10-Jul-2024

ବଲାଙ୍ଗିର(ମହେନ୍ଦ୍ର ଦର୍ଜି): ବଲାଙ୍ଗିରଜିଲ୍ଲା ପାଟଣାଗଡ଼ ଅଞ୍ଚଳରେ  ଜଣେ ଅପରିଚିତ ଅସହାୟ ଶବକୁ ପ୍ରଥମେ କିଛି ସଂଗଠନ ଶବକୁ ପୋତି ଦେଇଥିଲେ। ସେହି ପୋତି ଥିବା ଶବ ମାଟି ଉପରେ ଦେଖାଗଲା ବୋଲି ପାଟଣାଗଡ଼ ଅଞ୍ଚଳରେ  ଚାଞ୍ଚଲ୍ଯ ଖେଳି ଯାଇଥିଲା । ତାପରେ ସେହି ଶବକୁ ମାଟିରୁ କାଢି ତାକୁ ବଲାଙ୍ଗୀର ଶବ ବ୍ୟବଛେଦ କେନ୍ଦ୍ରକୁ ଅଣା ଯାଇଥିଲା । ପୋଷ୍ଟମର୍ଟମ କରାଗଲା ପରେ ସବୁ କଥା ଜଣାପଡ଼ିଥିଲା । ତଦନ୍ତରୁ ଜଣାପଡିଲା ଯେ, ଏହା ହେଉଛି ଜଣେ ଅସହାୟ ଅପରିଚିତ ଲୋକର ଶବ। ପାଟଣାଗଡ଼ ପୋଲିସ ଶବଦାହ କରିବା ପାଇଁ ବଲାଙ୍ଗୀର ସ୍ବେଚ୍ଛାସେବୀ ସଙ୍ଗଠନକୁ ଯୋଗାଯୋଗ କରିଥିଲେ । ପୋଲିସର ଉପସ୍ଥିତିରେ ବଲାଙ୍ଗୀର ସ୍ବେଛାସେବୀ ସଂଗଠନର ଗୋବିନ୍ଦ ଚନ୍ଦ୍ର ଶତପଥୀ, ସନ୍ତୋଷ ପଟ୍ଟନାୟକ, ଦେବରାଜ ନାଗ ମନୋଜ ଦୀପ, ସିମାଞ୍ଚଳ ସୁନା, ସରୋଜ ଜାଲ, ପ୍ରଦୀପ ଜୁଏଡ଼ ପ୍ରମୁଖ ଉପସ୍ଥିତ ରହି ଶବ ଦାହ କରିଥିଲେ l