27-Dec-2020

ଖଣ୍ଡପଡା, ନୟାଗଡ଼, (ପ୍ରଦୀପ କୁମାର ପଣ୍ଡା) -ସମାଜସେବୀ ତଥା ରାଜନେତା ଦୁଷ୍ମନ୍ତ ସ୍ୱାଇଁଙ୍କ ଖଣ୍ଡପଡାବାସୀଙ୍କ ପାଇଁ ଅଭିନଵ ପ୍ରୟାସ ଜାରି ରହିଛି | ଖଣ୍ଡପଡା ନିର୍ବାଚନ ମଣ୍ଡଳୀର ପ୍ରତ୍ୟେକ ଗ୍ରାମ କୁ ସାହାଯ୍ୟର ହାତ ବଢ଼ାଇଲେ ସମାଜସେବୀ ଦୁଷ୍ମନ୍ତ | ବର୍ତମାନ ଶୀତ ର ପ୍ରକୋପ ଅସହ୍ୟ ହୋଇ ପଡ଼ିଥିବା ବେଳେ ଶ୍ରୀଯୁକ୍ତ ସ୍ୱାଇଁ ପ୍ରତେକ ଗ୍ରାମ ବୁଲି ଗରିବ, ଅସହାୟ, ବୃଦ୍ଧ, ବୃଦ୍ଧା ମାନଙ୍କୁ କରୁଛନ୍ତି କମ୍ବଳ ବଣ୍ଟନ | ପ୍ରକାଶଥାଉକି ଗତକାଲି ଅପରାହ୍ନ ପ୍ରାୟ ୩ ଘଟିକା ସମୟରେ ଦୁଷ୍ମନ୍ତ ପଂହଁଚିଥିଲେ ନୟାଗଡ଼ ଜିଲ୍ଲା ଖଣ୍ଡପଡା ନିର୍ବାଚନ ମଣ୍ଡଳୀ ର କୁମ୍ଭାରପଡ଼ା ଗ୍ରାମରେ କମଳ ବଣ୍ଟନ ସହିତ ଗ୍ରାମବାସୀ ଙ୍କ ଦୁଃଖ ଦୁର୍ଦଶା ବିଷୟରେ ବୁଝିବା ପାଇଁ | କୁମ୍ଭାରପଡ଼ା ଗ୍ରାମରେ ଶତାଧିକ ଗରିବ, ଅସହାୟ, ବୃଦ୍ଧ ବୃଦ୍ଧା ମାନଂକୁ ଦ୍ୱାର ଦ୍ୱାର ବୁଲି କରାଯାଇଥିଲା କମଳ ବଣ୍ଟନ | ଏପରିକି କମଳ ବଣ୍ଟନ ସମୟରେ ମା ମଙ୍ଗଳା କ୍ରିକେଟ କ୍ଲବ ର ସଦସ୍ୟ ମାନଙ୍କ ଅଭିଯୋଗ ରକ୍ଷା କରିବାକୁ ଯାଇ ସେ ଖେଳପଡିଆ ଉନ୍ନତିକରଣ ପାଇଁ କିଛି ସହାୟତା ରାଶି ପ୍ରଦାନ କରିବାର ପ୍ରତିଶୃତି ଦେଇଛନ୍ତି | ଏକ ଭଜନ ମାତୃ ମଣ୍ଡଳୀ କୁ ବାଦ୍ୟଯନ୍ତ୍ର ପ୍ରଦାନ କରିବାର ପ୍ରତିଶୃତି ମଧ୍ୟ ଦେଇଛନ୍ତି | ଭଙ୍ଗା ଚାଳ ଛପର ଘର ଗୁଡିକର ଏକ ତାଲିକା ପ୍ରସ୍ତୁତ କରିଛନ୍ତି ଶ୍ରୀଯୁକ୍ତ ସ୍ୱାଇଁ | ଏହି ପ୍ରୟାସ ଜାରି ରହିଥିବା ବେଳେ ଅନେକ ବୃଦ୍ଧ ବୃଦ୍ଧା ଅସହାୟ ମାନଙ୍କ ଆଶୀର୍ବାଦ ର ବର୍ଷା ହୋଇଛି ଶ୍ରୀଯୁକ୍ତ ଦୁଷ୍ମନ୍ତ ସ୍ୱାଇଁ ଙ୍କ ଶିର ରେ |