10-Sep-2024

ବରଗଡ଼/ଗାଇସିଲେଟ:(ନିରଞ୍ଜନ ତ୍ରିପାଠୀ)- କଲଗାଂପାଲି ଗାଁର୍ ମଧୁ ଗଅଁତିଆର୍ ପରିବାର୍ ବଡ଼ ଗଁତିଆ ବଖିରିର୍ ୨୫ଟା ଘରର୍ ଛୁଆପିଲା ସିଆନ୍ ସୁଜନ୍ ୧୩୦ ଝନ୍ ବଢ଼ା ଉସନାକ୍ ଥି  ଶିଘାତିହାର୍ ନୂଆଁଖାଇ ବଡା ଖୁସ୍ ମିଜାଜ୍ ଥି ମାନ୍'ଲେ। ସଂସ୍କୃତି ପରମ୍ପରାକେ ନେଇ ପହେଲା ଶିଘା ଦେବୀ ମାଁ ସମଲେଇ, ପାଟମେଶିରୀ 
ଚଣ୍ଡୀକଂର୍ ନୂଆଁଖାଇ ଲାଗି ହେଇଥିଲା ।ପୁଜ୍ଯ ପୁଜାଧ୍ୱଜା ଅନୁସାରେ ବଖିରିର୍ ବଡଖା ଶ୍ରୀଯୁକ୍ତ ସଚ୍ଚିଦାନନ୍ଦ ସାହୁ, ନିରଂଜନ ସାହୁ, ପାଇଁ ସାହୁ, ଚିତ୍ର ସେନ ସାହୁ, ନେହେରୁ ସାହୁ, ପ୍ରହଲ୍ଲାଦ ସାହୁ, ଗୋପାଳ ମାନ୍'କୁ  ସନମାନ୍ ଦେଇକରି ସେମାନ୍'କର୍ ଆଶିର୍ବାଦ୍ ଆର୍ ଆଶିର୍ବଚନ୍ କରିଥିଲେ । ପରେ ମାଁ ପାଟମେଶିରୀ ମନ୍ଦିରେ ଘଣ୍ଟ ବାଜିଲା ସାଏଲା ପଛେ ଏକାଥରେ ପରିବାରର୍ ସଭେ ଏକାନେ ବସି କରି ନୂଆଁଚୁରା, ଭୁଜିଭାତ ର୍ ଆସର୍ ଜମି ଥିଲା। ଛଅତୁନ ନଅ ଭଜା ସାଙ୍ଗେ କରଡ଼ି ଲେଥା ସାରୁ ଭଜା ଥଏତ୍ ସୁଆଁଲି ପିଠା ହେଣୁଆ ଚୁରୁଚୁଟି ର୍ ମଜା ନେଇଥିଲେ। ନୂଆଁଖାଇର୍ ବାସି ଦିନ, ବିନା ଆଏଁଷ ବିଷର ରେ ନାନା ପ୍ରକାରର୍ ତୁନସାଗ୍ ରନ୍ଧା ହେଇ ଖାଇଥିଲେ। ଦିନର୍ ୨ ବଜ୍ ନୁ ସାଂସ୍କୃତିକ କାର୍ଯ୍ୟକ୍ରମ ଓ music chair ର ଆୟୋଜନ କରାଯାଇଥିଲା ସବୁ ମାଁ ଭନୀ ଆର୍ ଛୁଆମାନେଁ ଅଲଗା ଅଲଗା ଭାଗ୍ ନେଇଥିଲେ ।ଶେଷରେ  ମଠିଆ ଫଟା  ପ୍ରଥମ ଦ୍ୱିତୀୟ ତୃତୀୟ ସ୍ଥାନ ଅଧିକାର୍ କରିଥିବା ଲୋକ୍'କୁ  ପୁରସ୍କାର ଦିଆ ଯାଇଥିଲା।ଶେଷେ  ନୂଆଁଖାଇ ଭେଟ ହେଲା । ଏଥିରେ  ବିଜୟ ସାହୁ ପ୍ରମୋଦ ସାହୁ କବି ବୈରାଗୀ ସାହୁ ଥବିର ସାହୁ ମହେନ୍ଦ୍ର ସାହୁ ବନେ ସାହେଜ୍ କରିଥିଲେ  ।