05-Jan-2025

ବଲାଙ୍ଗୀର (ପ୍ରେରଣା ଖବର): ଆଜି ଗନ୍ଧରେଲ ସ୍ଥିତ ରାଧାରମଣ ମନ୍ଦିର ପରିସରରେ ମାହେଶ୍ଵରୀ ସାମାଜିକ ସଙ୍ଗଠନର ବାର୍ଷିକ ସାଧାରଣ ସଭା ସହ ବନ୍ଧୁମିଳନ ଅନୁଷ୍ଠିତ ହୋଇ ଯାଇଛି। ଏହି ଅବସରରେ ବଲାଙ୍ଗୀର ନବନିର୍ବାଚିତ ବିଧାୟକ କଳିକେଶ ନାରାୟଣ ସିଂଦେଓଙ୍କୁ ଜାତୀୟ ରାଇଫଲ୍ ଏସୋସିଏସନ୍ ସଭାପତି ହେବା ସହ ଭାରତ ପାଇଁ ବ୍ରୋଞ୍ଜ ପଦକ ପାଇ ଗୌରବାନ୍ୱିତ କରିଥିବା ହେତୁ ସମ୍ବର୍ଦ୍ଧିତ କରା ଯାଇଥିଲା। ବଲାଙ୍ଗୀରର ମୁଖ୍ୟ ଶାଖା ସହ ଆଗଲପୁର, ଲୋଇସିଂହା, ତରଭା, ପୁଇନ୍ତଲା, ଟିଟଲାଗଡ, ଦେଓଗାଁ, ଖପ୍ରାଖୋଲ, ପାଟଣାଗଡ଼, ବଲାଙ୍ଗୀର ସଦର ସମସ୍ତ ଶାଖାର ଶତାଧିକ ପୁରୁଷ ଓ ମହିଳା ସ୍ବେଚ୍ଛାସେବୀ ଉପସ୍ଥିତ ଥିଲେ। ବିଧାୟକ ଯୁବବର୍ଗଙ୍କ କାର୍ଯ୍ୟକଳାପକୁ ପ୍ରଶଂସା କରିବା ସହ ଶିକ୍ଷା, ସ୍ଵାସ୍ଥ୍ୟ, କ୍ରୀଡା ଆଦି କ୍ଷେତ୍ରରେ ନୂଆ ପ୍ରକଳ୍ପ ହାତକୁ ନେବା ପାଇଁ ଉଦବୋଧନ ଦେଇଥିଲେ। ପରିଚାଳନା ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆଙ୍କ ସଭାପତିତ୍ବରେ ହୋଇଥିବା ଏହି 

ସଭାରେ ଅନେକ ସମୟ ଧରି ସମସ୍ତ ସଭ୍ୟ ମତବିନିମୟ କରିଥିଲେ ଏବଂ ଏହି ସଭାକୁ ତୃପ୍ତିମୟୀ ମହାପାତ୍ର ପରିଚାଳନା କରିଥିଲେ ଓ ସଭାପତି ଶୋଭନ କୁମାର ଅଗ୍ରୱାଲ ଧନ୍ୟବାଦ୍ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ଆଶୁତୋଷ ବାଗ, ସୋମେଶ ମିଶ୍ର, ଜତିନ୍ଦ୍ର ସାହୁ, ତୁଷାର କୁଅଁର, କରନ୍ ବେହେରା, ଶିବାନନ୍ଦ ସାହାଣୀ, ଓମ୍ ସୁନା, ଅଂଶୁମାନ କୁମ୍ଭାର, ଦେବାଶିଷ ପାଣ୍ଡିଆ, କାହ୍ନ ସିଂହ ସହଯୋଗ କରିଥିଲେ।