02-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ପଦ୍ମପୁର ଖଦିମଣ୍ଡଳ ଠାରେ ଅବସ୍ଥିତ ମାଁ ଦକ୍ଷିଣ କାଳୀଙ୍କ ପୂଜା ମନ୍ଦିରର ମୁଖ୍ୟ  ପୂଜକ ମକୁନ୍ଦ ଭୋଇଙ୍କ ଦ୍ୱାରା ପୂଜାର୍ଚ୍ଚନା ସମାପନ ହୋଇଯାଇଛି ।ଗତ ତା.୩୧.୧୦.୨୦୨୪ କର୍ତ୍ତା ଶ୍ରୀ ୟଶୋଦେବ ଭୁଏ ତାଙ୍କ  ଧର୍ମପତ୍ନୀ ସୁପ୍ରଭା ବାଗଙ୍କ ସମେତ ପଦ୍ମପୁର ଭକ୍ତବୃନ୍ଦ ଅପରାନ୍ହ ୪ଘ. ସମୟରେ କଳସ ଯାତ୍ରାରେ ପଦ୍ମପୁର ସହର ପରିକ୍ରମା କରି ବଡ଼ବନ୍ଧରୁ କଳସୀରେ ପାଣି ଆଣି ମନ୍ଦିର ଠାରେ ସ୍ଥାପନା କରାଯାଇଥିଲା।ରାତ୍ର ୧୨ଘ. ସମୟରେ ମାଁଙ୍କ ପୂଜା ଆରମ୍ଭ ହୋଇଥିଲା।ଗତ କାଲି ତା.୦୧.୧୧.୨୦୨୪ ଶୁକ୍ରବାର ଅପରାହ୍ନ ୫ ଘ.ସମୟରେ ୯ମ ବର୍ଷ ଯୁଗାର ଯାତ୍ରା ଆୟୋଜନ ହୋଇଥିଲା । ଯୁଗାରଯାତ୍ରା ପଦ୍ମପୁର ଦୈନିକ ବଜାର ପ୍ରାଙ୍ଗଣରେ ଥିବା ଶ୍ରୀ ଗଣେଶ ସେଠ ଓ ତାଙ୍କ ଧର୍ମପତ୍ନୀ ବେଟିଖାଇଙ୍କ ଘରୁ ଦୁଇଗୋଟି ଯୁଗାର ବିଧି  ମତେ ପୂଜାର୍ଚ୍ଚନା କରାଯାଇ ନଗର ପରିକ୍ରମାରେ ଶଙ୍ଖ ଘଣ୍ଟ ଧ୍ୱନୀ ,ବାଜା ,ଡିଜେ ଓ କାଳୀ ବେଶରେ ୟସୀକା ଭୁଏ,ସରସ୍ବତୀ ବେଶରେ ସିମରନ ମେହେର ଓ ଲକ୍ଷ୍ମୀ ବେଶରେ ଅନ୍ଵେଶା ସାହୁ ଙ୍କୁ ସୁ-ସଜ୍ଜିତ ରଥ ସହ ସହସ୍ରାଧିକ ଭକ୍ତଙ୍କ ଗହଳିରେ ସହର ପରିକ୍ରମା କରି  ମନ୍ଦିର ସମ୍ମୁଖରେ ମକୁନ୍ଦ ଭୋଇଙ୍କ ଦ୍ୱାରା  ପୂଜାର୍ଚ୍ଚନା କରି ଭିତରକୁ ଯୁଗାର  ନିଆଯାଇଥିଲା ।

ତା.୦୨.୧୧.୨୦୨୪ ଶନିବାର କୁଷ୍ମାଣ୍ଡ ବଳି ମାଁଙ୍କ ଠାରେ ଅର୍ପଣ କଲା ପରେ ପୂର୍ଣାହୁତି ପର୍ବ ହୋଇଥିଲା ଓ ପରେ ଅନ୍ନ ଭୋଗ ସମସ୍ତ ଭକ୍ତଙ୍କ ପାଇଁ ବ୍ୟବସ୍ଥା କରାଯାଇଥିଲା।ପ୍ରତ୍ୟେକ ମାସର ସଂକ୍ରାନ୍ତି ଦିନ ଅନ୍ନଭୋଗ ସମସ୍ତ ଭକ୍ତଙ୍କ ପାଇଁ ବ୍ୟବସ୍ଥା କରାଯାଇଥାଏ । ବିଗତ ୩୫ ବର୍ଷ ଆଗରୁ ମାଁଙ୍କ ପୂଜାର୍ଚ୍ଚନା ଆରମ୍ବ ହୋଇ ଆସୁଥିବା ବେଳେ ,୨୧ ବର୍ଷ ହେଲା ଲୋକାଭିମୁଖ ହୋଇ ପୂଜା ଚାଲି ଆସୁଛି।ବହୁ ଦୂର ଦୂରାନ୍ତରୁ ମାଁଙ୍କ ଭକ୍ତ ଆସି ନିଜର ମାନସିକ କରି ଥାଆନ୍ତି ଓ ମାଁ ଦକ୍ଷିଣ କାଳୀ ଭକ୍ତଙ୍କ ମାନସିକ ପୂରଣ କରିଥାନ୍ତି। ପ୍ରଜାପିତା ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ତରଫରୁ ଚୈତନ୍ୟ ଦେବୀ ମଣ୍ଡପର ଆୟୋଜନ କରାଯାଇଥିଲା । ତିନିଦିନ ଧରି ଏହି ପୂଜା କାର୍ଯ୍ୟ ମନ୍ଦିର କମିଟି ମୁଖ୍ୟ ଶ୍ରୀ ରଘୁମଣି ସାହୁଙ୍କ ତତ୍ୱାଧାନରେ ଶିବ ଭୋଇ,ସୁଧୀର ଲେଙ୍କା, ଶିରିଶ ସାହୁ (ଟିହୁ ), କୁଞ୍ଜବନ ପଧାନ,ପ୍ରତାପ ନାଥ, ଦୟାସାଗର ସାହୁ, କୁନୁ ନାୟକ,ଯଶୋଦେବ ଭୋଏ,ଦେବରାଜ ବିଶ୍ୱାଳ,ତେଜରାଜ ମେହେର, କୁମାରମଣୀ ମେହେର,ଦାଶ କେଶରାଲ, ମହେନ୍ଦ୍ର,ବାବଲୁ ପଟେଲ,ମଙ୍ଗଲୁ ,ଓ ସାହୁପଡ଼ାର ସମସ୍ତ ସଦସ୍ୟ ସହଯୋଗ କରିଥିଲେ ।