09-May-2024

କଳାହାଣ୍ଡି ,କୋକସରା (ତ୍ରିନାଥ ବେଶ୍ରା )
ରାଜ୍ୟସ୍ତରୀୟ ଲୋକ ସଂଗଠନ ସମୁହ ଓଡ଼ିଶା ଶ୍ରମଜିବି ମଞ୍ଚ ଓ ମହିଳା ଶ୍ରମଜିବି ମଞ୍ଚ ଓଡିଶାର  ସଦସ୍ୟ ସଂଗଠନ ଭାବେ ସ୍ଥାନୀୟ ଲୋକ ସଂଗଠନ ନାଗରିକ ବିକାଶ ସଂଗଠନ, କଳାହାଣ୍ଡିର ସମସ୍ତ ଆଦିବାସୀ, ଦଳିତ ଓ ପଛୁଆବର୍ଗ ର ବାସିନ୍ଦା ଗଣ ଆସନ୍ତା ତା13/05/2023 ରିଖ ଦିନ ହେବାକୁ ଥିବା ସାଧାରଣ ନିର୍ବାଚନ କୁ ଆଖି ଆଗରେ ରଖି "ଜନ ଇସ୍ତାହାର" ପ୍ରସ୍ତୁତ କରାଯାଇଛି ଏଥିରେ  17 ଗୋଟି ଜିଲ୍ଲାରେ ଥିବା 20 ଗୋଟି ଲୋକ ସଂଗଠନ ଓଡିଶାର 102 ଟି ବ୍ଲକ୍ ଏବଂ 1100 ରୁ ଅଧିକ ଗ୍ରାମ ପଞ୍ଚାୟତ ମାଧ୍ୟମରେ ସମ୍ପ୍ରଦାୟ ମାନଙ୍କ ଜୀବନଧାରଣ ମାନରେ ଉନ୍ନତି ଆଣିବା ଲାଗି 11000 ରୁ ଅଧିକ ଗ୍ରାମରେ ପହଂଚି ସ୍ଥାନୀୟ ଲୋକମାନଙ୍କ ସମସ୍ୟା ଏବଂ ଆବଶ୍ୟକତା ଭିତ୍ତିକରି ଜନ ଇସ୍ତାହାର ପ୍ରସ୍ତୁତ କରାଯାଇଛି ୲ ଇସ୍ତାହାର ପ୍ରସ୍ତୁତି ପାଇଁ ଦୁଇଟି ଏକକାଳୀନ ପନ୍ଥା ଗ୍ରହଣ କରାଯାଇଥିଲା ତଳ-ଉପର ଆଭିମୁଖ୍ୟ ଏବଂ ଉପର-ତଳ ଆଭିମୁଖ୍ୟ ଯଥା ପଲ୍ଲୀରୁ ଦିଲ୍ଲୀ ଓ ଦିଲ୍ଲୀରୁ ପଲ୍ଲୀ ଗ୍ରହଣ କରାଯାଇଥିଲା । ନିମ୍ନଲିଖିତ ବିଷୟ ବସ୍ତୁ ଗୁଡ଼ିକ ଏହି ଇସ୍ତାହାରରେ ସ୍ଥାନ ପାଇଛି ଯଥା MGNREGA, କୃଷି, ଖାଦ୍ୟ ନିରାପତ୍ତା, ଜଳ, ଶିକ୍ଷା, ସ୍ୱାସ୍ଥ୍ୟ, ଜନଜାତି, ଜଙ୍ଗଲ, ଜମି, ମହିଳା, ଦଳିତ, ସମାଜିକ ସୁରକ୍ଷା, ପଞ୍ଚାୟତିରାଜ,ଅଙ୍ଗନବାଡି, ଯୁବଗୋଷ୍ଠୀ, ଶିଶୁ, ଏବଂ ମାନବ ଅଧିକାର ଏହିପରି 18 ଗୋଟି ବିଷୟବସ୍ତୁ ରୁ 241 ଗୋଟି ଦାବୀ ସମୁହ ଉଲ୍ଲିଖିତ ଅଛି।ଚଳିତ 2024 ସାଧାରଣ ନିର୍ବାଚନରେ ଲୋକସଭା ଓ  ବିଧାନସଭା ନିର୍ବାଚନମଣ୍ଡଳୀ ପାଇଁ ପ୍ରତିଦ୍ୱନ୍ଦ୍ବିତା କରୁଥିବା ପ୍ରତ୍ୟେକ ରାଜନୈତିକ ଦଳ ଗୁଡ଼ିକର ଆଶାୟୀ ପ୍ରାର୍ଥୀ ପ୍ରାର୍ଥୀନୀ ମାନଙ୍କୁ ଆମର ଏହି ଜନ ଇସ୍ତାହାର ପୁସ୍ତକଟି ପ୍ରଦାନ କରିବା ସହିତ ସମ୍ମତି ପତ୍ରରେ ସ୍ଵାକ୍ଷର କରାଯାଇଥିଲା। ଏହି ଜନ ଇସ୍ତାହାର ଏବଂ ସମ୍ମତି ପତ୍ର ବିଜେପି, କଂଗ୍ରେସ, ବିଜେଡି, ବହୁଜନ ସମାଜ ପାର୍ଟି, ଏବଂ ଅନ୍ୟାନ୍ୟ ସ୍ଵାଧୀନ ଦଳ ର ଆଶାୟୀ ପ୍ରାର୍ଥୀ ପ୍ରାର୍ଥୀନୀ ମାନଙ୍କ ମଧ୍ୟରୁ MLA ପ୍ରାର୍ଥୀ ଭକ୍ତ ଚରଣ ଦାସ, ପ୍ରଦୀପ ଦିଶାରୀ, ରଶ୍ମି ରେଖା ରାଉତ, ଲଳିତା ନାଏକ, ତୁଲେସ୍ଵର ନାଏକ ଏବଂ MP ପ୍ରାର୍ଥୀନୀ ଦ୍ରୌପଦୀ ମାଝୀ ଙ୍କୁ ବର୍ତ୍ତମାନ ସୁଦ୍ଧା ପ୍ରଦାନ କରାଯାଇଛି ତତସହିତ ମିଡିଆ ବନ୍ଧୁ ମାନଙ୍କୁ ମଧ୍ୟ ଜନ ଇସ୍ତାହାର ପୁସ୍ତକ ପ୍ରଦାନ କରାଯାଇଥିଲା। ଉକ୍ତ ଜନ ଇସ୍ତାହାର ପ୍ରଦାନ କାର୍ଯ୍ୟକ୍ରମରେ ନାଗରିକ ବିକାଶ ସଂଗଠନ ର ସଦସ୍ୟ ସଦସ୍ୟା ମାନଙ୍କ ସମେତ ସଂଗଠନ ର କର୍ମକର୍ତ୍ତା ମାନେ ଯେପରି କଲ୍ୟାଣୀ ଦାସ, ଉପେନ୍ଦ୍ର ସୁନାନୀ, ଜଗନ୍ନାଥ ଶଗଡ଼ିଆ, ଅକ୍ଷୟ କୁମାର ଏବଂ ଉର୍ମି ଲିଡର ମାନେ ଉପସ୍ଥିତ ରହି ଥିଲେ ।