03-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ )  କନ୍ଧମାଳ ଜିଲ୍ଲାରେ ପୂର୍ବତନ ଜିଲ୍ଲାପାଳ ଆଶିଷ ଈଶ୍ୱର ପାଟିଲଙ୍କ ବଦଳି ପରେ ନୂତନ ଜିଲ୍ଲାପାଳ ଅମୃତ ଋତୁରାଜଙ୍କ ଦାୟିତ୍ୱ ଗ୍ରହଣ କରିବା ଦିନ ଠାରୁ ଆଜିପଯ୍ୟନ୍ତ ବିଭିର୍ଣ୍ଣ ଅଂଚଳ କୁ କେତେବେଳେ ସ୍କୁଟିରେ ଗସ୍ତ କରୁଛନ୍ତି ତ ଆଉ କେତେବେଳେ କେଉଁ ବ୍ଲକ କାର୍ଯ୍ୟାଳୟ ରେ ଯାଇ ଜନ ଶୁଣାଣି କରି ଲୋକଙ୍କ ସମାସ୍ୟାର ସମାଧାନ କରୁଛନ୍ତି  | ସେହିପରି ଆଜି ଜିଲ୍ଲାପାଳ କାର୍ଯ୍ୟାଳୟର  ସଦଭାବନା ସମ୍ମିଳନୀ କକ୍ଷରେ ଜିଲ୍ଲାସ୍ତରୀୟ ମିଳିତ ଜନ ଶୁଣାଣି କରିଥିଲେ |  ଏଥ୍‌ରେ ନୂତନ ଜିଲ୍ଲାପାଳ ଅମ୍ରିତ ଋତୁରାଜ, ଏସପି ଶୁଭେନ୍ଦୁ କୁମାର ପାତ୍ର, ଅତିରିକ୍ତ ଜିଲ୍ଲାପାଳ ଙ୍କ ସମେତ ସମସ୍ତ ଜିଲ୍ଲା ସ୍ତରୀୟଅଧିକାରୀ ମାନେ ଯୋଗ ଦେଇଥିଲେ | ଆଜିର ଜନ ଶୁଣାଣିରେ ମୋଟ ୧୦୯ ଟି ଅଭିଯୋଗର ଶୁଣାଣି ହୋଇଥିଲା ଓ ବ୍ୟକ୍ତିଗତ ଭାବେ ୯୩ ଟି ଓ ସାମୁହିକ ଭାବେ ୧୬ଟି ଅଭିଯୋଗ ର ଶୁଣାଣି କରିଥିଲେ  ଜିଲ୍ଲାପାଳ ଅମୃତ ଋତୁରାଜ | ଚାରିଜଣ ହିତାକାରୀଙ୍କୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ମୋଟ ୩୫ ହଜାର ଟଙ୍କା ଓ ରେଡ କ୍ରସ ପାଣ୍ଠିରୁ ତିନିଜଣ ହିତାଧୂକାରୀଙ୍କୁ ୨୫ ହଜାର ଟଙ୍କା ଅନୁକମ୍ପା ମୂଳକ ସହାୟତା ରାଶି ପ୍ରଦାନକରାଯାଇଛି  | ନୂତନ ଜିଲ୍ଲାପାଳ ଅମ୍ରିତ ଋତୁରାଜ ଲୋକଙ୍କ ସମସ୍ୟା ପ୍ରତିଦୃଷ୍ଟି ଦେଉଥ‌ିବାରୁ  ବିଭିର୍ଣ୍ଣ ସମସ୍ୟା ନେଇ ଜିଲ୍ଲାପାଳ ଓ ଏସପି ନିକଟକୁ ଆସୁଥିବା ଆବେଦନ କାରୀମାନେ ଜିଲ୍ଲାପାଳଙ୍କର ତୁରନ୍ତ ପଦକ୍ଷେପ ଗ୍ରହଣ କରି ସମସ୍ୟାର ସମାଧାନ କରି ଆବେଦନକାରୀଙ୍କୁ ଉଚିତ ନ୍ୟାୟ ପ୍ରଦାନ କରୁଥିବା ଯୋଗୁଁ ବେଶ ଖୁସି ବ୍ୟକ୍ତ କରୁଥ‌ିବା ଦେଖିବାକୁ ମିଳିଛି |