10-Sep-2024

 କନ୍ଧମାଳ/ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ) କନ୍ଧମାଳ ଲୋକ ସଭା ନିର୍ବାଚନ ମଣ୍ଡଳୀର ନବ ନିର୍ବାଚିତ ସାଂସଦ ସୁକାନ୍ତ ପାଣିଗ୍ରାହୀ ନିର୍ବାଚିତ ହେବା ଦିନଠାରୁ ଆଜିପଯ୍ୟନ୍ତ  କନ୍ଧମାଳ ଲୋକସଭା ମଣ୍ଡଳୀର ଉର୍ନ୍ନତି ପ୍ରଗତି କ୍ଷେତ୍ରରେ ଅନେକ ପଦକ୍ଷେପ ଗ୍ରହଣ କରୁଥିବାର ଦେଖିବାକୁ ମିଳୁଛି, କେତେବେଳେ ପାର୍ଲ୍ୟାମେଣ୍ଟ ଭିତରେ  ବା ପାର୍ଲ୍ୟାମେଣ୍ଟ ର ଅଧିବେଶନ ସମୟରେ କନ୍ଧମାଳର ସମସ୍ୟାର ବିଷୟରେ ହେଉ କି ରାଜ୍ୟର ସମସ୍ୟା ବିଷୟରେ  ପ୍ରସ୍ତାବ  ଆଗତ କରି ପ୍ରଶ୍ନ ଉଠାଇ ବିତର୍କ

କରିସାରିଛନ୍ତି,  ଏବଂ ମାନ୍ୟବର ପ୍ରଧାନମନ୍ତ୍ରୀ, ସମେତ ପବିତ୍ର ଗୃହର ଦୃଷ୍ଟି ଆକର୍ଷଣ କରିପାରିଛନ୍ତି | ଯାହାକି ଆଗାମୀ ଦିନରେ କନ୍ଧମାଳ ଜିଲ୍ଲାର ଉର୍ନ୍ନତି ପ୍ରଗତି କ୍ଷେତ୍ରରେ ସହାୟକ ହୋଇପାରିବ  | ଏହା ସହିତ  ମାନ୍ୟବର ସାଂସଦ ଶ୍ରୀ ପାଣିଗ୍ରାହୀ ଆଜି  ଭାରତବର୍ଷର ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଜୀଙ୍କ ସହିତ ନୁଆଁ ଦିଲ୍ଲୀ ସ୍ଥିତ ରାଷ୍ଟ୍ରପତି ଭବନରେ ସାକ୍ଷାତ କରି ପ୍ରତିନିଧିତ୍ୱ କରୁଥିବା କନ୍ଧମାଳ ସଂସଦୀୟ କ୍ଷେତ୍ର ସହିତ ଓଡ଼ିଶା ଏବଂ ଭାରତର ପ୍ରମୁଖ  ସମାସ୍ୟା  ବିଷୟରେ ଆଲୋଚନା କରିଛନ୍ତି ଓ ମହାମହିମ ରାଷ୍ଟ୍ରପତି  ଏସବୁ ସମସ୍ୟାର ସମାଧାନ କରିବା ପାଇଁ ହସ୍ତକ୍ଷେପ କରନ୍ତୁ ବୋଲି ଅନୁରୋଧ ରଖିଛନ୍ତି |  ବର୍ତ୍ତମାନ ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୂର୍ମୁ ଓଡିଶାର ମାଟିରୁ ଜନ୍ମଗ୍ରହଣ କରି ଦେଶର ସର୍ବୋଚ୍ଚ ପଦବୀରେ ବସିବା ପର୍ଯ୍ୟନ୍ତ ତାଙ୍କର ଯାତ୍ରା ଏକାକୀ ଅସାଧାରଣ ଓ ଅନନ୍ୟ ବୋଲି ନିଜ ବକ୍ତବ୍ୟରେ ମାନ୍ୟବର ସାଂସଦ ଶ୍ରୀ ପାଣିଗ୍ରାହୀ ଉପସ୍ଥାପନା କରିବା ସହିତ  ନିଜେ

ବ୍ୟକ୍ତିଗତ ଭାବେ ତାଙ୍କ ଠାରୁ ବହୁତ କିଛି ଶିଖିବାକୁ ପାଇଛି  ଏବଂ ସେ ମୋ ପାଇଁ ଏବଂ ସମଗ୍ର ଦେଶର ଯୁବ ସମାଜ ପାଇଁ ଏକ ପ୍ରେରଣାର ଉତ୍ସ ଅଟନ୍ତି ବୋଲି ଅବିହିତ କରିଛନ୍ତି  | କନ୍ଧମାଳ ସାଂସଦ ଶ୍ରୀ ପାଣିଗ୍ରାହୀ ଜଣେ ଉଚ୍ଚକୋଟିର ଦୃଢ଼ମନା ଏବଂ ଜଣେ ଉଚ୍ଚ ଶିକ୍ଷିତ ଗୋଲଡ଼ ମେଡ଼ାଲିଷ୍ଟ ଦୁରଦୃଷ୍ଟି ସମ୍ପନ୍ନ ଏକ ସରଳ ହୃଦୟର ବ୍ୟକ୍ତି, ଓ ଲୋକ ପ୍ରତିନିଧି ଭାବେ ସେ ଧୀରେ ଧୀରେ କନ୍ଧମାଳ ଲୋକସଭା ନିର୍ବାଚନ ମଣ୍ଡଳୀ ଜନସାଧାରଣ ଙ୍କର ପ୍ରିୟପାତ୍ର ହେବାରେ ଯାଉଥିବା ଦେଖିବାକୁ ମିଳୁଛି, ଯାହାକି ଆଗକୁ ସମସ୍ତଙ୍କ ପାଇଁ ଶୁଭଙ୍କର ହୋଇପାରିବ ବୋଲି ଜନସାଧାରଣଙ୍କୁ ମଧ୍ୟରେ ଆଲୋଚନା ହେବାର ଦେଖିବାକୁ ମିଳୁଛି |