29-Jul-2024

ନୂଆପଡ଼ା  (ରାମନାଥ ପଣ୍ଡା )
ବର୍ତ୍ତମାନର ପାଣି ପାଗ ତଥା ଆସନ୍ତା ଦିନର ପାଣିପାଗକୁ ଆଖି ଆଗରେ ରଖି ନୂଆପଡ଼ା ଜିଲ୍ଲା ଖରୀଆର ବ୍ଲକରେ ଅବସ୍ଥିତ ଲୋୟର ଇନ୍ଦ୍ର ଜଳ ସେଚନ ପ୍ରକଳ୍ପ (ତିଖାଲି ଡେମ )ରୁ ଆସନ୍ତା ୩୧ ତାରିଖ ଦିନ ପ୍ରଥମ ବନ୍ୟା ଜଳ ନିଷ୍କାସନ ନିମନ୍ତେ ଲୋୟର ଇନ୍ଦ୍ର ଜଳ ସେଚନ ପ୍ରକଳ୍ପର ଅଧିକ୍ଷଣ ଯନ୍ତ୍ରୀ ସୌମ୍ୟ ରଞ୍ଜନ ଜୟପୁରିଆ ଉଭୟ ନୂଆପଡ଼ା ଓ ବଲାଙ୍ଗୀର ଜିଲ୍ଲାପାଳଙ୍କୁ ଚିଠି ନଂ ୩୧୫୦(୨) ,ତାରିଖ ୨୯ -୭-୨୦୨୪ ଅନୁସାରେ ଜଣାଇଥିବା ସହ ସି ସି ଇ ଲୋୟର ଇନ୍ଦ୍ର ଇରିଗେ ସନ୍ ଖରୀଆର,ସି ଇ ଡେମ୍ ସେଫ୍ ଟି, ଭୁବନେଶ୍ୱର ଓ ଇଞ୍ଜିନିୟର ଇନ୍ ଚିଫ୍ (ଡି ଓ ଡବ୍ଲୁ ଆର୍) ଭୁବନେଶ୍ୱରକୁ ମଧ୍ୟ ପ୍ରେରଣ କରିଛନ୍ତି ।ପ୍ରକଳ୍ପର ଜଳ ଧାରଣ କ୍ଷମତା ଅନୁସାରେ ବର୍ତ୍ତମାନ ପାଖାପାଖି ଜଳରାଶି ହୋଇ ଯାଇଥିବାରୁ ତଥା ପାଣି ପାଗ ବିଭାଗୀୟ ସୂଚନାନୁଯାୟୀ   ଆଗାମୀ ଦିନର ଲଘୁଚାପକୁ କେନ୍ଦ୍ରକରି ଜଳ ଜଳ ସେଚନ ବିଭାଗୀୟ ଅଧିକ୍ଷଣ ଯନ୍ତ୍ରୀ ଏହି ପଦକ୍ଷେପ ଗ୍ରହଣ କରିଥିବା ଜଣାଯାଏ । ଜଳ ନିଷ୍କାସନ କରାଯିବ ବୋଲି ନଦୀ କୂଳିଆ ତଥା ଡେମ ଅଞ୍ଚଳର ଚତୁଃ ପାର୍ଶ୍ଵରେ ଥିବା ଗ୍ରାମ ଗୁଡିକରେ ଲୋକଙ୍କୁ ଡାକବାଜି ଯନ୍ତ୍ର ମାଧ୍ୟମରେ ସୂଚନା ପ୍ରଦାନ କରା ଯିବାର ବ୍ୟବସ୍ଥା କରାଯାଇଛି । ଲୋକଙ୍କ ସୁରକ୍ଷା ଦୃଷ୍ଟିରୁ ଲୋକଙ୍କୁ ଅବଗତ କରୁଛନ୍ତି ବିଭାଗୀୟ କର୍ମଚାରୀ ।ସୁବିଧାରେ ଜଳ ସେଚନ କରି ଚାଷୀ କେମିତି ଆଗକୁ ବଢିବ ତା ପାଇଁ ଅଧିକ୍ଷଣ ଯନ୍ତ୍ରୀ ଙ୍କ ସହିତ ଅନ୍ୟ କର୍ମଚାରୀ ଅହରହ ପ୍ରୟାସ କରିବା ଦେଖିବାକୁ ମିଳିଛି ।