵରାଜ ମିଶ୍ର, ହସ୍ପିଟାଲର ମାନବ ସମ୍ବଳ ବିଭାଗର ସିଦ୍ଧାର୍ଥ ପଣ୍ଡା, ଇଣ୍ଡୋର୍ ପେସେଣ୍ଟ ମ୍ୟାନେଜର ପଙ୍କଜ ତିୱାରୀ, ପ୍ରଶାସକ ଶିବପ୍ରସାଦ ମହାନ୍ତି ଓ ଡ୍ୟୁଟି ମେଡିକାଲ ଅଫିସର ଡ. ସୁରେଶ ମେହେର ପ୍ରମୁଖ ଉପସ୍ଥିତ ଥିଲେ l