-+91-9937148622 |
prerana_bgr@rediffmail.com |
Sunday 19th May 2024 |
R.N.I. Regd No. ODIODI/2010/46693
Breaking News
05-May-2024
ବଲାଙ୍ଗିର: ଆସନ୍ତା ମେ ୨୦ତାରିଖରେ ବଲାଙ୍ଗୀରରେ ନିର୍ବାଚନ ହେବାକୁଯାଉଛି । ସେହି ପରିପ୍ରେକ୍ଷିରେ ରାଜନୈତିକଦଳଗୁଡିକ ଜନସଂମ୍ପର୍କ ବଢାଉଛନ୍ତି । ନିର୍ବାଚନୀପ୍ରଚାରକୁ ଯୋର କରୁଛନ୍ତି । ତେବେ ବଲାଙ୍ଗୀର ବିଧାନସଭା କ୍ଷେତ୍ରରେ ବିଜୁଜନତାଦଳର ପ୍ରାର୍ଥିଥିବା କଳିକେଶନାରାୟଣ ସିଂଦେଓ ଜନସଂମ୍ପର୍କରେ ଆଗରେ ରହିଛନ୍ତି । ବିଜୁଜନତାଦଳ ବଲାଙ୍ଗୀରରେ ଜିଣିଲେ ଆସନ୍ତା ୫ବର୍ଷରେ କଣ କଣ ସବୁ ବିକାଶମୂଳକ କାମକୁ ପ୍ରଧାନ୍ୟଦେଇ କରିବ ସେନେଇ କଳିକେଶନାରାୟଣ ସିଂଦେଓ ଏକ ସଂକଲ୍ପପତ୍ର ଦେଇଛନ୍ତି । ଏଥିରେ ବଲାଙ୍ଗୀରକୁ ଏକ ଅପରାଧମୁକ୍ତ ସହର ତଥା ସବୁଜସୁନ୍ଦର ବଲାଙ୍ଗୀର ଗଠନ ପାଇଁ କଲିକେଶ ଆହ୍ୱାନ ଦେଇଛନ୍ତି । ବଲାଙ୍ଗୀର ସହରର ବିଭିନ୍ନ ସାମାଜିକସଂଗଠନ,ବୁଦ୍ଧିଜୀବି,ମହିଳାସଂଗଠନଙ୍କ ଉପସ୍ଥିତିରେ ବିଜେଡି ବିଧାୟକପ୍ରାର୍ଥି କଳିକେଶ ଏହି ସଂକଲ୍ପପତ୍ରକୁ ଉନ୍ମୋଚନ କରିଛନ୍ତି । ଏହି ସକଲ୍ପ ସହ ଅନ୍ୟାନ୍ୟ ପ୍ରସଙ୍ଗକୁ ରାଜନୈତିକ ଏଜେଣ୍ଡା ଆକାରରେ କଳିକେଶ ନେଇଛନ୍ତି । ଶନିବାର ସଂଧ୍ୟାରେ ସ୍ଥାନୀୟ ରେନବୋ ମେରେଜପେଲେସଠାରେ ଆୟୋଜିତ
କାର୍ଯ୍ୟକ୍ରମରେ ବଲାଙ୍ଗୀର ସହରର ସାମାଜିକ,ସାଂସ୍କୃତିକ ସଂଗଠନର ଏକ ହଜାରରୁ ଉର୍ଦ୍ଧ୍ୱ କର୍ମକର୍ତ୍ତା ଏଥିରେ ସାମିଲ ହୋଇଥିଲେ । ବିଧାୟକପ୍ରାର୍ଥି କଳିକେଶ କହିଛନ୍ତି ଯେ,ବଲାଙ୍ଗୀରରେ ଅନଙ୍ଗଉଦୟ ସିଂଦେଓ ବିଧାୟକ ଓ ସେ ସାଂସଦ ଥିବା ସମୟରେ କେବେ ମଧ୍ୟ ଅପରାଧିଗୋଷ୍ଠୀକୁ ପ୍ରଶ୍ରୟ ଦେଇନଥିଲେ । ଗତ ୧୦ବର୍ଷ ଭିତରେ ପ୍ରତିପକ୍ଷଗୋଷ୍ଠୀ ଅପରାଧିମାନଙ୍କୁ ପ୍ରୋତ୍ସାହିତ କରିଛନ୍ତି । ଫଳରେ ବଲାଙ୍ଗୀର ଭଳି ଏକ ଶାନ୍ତ ସହର ଆଜି ଅଶାନ୍ତ ହୋଇପଡିଛି । ନିଶାଶକ୍ତଯୁବକ,ଜମିମାଫିଆ,ଅପରାଧପ୍ରବଣ ବ୍ୟକ୍ତି ଏକ ନିର୍ଦ୍ଦିଷ୍ଟ ପରିବାରର ଛତ୍ରଛାୟାରେ ତାଙ୍କର କାୟା ବିସ୍ତାର କରୁଛନ୍ତି । ରାଜନେତା ହୋଇ ଅପରାଧିମାନଙ୍କୁ ଆଇନଗତ ସହାୟତା ଦେଇ ଲୋକଙ୍କୁ ଭୟଭିତ କରିବାର ଅନେକ ଉଦାହରଣ ରହିଛି । ତେଣୁ ବିଜେଡିଦଳ ସଂକଲ୍ପପତ୍ର ଜରିଆରେ ସୂଚାଇ ଦେବାକୁ ଚାହୁଁଛି ଯେ,ବଲାଙ୍ଗୀରରେ ପୁଣିଥରେ ମୁଖ୍ୟତଃ ଶିଶୁ ଓ ମହିଳାଙ୍କ ସୁରକ୍ଷା ସହ ସହରରେ ଶାନ୍ତି ଫେରାଇ ଆଣିବାକୁ ସମସ୍ତଙ୍କ ସହଯୋଗର ଆବଶ୍ୟକା ରହିଛି । ଠିକ ସେହିପରି ବଲାଙ୍ଗୀର ଜିଲ୍ଲାରେ ଜଳବାୟୁ ପରିବର୍ତ୍ତନ କାରଣରୁ ବର୍ଷକୁ ବର୍ଷ ତାପମାତ୍ରା ବଢିଚାଲିଛି । ଏହାକୁ ରୋକିବାକୁ ହେଲେ ଆଗାମୀଦିନରେ ଆମେ ବଲାଙ୍ଗୀର ସହର ତଥା ଏହାର ଆଖପାଖର ଜଙ୍ଗଲରେ ସବୁଜବଳକୁ ସୁରକ୍ଷିତ କରିବାକୁ ପଡିବ । ତେଣୁ ବିଜେଡି ଏକ ସବୁଜସୁନ୍ଦର ବଲାଙ୍ଗୀର ଗଠନ ପାଇଁ ବଦ୍ଧପରିକର ବୋଲି କଳିକେଶ କହିଛନ୍ତି । ଆଉ ଅନ୍ୟାନ୍ୟ ସଂକଲ୍ପ ମଧ୍ୟରେ ବଲାଙ୍ଗୀର ସହରରେ ମାଷ୍ଟର ଡ୍ରେନେଜପ୍ଲାନ,ଶିଶୁ ଓ ମହିଳାଙ୍କ ସୁରକ୍ଷା ପାଇଁ ପ୍ରତ୍ୟେକ ଗଳିରେ ଷ୍ଟ୍ରିଟଲାଇଟ ଓ ସିସିଟିଭିର ବ୍ୟବସ୍ଥା,୨୪/୭ରେ ଜରୁରିକାଳିନ ହେଲ୍ପଲାଇନ,୨୪/୭ ସ୍ୱାସ୍ଥ୍ୟ ଓ ଜରୁରିକାଳିନ ଚିକିତ୍ସାସୁବିଧା,ବଲାଙ୍ଗୀର ଭୀମଭୋଇ ମେଡିକାଲ କଲେଜ ଓ ଜିଲ୍ଲା ମୁଖ୍ୟଡାକ୍ତରଖାନାରେ ଅଭିଜ୍ଞଡାକ୍ତର ସହ ଅତ୍ୟାଧୁନିକ ଚିକିତ୍ସାସୁବିଧା ଉପଲବ୍ଧ କରାଇବା,ବିବିଏମସିଏଚରେ ଏମଆରଆଇ ସୁବିଧା କରାଇବା,ବଲାଙ୍ଗୀର ସହରରେ ୨୪/୭ ଶୁଦ୍ଧପାନୀୟଜଳର ବ୍ୟବସ୍ଥା କରାଇବା,ପୋଖରୀଗୁଡିକର ପୁନଃରୁଦ୍ଧାର ଓ ସୌନ୍ଦର୍ଯ୍ୟକରଣ କରାଇବା,ବଲାଙ୍ଗୀର ସହରରେ ପଟ୍ଟାପାଇନଥିବା ବାକିଆ ଲୋକଙ୍କୁ ୬ମାସ ମଧ୍ୟରେ ପଟ୍ଟାପ୍ରଦାନ,ବଲାଙ୍ଗୀର ସହରରକୁ ଏକ ଆଦର୍ଶ ସହର ଭାବରେ ଗଢିତୋଳିବାକୁ ପ୍ରତ୍ୟେକୱାର୍ଡରେ ପାର୍କନିର୍ମାଣ,ବଲାଙ୍ଗୀରର ବୁଦ୍ଧିଜୀବିଙ୍କୁ ନେଇ ଏକ ଭିଜନ ଫୋରମ ଗଠନକରାଯିବା ତଥା ବଲାଙ୍ଗୀର