-+91-9937148622 |
prerana_bgr@rediffmail.com |
Sunday 19th May 2024 |
R.N.I. Regd No. ODIODI/2010/46693
Breaking News
06-May-2024
କଣ୍ଟାମାଳ, ତା 05.05 : ବରିଷ୍ଟ ବିଜେଡି ନେତା କାର୍ତ୍ତିକ ପାଣ୍ଡିଆନ ରବିବାର ବୌଦ୍ଧ ଜିଲ୍ଲା କଣ୍ଟାମାଳକୁ ତୋଫାନୀ ଗସ୍ତରେ ଆସି ସଦର ହାଇସ୍କୁଲ ପଡିଆରେ ଅପରାହ୍ନ ସାଢେ ତିନିଘଣ୍ଟା ସମୟରେ ଦଳୀୟ ସଭାରେ ଯୋଗଦେଇ ବିରୋଧୀ ଦଳକୁ ଟାର୍ଗେଟ କରିଛନ୍ତି l କେନ୍ଦ୍ର ସରକାର କାଳିଆ ଯୋଜନା, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା (ବିଏସକେୱାଇ ) ମିଶନଶକ୍ତି ଯୋଜନା ଏବଂ ଲକ୍ଷ୍ମୀ ବସ ସେବାକୁ ବନ୍ଦ କରିଦେବା ପାଇଁ ଯୋଜନା ଚଳାଇଛନ୍ତି l ବିରୋଧୀ ଦଳ ଗୁଡିକ ବିକାଶ ବିରୋଧୀ l ଆଗାମି ନିର୍ବାଚନ ରେ ଓଡିଶାବାସୀ ତାହାର ଉଚିତ ଜବାବ ଦେବେ ବିରୋଧୀ ଯେତେ ଅପପ୍ରଚାର କଲେ ମଧ୍ୟ କାମ ଦେବନାହିଁ ବୋଲି ପାଣ୍ଡିଆନ
କହିଛନ୍ତି l କଣ୍ଟାମାଳ ବିଧାୟକ ପ୍ରାର୍ଥୀ ମହୀଧର ରଣା ନିଜ ପାଇଁ ଓ କନ୍ଧମାଳ ସାଂସଦ ପ୍ରାର୍ଥୀ ଅଚ୍ୟୁତ ସାମନ୍ତ ଙ୍କ ପାଇଁ ଭୋଟ ଭିକ୍ଷା କରିଥିଲେ l ସାରା ରାଜ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ହାୱା ବହୁଛି l ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ମିଶନ ଶକ୍ତି, ମଧୁବାବୁ ପେନସନ, ଏବଂ ଲଷ୍ମୀ ବସ ସେବା ଭଳି ଜନ ମଙ୍ଗଳକାରୀ ଯୋଜନା ଗୁଡିକୁ ବନ୍ଦ କରିବା ପାଇଁ ଭାଜପା ଷଡଯନ୍ତ୍ର କରୁଛି l ରାଜ୍ୟ ସରକାର ବର୍ଷକୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ବାବଦକୁ 3ହଜାର କୋଟି ଟଙ୍କା ଖର୍ଚ୍ଚ କରୁଛନ୍ତି l କିନ୍ତୁ କେନ୍ଦ୍ର ସରକାରଙ୍କ ସ୍ୱାସ୍ଥ୍ୟ ବୀମା ଯୋଜନା ରେ ବର୍ଷକୁ 3ଶହ କୋଟି ଦେଉଛନ୍ତି l ବିରୋଧୀ ଦଳକୁ ତୀବ୍ର ସମାଲୋଚନା କରି କହିଲେ ସେମାନେ ବିକାଶ ବିରୋଧୀ ଓଡିଶା ର ସବୁ ବିକାଶ କାମକୁ ବନ୍ଦ କରିବାକୁ ଚକ୍ରାନ୍ତ କରାଯାଉଛି l କଣ୍ଟାମାଳ ନିର୍ବାଚନ ମଣ୍ଡଳୀରେ ବିକାଶର ଧାରା ଚାଲିଛି l ଅଗାମି ଦିନରେ ବିକାଶର ଧାରାକୁ ଆଗକୁ ନେବାପାଇଁ ଆସନ୍ତା 20ତାରିଖରେ ମୋତେ ଏବଂ ଏମପି ପ୍ରାର୍ଥୀ ଡ଼. ଅଚ୍ୟୁତ ସାମନ୍ତ ଙ୍କୁ ଯୋଡି ଶଙ୍ଖରେ ଭୋଟ ଦେବା ପାଇଁ ମହୀଧର ନିବେଦନ କରିଥିଲେ l ସେହିଭଳି କନ୍ଧମାଳ ଏମପି ଡ଼. ସାମନ୍ତ କହିଥିଲେ ରଥି ଏବଂ ସାରଥୀ ମଧ୍ୟରେ ସମନ୍ୱୟ ରହିଲେ ବିକାଶ ଆଗକୁ ଯାଇ ପାରିବ l
ବର୍ତମାନ ପାଣ୍ଡିଆନ ସାରଥୀ ଭୂମିକା ଠିକଭାବେ ନିଭାଉଥିବା ଯୋଗୁଁ ରାଜ୍ୟରେ ବିକାଶ ହେଉଛି ବୋଲି ଶ୍ରୀ ସାମନ୍ତ କହିଥିଲେ l
କାର୍ଯ୍ୟକ୍ରମ ରେ ଅଧିକ ପରିମାଣରେ ମାଆ ମାନଙ୍କୁ ଦେଖି ଖୁସି ବ୍ୟକ୍ତ କରିଥିଲେ ଶ୍ରୀ ପାଣ୍ଡିଆନ l ମାଆ ମାନଙ୍କୁ ମୁଖ୍ୟମନ୍ତ୍ରୀ ଅଧିକ ଭଲ ପାଉଅଛନ୍ତି l ମୁଖ୍ୟମନ୍ତ୍ରୀ ବିଏସକେ୍ୱାଇ କାର୍ଡରେ ମାଆ ମାନଙ୍କୁ ଦଶ ଲକ୍ଷ ଟଙ୍କାର ସ୍ୱାସ୍ଥ୍ୟ ବୀମା ସୁବିଧା ପ୍ରଦାନ କରୁଛନ୍ତି l ବିନା ସୁଧରେ ଋଣ ପ୍ରଦାନ କରି ସେମାନଙ୍କୁ ସ୍ୱାବଲମ୍ବୀ କରାଯାଉଛି l ଏଣୁ ମେ 20ରେ ହେବାକୁଥିବା ନିର୍ବାଚନ ରେ ବିକାଶ କୁ ବିରୋଧ କରିବା ସହ ମିଛ ଓ ଅପପ୍ରଚାର କରୁଥିବା ବିରୋଧୀ ମାନଙ୍କୁ ଉଚିତ ଜବାବ ଦେବା ନିମନ୍ତେ କଣ୍ଟାମାଳ ବିଜେଡି ବିଧାୟକ ପ୍ରାର୍ଥୀ ମହୀଧର ରଣା ଓ କନ୍ଧମାଳ ସାଂସଦ ପ୍ରାର୍ଥୀ ଅଚ୍ୟୁତ ସାମନ୍ତ ଙ୍କୁ ଶଙ୍ଖ ଚି଼ହ୍ନ ରେ ଭୋଟ ଦେଇ ଜୟଯୁକ୍ତ କରାଇବା ପାଇଁ ନିବେଦନ କରିଥିଲେ l