05-Jun-2024

ଟିକାବାଲି(ରମେଶ ପଣ୍ଡା ): ରାଜନୀତିର ପଶାପାଲିରେ ହରା ଜିତା ଯଦିଓ ନୂଆ କଥା ନୁହେଁ। କିନ୍ତୁ ଦୀର୍ଘ ବର୍ଷ ଧରି ଶାସନ କରିଥିବା ଶାସକଙ୍କୁ ଲୋକେ କାହିଁକି ଗାଦିଚ୍ୟୁତ କଲେ ତାହା ଏବେ ସମୀକ୍ଷା କରିବାର ବେଳ ଆସିଯାଇଛି । ଗୀତା ରେ ଭଗବାନ ଶ୍ରୀକୃଷ୍ଣ କହିଛନ୍ତି  ମୁଁ ସବୁ ସହିବି କିନ୍ତୁ ଗର୍ବ ଅହଂକାର ନୁହେଁ। ବୋଧେ ସେଇୟା ହିଁ ହେଲା । ଗୋଟିଏ ଗଣତନ୍ତ ରାଷ୍ଟ୍ରରେ ସାଧାରଣ ଜନତା ହିଁ ଦେଶର ସର୍ବଶ୍ରେଷ୍ଠ । ଦୀର୍ଘ ୨୪ ବର୍ଷ ଧରି ଗୋଟିଏ ସରକାର ଓଡ଼ିଶାକୁ ଶାସନ କରିଆସୁଥିଲା କିନ୍ତୁ ଗତ ୨୦୧୯ ନିର୍ବାଚ଼ନ ପରଠୁ ଓଡ଼ିଶାର ଶାସନ କ୍ଷମତା ମୁଷ୍ଟି ମେୟ ବ୍ୟୁରକ୍ରାଟସ୍ ନିଜ ହାତକୁ ନେଇ ବିଭିନ୍ନ ପ୍ରକାର  ଯୋଜନା  କରି ଓଡ଼ିଶାର ସାଧାରଣ ଜନତାଙ୍କ ଟିକସ ଟଙ୍କାକୁ ଉପଯୁକ୍ତ ବିନିଯୋଗ କରାଯାଉନଥିବା ଅଭିଯୋଗ ହୋଇ ଆସୁଥିଲା। , ଏ କଥା ପ୍ରାୟ ସବୁ ଯାଗାରେ ଆଲୋଚ଼ନା ହେଉଥିଲା। ତା'ର ପରିଣାମ ସେହି ସରକାରଙ୍କୁ ଭୋଗିବାକୁ ପଡ଼ିଲା । ଯେ କୌଣସି ଅଫିସ୍ ବା କୌଣସି ସରକାରୀ କାର୍ଯ୍ୟାଳୟ କୁ ଗଲେ ହାତ ଗୁଞ୍ଜା ନଦେଲେ କାମ ହେଉ ନଥିଲା । ଓଡ଼ିଶାରେ ଶିକ୍ଷିତ ବେକାରି ଦିନକୁ ଦିନ ବଢ଼ିବାରେ ଲାଗିଛି,ଚାଷ ପାଇଁ କିଛି ଜିଲ୍ଲାରେ ଜଳସେଚ଼ନ ନାହିଁ, ଦାଦନ ସମସ୍ୟା ନ କହିବା ଭଲ, ସାଧାରଣ ଲୋକେ ନ୍ୟାୟ ପାଇବା କଷ୍ଟ, ସ୍କୁଲ ଗୁଡିକରେ ଶିକ୍ଷକ ପୂର୍ଣ୍ଣମାତ୍ରାରେ ନାହାଁନ୍ତି, ଡାକ୍ତର ଖାନାରେ ଡ଼ାକ୍ତର ତଥା ଜିଲ୍ଲା ଡ଼ାକ୍ତର ଖାନାରେ ବିଭାଗୀୟ ବିଶେଷଜ୍ଞ ନାହାଁନ୍ତି, ଯଦିଓ କିଛି କିଛି ଉନ୍ନତି ଏହି ସରକାର ଅମଳରେ ହୋଇଛି କିନ୍ତୁ ୨୪ ବର୍ଷରେ ଯେତିକି ହେବା କଥା ବହୁତ   ବାକି ରହି ଯାଇଛି । ଏହି ସରକାରର ଶାସନରେ ଲୋକେ ଅତିଷ୍ଠ ହୋଇ ଗାଁ ରୁ ସହର ସବୁଠି ପ୍ରତିବାଦର ସ୍ବର ଶୁଣିବାକୁ ମିଳୁଥିଲା , ତାହା ଏବେ ଏହି ଜନାଦେଶରୁ ଜଣାପଡୁଛି। ଏଠାରେ ମନେରଖିବାକୁ ହେବ ପେ ସାଧାରଣ ଲୋକଙ୍କ ଠାରୁ କୌଣସି ମନ୍ତ୍ରୀ ବା  ଅଫିସର ବଡ଼ ନୁହଁନ୍ତି। ବର୍ତ୍ତମାନ ର ନୂଆ ସରକାର ଏହି ଘଟଣାରୁ ଶିକ୍ଷା ପାଇ ନିଜ ସରକାରକୁ ନେଇ ଲୋକାଦ୍ଭିମୁଖି କାର୍ଯ୍ୟ ସହ ସମାଜରେ ରହୁଥିବା ପ୍ରତ୍ୟେକ ବର୍ଗର ଲୋକଙ୍କ ମୌଳିକ ସମସ୍ୟା ସହିତ ଜଡିତ ହେବା ଦରକାର । ତେବେ ଲୋକେ ଏହି ସରକାରକୁ ପୂର୍ଣ୍ଣ ସମର୍ଥନ କରିଆସୁଥିବେ । ଏଠାରେ ସୂଚ଼ନା ଯୋଗ୍ୟ ଯେ, ନବୀନ ସରକାରଙ୍କ ଶେଷପାଳିରେ ଓଡିଶାରେ ଗଣତନ୍ତ୍ର ଥିବା ପରି ମନେହେଉ ନଥିବା ସବୁ ଯାଗାରେ ଆଲୋଚନା ହୋଇ ଆସୁଥିଲା। ଏହି ନୂଆ ସରକାର ସବୁ ବର୍ଗର ସେ ଲୋକଙ୍କୁ ସୁହାଇଲା ଭଳି କିଭଳି ଯୋଜନା କରୁଛି ତାହା ଦେଖିବାକୁ ବାକି ରହିଲା। (ଟିକାବାଲିରୁ ରମେଶ ପଣ୍ଡାଙ୍କ‌‌‌ ରିପୋର୍ଟ)