ପୌରପରିଷଦକୁ ପୌରକର୍ପୋରେସନ କରାଇବାକୁ ଉଦ୍ୟମ କରାଯିବ,ଦଶମ ଓ ଦ୍ୱାଦଶ ଶ୍ରେଣୀର ମେଧାବୀଛାତ୍ରୀଙ୍କୁ ଛାତ୍ରବୃତ୍ତିପ୍ରଦାନ,ବଲାଙ୍ଗୀରରେ ଏକ ମହିଳା କ୍ଲବସ୍ଥାପନ,ରାଜେନ୍ଦ୍ର ବିଶ୍ୱବିଦ୍ୟାଳୟରେ ନୂତନ ପାଠ୍ୟକ୍ରମ ବୃ୍ଦ୍ଧି କରାଯିବା,ଛାତ୍ରଛାତ୍ରୀଙ୍କୁ ବୈଶ୍ୱିକ ଦୃଷ୍ଟିକୋଣ ପ୍ରଦାନ,ଡିଜିଟାଲ ଲାଇବ୍ରେରୀର ସୁବିଧା,ଷ୍ଟେଟ ଇନଷ୍ଟିଚ୍ୟୁଟ ଅଫ ହୋଟେଲମେନେଜମେଣ୍ଟର ସମ୍ପ୍ରସାରଣ,ପ୍ରତିଯୋଗୀତାମୂଳକ ପରୀକ୍ଷାପ୍ରସ୍ତୁତି କେନ୍ଦ୍ର ସ୍ଥାପନ,ସମନ୍ୱିତ କ୍ରୀଡାଭିତ୍ତିଭୂମୀର ବିକାଶ,ବିମାନ ଯୋଗାଯୋଗ ଓ ବୈମାନିକ ତାଲିମ କେନ୍ଦ୍ର ସ୍ଥାପନ,ବଲାଙ୍ଗୀର ଖୋର୍ଦ୍ଧା ରେଳଲାଇନ ସଂମ୍ପର୍ଣ୍ଣ ପାଇଁ ଉଦ୍ୟମ,କୃଷି ଅନୁସନ୍ଧାନ କେନ୍ଦ୍ର ଓ କୃଷିବିଶ୍ୱବିଦ୍ୟାଳୟ ସ୍ଥାପନ,ବର୍ଷକୁ ଦୁଇଥର ଜଳସେଚନ ସୁବିଧା,କୃଷିବିତ୍ତିକ ଶୀଲ୍ପପ୍ରତିଷ୍ଠା,ସୁତା,କେନ୍ଦୁପତ୍ର,ହସ୍ତତନ୍ତର ରପ୍ତାନୀ କରାଇବା,ବ୍ୟବସାୟ ସହାୟତାକେନ୍ଦ୍ରର ପ୍ରତିଷ୍ଠା,ଷ୍ଟାର୍ଟଅଫକୁ ସାହାର୍ଯ୍ୟକରିବା ଓ ଉଦ୍ୟୋଗ ପ୍ରତିଷ୍ଠା ପାଇଁ ଯୁବକମାନଙ୍କୁ ସକ୍ଷମକରିବା,ବଲାଙ୍ଗୀରରେ ଆମ୍ବେଦକର ଭବନନିର୍ମାଣ,ସମସ୍ତ ସଂପ୍ରଦାୟର ଅନୁଷ୍ଠାନକୁ ସହାୟତା,ଡ୍ରାଇଭରସଂଘ ପାଇଁ କାର୍ଯ୍ୟାଳୟ ଓ ତାଙ୍କର ବୀମାକରାଇବା,ବରିଷ୍ଠଲୋକଙ୍କୁ ତୀର୍ଥଯାତ୍ରା,ପଶୁମାନଙ୍କ ପାଇଁ ଆଶ୍ରୟଗୃହ ନିର୍ମାଣ କରାଇବାକୁ ବିଜେଡି ସଂକଲ୍ପ ନେଇଥିବା କଳିକେଶ ସୂଚନା ଦେଇଛନ୍ତି । ବିଜେଡିର ଏହି ସଂକଲ୍ପପତ୍ର ଉନ୍ମୋଚନ କାର୍ଯ୍ୟକ୍ରମରେ ନାଗରିକକମିଟିର ସଭାପତି ଡ.ଶ୍ରୀକର ମିଶ୍ର,ମାରୱାଡି ସମାଜର ସଭାପତି ମନୋଜ ଜୈନ,ବଣିକସଂଘର ସଭାପତି କିଶୋରକୁମାରବ ରଥ,ଜିଲ୍ଲାଓକିଲସଂଘର ସଭାପତି ଅମ୍ବରିଶ ତ୍ରୀପାଠୀ,ଜିଲ୍ଲାବ୍ରାହ୍ମଣ ସମାଜର ସଭାପତି,ଗୁଜରାତିସମାଜର ସଭାପତି ଗିରିଧାରୀ ୱାଧୱାନୀ,ମାରୱାଡି ମହିଳା ସମ୍ବଳନର କର୍ମକର୍ତ୍ତାଙ୍କ ସହ ପ୍ରାୟ ୧ହଜାର ଲୋକ ଉପସ୍ଥିତ ରହିଥିଲେ ।