10-Sep-2024

ବଲାଙ୍ଗୀର (ଚିତ୍ରସେନ ବେହେରା): ବିଶ୍ବାତ୍ମ ବିଦ୍ୟା ମନ୍ଦିର ବଲାଙ୍ଗିରର ୩୦ ତମ ପ୍ରତିଷ୍ଠା ଦିବସ, ବିଦ୍ୟା ମନ୍ଦିରର ପ୍ରତିଷ୍ଠାତା ପୂଜ୍ୟପାଦ ସଦ୍ଗୁରୁଦେବ ପରମହଂସ ସ୍ବାମୀ ଶ୍ରୀ ସତ୍ୟପ୍ରଜ୍ଞାନନ୍ଦ ସରସ୍ବତୀ ଜୀ ମହାରାଜଙ୍କ ୬୯ ତମ ଜନ୍ମୋତ୍ସବ ଏବଂ ବିଶ୍ବାତ୍ମ ବିଦ୍ୟା ମନ୍ଦିର ଉଚ୍ଚ ମାଧ୍ୟମିକ ବିଦ୍ୟାଳୟର ଶୁଭ ଉଦ୍ଘାଟନ ଉତ୍ସବ ହର୍ଷୋଲ୍ଲାସ ର ସହିତ ଆନନ୍ଦ ନିକେତନ ଆଶ୍ରମ ପରିସରରେ ପାଳିତ ହୋଇଯାଇଛି । ଏହି ଅବସରରେ ବିଦ୍ୟାମନ୍ଦିରର ପ୍ରତିଷ୍ଠାତା ପୂଜ୍ୟପାଦ ସଦ୍ଗୁରୁଦେବ ଶ୍ରୀ ସ୍ବାମୀଜୀ ମହାରାଜ ଦୀପ ପ୍ରଜ୍ବଳନପୂର୍ବକ ଏହି କାର୍ଯ୍ୟକ୍ରମକୁ ପ୍ରାରମ୍ଭ କରିଥିଲେ । ସଭା ପ୍ରାରମ୍ଭରେ ଫଳକ ଅନାବରଣ ସହିତ ବିଶ୍ବାତ୍ମ ବିଦ୍ୟା ମନ୍ଦିର ଉଚ୍ଚ ମାଧ୍ୟମିକ ବିଦ୍ୟାଳୟର ଶୁଭ ଉଦ୍ଘାଟନ ହୋଇଥିଲା। 
           ଏହି କାର୍ଯ୍ୟକ୍ରମରେ ପୂଜ୍ୟ ସ୍ବାମୀ ଅଦ୍ଵୈତାନନ୍ଦ

ସରସ୍ବତୀ (ଶୁଦ୍ଧାନନ୍ଦ ଆଶ୍ରମ, କିଶୋରନଗର କଟକ), ପୁରନ୍ଦର ମିଶ୍ର ( ମାନ୍ୟବର ବିଧାୟକ, ରାୟପୁର, ଛତିଶଗଡ଼), ବିଶ୍ବାତ୍ମ ଚେତନା ପରିଷଦ ର ସାଧାରଣ ସଂପାଦକ ପୂଜ୍ୟ ସ୍ବାମୀ ସତ୍ୟବେଦାନନ୍ଦ ସରସ୍ବତୀଜୀ, ବଲାଙ୍ଗୀରର ବିଶିଷ୍ଟ ସମାଜସେବୀ ଗୋପାଳଜୀ ପାଣିଗ୍ରାହୀ, ବିଦ୍ୟା ମନ୍ଦିରର ସଂପାଦକ ଶ୍ରୀଯୁକ୍ତ ନବୀନ କୁମାର ବେଦବାକ, ବିଶ୍ବାତ୍ମ ବିଦ୍ୟା ମନ୍ଦିର ଉଚ୍ଚ ମାଧ୍ୟମିକ ବିଦ୍ୟାଳୟ, ଅଧ୍ୟକ୍ଷ ଡ. ସୁଶାନ୍ତ କୁମାର ପ୍ରଧାନ, ବିଦ୍ୟାଳୟର ପ୍ରଧାନ ଆଚାର୍ଯ୍ୟ ତରୁଣ କୁମାର ତ୍ରିପାଠୀ ପ୍ରମୁଖ ଉପସ୍ଥିତ ରହି ଛାତ୍ର-ଛାତ୍ରୀ ମାନଙ୍କୁ ମାର୍ଗଦର୍ଶନ ତଥା ଉଦବୋଧନ ଦେଇଥିଲେ । 
           ଏହି ଅବସରରେ ପୂଜ୍ୟ ଗୁରୁଦେଵଙ୍କର ଶିକ୍ଷା ଉପରେ ଆଧାରିତ ପୁସ୍ତକ "ଏଜୁକେଟର, ଏଜୁକେନ୍ଡ ଏବଂ

ଏଜୁକେସନାଲ ଇନଷ୍ଟିଚ୍ୟୁସନ୍" ଉନ୍ମୋଚନ ହୋଇଥିଲା। ଏହି କାର୍ଯ୍ୟକ୍ରମରେ ପ୍ରଜ୍ଞା ପୁରସ୍କାର ପ୍ରତିଯୋଗୀତା -୨୦୨୪ ର ସମସ୍ତ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା। ପରିଶେଷରେ ଚିତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ଏବଂ ପ୍ରସାଦ ସେବନ ସହିତ ଏହି କାର୍ଯ୍ୟକ୍ରମର ସମାପ୍ତି ହୋଇଥିଲା। ଏହି କାର୍ଯ୍ୟକ୍ରମରେ ଶତାଧିକ ଛାତ୍ରଛାତ୍ରୀ, ଅଭିଭାବକ, ଶ୍ରଦ୍ଧାଳୁ, ଭକ୍ତଙ୍କର‌ସମାଗମ ହୋଇଥିଲା। ସମସ୍ତ କାର୍ଯ୍ୟକ୍ରମକୁ ବିଦ୍ୟା ମନ୍ଦିରର ସଂଯୋଜକ ସମ୍ବିତ୍ କୁମାର ସଂଯୋଜନା କରିଥିଲେ।