31-Aug-2024

ବଲାଙ୍ଗୀର, ତା. ୩୧/୦୮ ( ପ୍ରେରଣା ଖବର )  : ବଜ୍ରପାତ ବା ବିଜୁଳି ମାରିବା ଯୋଗୁଁ ଅନେକ ଜୀବନ ହାନି ହେଉଅଛି ।ବଜ୍ରପାତ ସମୟରେ  ଘର ଭିତରେ ଓ ଘର ବାହାରେ ଥିଲାବେଳେ ବିଭିନ୍ନ  ଉପାୟମାନ ଅବଲମ୍ବନ କରି   ସମ୍ଭବତଃ ଜୀବନ ରକ୍ଷା ମିଳିପାରିବ । ବଲାଙ୍ଗୀର ଜିଲ୍ଲା ଜରୁରୀକାଳୀନ କାର୍ଯ୍ୟଳୟ ଓ ବଲାଙ୍ଗୀର  ଜିଲ୍ଲା ଶିକ୍ଷା କାର୍ଯ୍ୟଳୟ ମିଳିତ ଉଦ୍ୟମରେ ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ନଅଗାଁ (ଖ) ହାଇସ୍କୁଲରେ  ବଜ୍ରପାତ ପ୍ରତି ସାବଧାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । 

ପ୍ରଧାନ ଶିକ୍ଷକ ଭାଗବତିଆ ସାହୁଙ୍କ ସଭାପତିତ୍ବରେ କାର୍ଯ୍ୟକ୍ରମରେ  ବିପର୍ତ୍ତି ଓ ବିପର୍ଯ୍ୟୟ  ପରିଚାଳନା ରାଜ୍ୟ ସାଧନ କର୍ମୀ ରାମ ନାରାୟଣ ଦାଶ ତାଲିମ ଦାତା ଭାବରେ ଯୋଗଦେଇ ଥିଲେ । ବିଦ୍ୟାଳୟର ଉପସ୍ଥିତ ଥିବା ଶିକ୍ଷକ, ଶିକ୍ଷୟିତ୍ରୀ , ଛାତ୍ରଛାତ୍ରୀମାନଙ୍କୁ  ଡେମୋଷ୍ଟ୍ରେସନ ମାଧ୍ୟମରେ ବଜ୍ରପାତ ସମୟରେ  ବିଭିନ୍ନ  ଉପାୟମାନ ଅବଲମ୍ବନ କରି   ସମ୍ଭବତଃ ଜୀବନ ରକ୍ଷା ମିଳିପାରିବ ସେ ବିଷୟରେ ଅବଗତ କରାଇଥିଲେ । ଶିକ୍ଷକ, ଶିକ୍ଷୟିତ୍ରୀମାନେ ସର୍ତକ ଆପ ଡାଉନଲୋଡ କରିଥିଲେ । ଏହି ଅବସରରେ ସାପ କାମୁଡିଲେ କ'ଣ କରିବା ଓ କ'ଣ ନ କରିବା  ବିଷୟରେ ଶ୍ରୀ ଦାଶ ସୂଚନା ପ୍ରଦାନ କରିଥିଲେ ।

କାର୍ଯ୍ୟକ୍ରମରେ ୩୨୦ ଜଣଙ୍କୁ ତାଲିମ ଦିଆଯାଇଥିଲା । କାର୍ଯ୍ୟକ୍ରମରେ ଶିକ୍ଷକ ଚିନ୍ତାମଣି ପଧାନ, ସନ୍ତୋଷ କୁମାର ସାହୁ, ଅନ୍ତର୍ଯ୍ୟାମୀ ପଧାନ, ହିମାଂଶୁ ଶେଖର ସାହୁ, ଜ୍ୟୋତିର୍ମୟୀ ବିଶ୍ଵାଳ , କୌଶଲ୍ୟା ଧରୁଆ, ବିକାଶ ରଞ୍ଜନ ପଧାନ, ଶନିଶ୍ଚର ଭୋଇ, ଆଲୋକ ଛତ୍ରିଆ, ଅକ୍ରୁର ବାଗ, ଦେବହରି ବାଗ, ନବୀନ ବିଶ୍ଵାଳ, ଉମାକାନ୍ତ ପ୍ରଧାନ, ନରେନ୍ଦ୍ର ମିଶ୍ର, ଖଗେଶ୍ବର ଦ୍ଵାରୀ ପ୍ରମୁଖ ଉପସ୍ଥିତ ଥିଲେ । ଶେଷରେ ଶିକ୍ଷକ ଜପ ମୁଗ୍ରୀ  ଅର୍ପଣ କରିଥିଲେ ।